Новости

Қызылорда облысында шаруалар шулап жатыр. Айтуларынша, Үкімет берген көмегін қайта талап етуде екен. Дәлірек айтсақ, қайтарымсыз көмек ретінде берілетін субсидияны өңірдегі басқарма мамандары бюджетке қайтаруды талап еткен. Жауапты мекеме комиссия қателік жіберген дейді, бірақ миллиондарды шаруа қожалықтары қайтаруы керек екен. Түсініксіз жағдайды әріптесім зерттеп көрді.

Шашулар шеруі басталды. Жоқ, тойдың шашуы емес, бюджеттің қаражатын оңды-солды жұмсап жүргендерді айтам. Шенеуніктердің бұл әрекеті әсіресе жыл соңына қарай көрініп қалатыны бар. Қазынаның қаражатын игеріп біту үшін мыңғырған миллиондарды бейберекет жұмсау басталып та кетті. Осындай деректердің бірнешеуін әріптесім Айғаным Достанбай топтастырды.

Қаржылық қиындық пен қарыз кез келген адамның басына түсуі мүмкін. Банк баспанаңызды не басқа мүлкіңізді тәркілегелі жатыр делік. Не істеуге болады? Еңбекпен тапқан затыңыздан айырылмаудың амалдары бар ма? Барын кепілге қойып, несие алған азаматтарға заңгерлер мен қаржыгерлердің берер кеңесін әріптесім Берік Байғара тыңдап қайтты.

Небәрі 3-ақ айда үйлі боламыз дегендер бармақ тістеп қалды. Елімізге белгілі тұтынушы кооперативінің салымшылары баспанаға қол жеткізе алмай, шарқ ұрып жүр. Не ақша қайтпайды, не ешкім ашығын айтпайды. Бүгін қоныс тойын ұзақ күткен бір топ адам бас кеңсеге келіп бұлқан-талқан болды. Тараптардың тартысы немен біткенін тілші біледі.

Алматыда балабақшаға келген жігіт оны кіргізбеген күзетшілерге тапанша кезеніп, қорқытқан. Қарулы азаматқа қарсы тұра алмаған есіктегілер оны ішке кіргізуге мәжбүр болыпты. Бұл оқиға туралы естіген ата-аналардың үрейі ұшты. Балабақшаға тапаншамен келетіндей, ер адамның ойында не болған? Ол өзі жалпы кім? Ұлан Тәліпбай айтып береді.

Дәл осындай қиын жағдай кез келген азаматтың басына келуі мүмкін. Банк баспанаңызды не басқа мүлкіңізді тәркілегелі жатыр делік. Не істеуге болады? Еңбекпен тапқан затыңыздан айырылмаудың амалдары бар ма? Барын кепілге қойып, несие алған азаматтарға заңгерлер мен қаржыгерлердің берер кеңесін әріптесім Берік Байғара тыңдап қайтты.

Аттракционнан ана дүниеге аттанып кетті. Шымкенттегі «Қиял әлемі» саябағында қайғылы оқиға болды. Саябақта демалып жүрген ер адам әткеншекке мінгеннен кейін аяқ астынан денсаулығы сыр беріп, қайтыс болған. Марқұмға бірінші болып саябақ қызметкерлері көмек көрсетпек болғанымен, оларынан түк шықпаған. Оқиғаның мән-жайын Ғалымжан Кенжебек тарқатады.

Алматыда балалар жаппай уланды. Жүзумен айналысатын жеткіншектер кезекті жаттығуға келген сәттен өздерін нашар сезінген көрінеді. Ал, бір апта бұрын ғана бассейннің суын тазартып, керекті мөлшерде хлорлап тұратын жаңа қондырғы орнатыпты. Қазір жеткіншектер түгел дәрігерлердің бақылауында. Олардың жағдайы қалай? Суға у қосқан кім? Әріптесім айтып берсін.

Жамбыл облысында жол апатынан 6 адам қаза тапты. Тағы екеуі түрлі жарақаттармен ауруханаға түскен. Олардың жағдайына да дәрігерлер алаңдап отыр. Қайғылы оқиға күре жолдың бойында, таңға жуық болған. Жалпы, соңғы кездері Жамбыл өңірі десе, алдымен жарылыс, сосын осы жол-көлік оқиғалары бірден ойға келетін болған. Осыдан бірер күн бұрын Таразда аялдамада тұрған бір топ адамды көлік қағып, 2 әйел ажал құшқан …

Азғындар заңнан да, адамнан да аяқ тарпайтын болған. Бас қаланың тұрғындары көшеден кішкентай қызды сүйреп әкетіп бара жатқан еркекті ұстап алды. Жанұшыра көмек сұраған 12 жастағы жеткіншекті 25-тегі жігіттен арашалап алып, тәртіп сақшылары келгенше ұстап тұрыпты. Оның ойында не болған? Тілшіміз оқиға орнына барып, тұрғындармен тілдесіп қайтты.