Новости

Елімізде бір жылдың ішінде 350 мың оқушы интернеттегі түрлі психологиялық қысымға тап болған. Салдарынан кибербуллинг балалардың өміріне қауіп төндіруде. Бүгін төменгі палата депуттатары балаларды қорғауға қатысты бірқатар заңды қарастырды. Тілшіміз толықтырсын!

Елордада 17-ші Еуразиялық медиафорум өз жұмысын бастады. Былтыр пандемияға байланысты болмаған іс-шара, биыл онлайн форматта өтіп жатыр. 3 күнге жоспарланған форумда бұқаралық ақпарат құралдары, саясат, экология, футурология саласының үздіктері қазіргі әлем туралы пікірлерімен бөліседі. Бірінші күн қалай өткені туралы Берік Байғара баяндап береді.

Алматыда «Жанұя» жетімдер үйінің тәрбиеленушісі соққыға жығылды. Әлеуметтік желіде тарап кеткен бейнежазбада бойжеткен қыздың жұдырық жеген сәтін анық көруге болады. Жанжалға тіпті орталықта жұмыс істейтін тәрбиешілердің өзі араша түсе алмай жатқаны видеоға жазылып қалған. Қорғансыз балаларды қорғап жүрген құзырлы органдар оқиға тамыз айында болған деп бастарын алып қашуда.

Елордада 15 пәтер иесі заңды үй болса да, баспана жалдап, өзгенің үйін паналауға мәжбүр. Күз келгенде жеке шаршы метрсіз қалғандар бұған газ дүрсілі мен әкімдікті кінәлайды. «Сарыарқа» ауданына қарасты астаналықтардың сөзінше, техногендік апат шілде айында болса да, ақжағалылар адамдардың үй-жайын әлі де шешіп бермеген. Толығырақ Нұржан Сәдірбай баяндайды.

«12 жастан асқан балаларға екпе сала ма? Мектепте денсаулыққа аса қауіпті антисептиктер қойылып, кабинеттерге улы зат шашуда!». Әлеуметтік желіде желдей ескен осындай ақпараттар жаңа оқу жылы басталғалы елді дүрліктіргені рас. Оқушыларға вакцина салу үшін қаулы шыққаны рас па? Мектептерде шашып жатқан у ма, әлде құр шу ма? Бұған құзырлы органдар не дейді? Анығы қайсы? Тілші бейнематериалынан көріңіз.

Көкжөтел болып, аллергиямыз асқынды. Маңғыстау облысындағы бүтін бір ауылдың шаңнан шырқы бұзылды. Бұған цемент зауытына техника таситын жеке базаның жүк көліктері себеп. Кәсіпкердің әрекетіне ашынған жұрт бизнес иесін ел алдына шығып, мәселені тез арада шешуді талап етті. Бірақ нысан иесімен тілдесу мүмкін болмады. Бұған шамданған ауылдағылар база қызметкерінің бірін айқайдың астына алып, қол көтеруге дейін барды. Сюжетте толығырақ!

Жылдың аяқталуына небары 3 ай қалғанда әкімдер мен министрлер қазынаның қаражатын игере алмай әлек. Бұл туралы Үкімет отырысында Қаржы министрі баяндады. Бюджетті берекелі жұмсай алмай отырған ведомстволардың «қара» тізімін Денсаулық сақтау, Мәдениет және спорт, Төтенше жағдай министрліктері бастап тұр екен. Бұдан бөлек, бірқатар аймақтың әкімдері қомақты сомаларды уақытылы жаратып үлгере алмауда.

Елордада 15 пәтер иесі заңды үй болса да, баспана жалдап, өзгенің үйін паналауға мәжбүр. Күз келгенде жеке шаршы метрсіз қалғандар бұған газ дүрсілі мен әкімдікті кінәлайды. «Сарыарқа» ауданына қарасты астаналықтардың сөзінше, техногендік апат шілде айында болса да, ақжағалылар адамдардың үй-жайын әлі де шешіп бермеген. Толығырақ Нұржан Сәдірбай баяндайды.

Қыз тумадың деп келіншегін кемсіткен еркекке іздеу жарияланды. Балаларын тағдыр тәлкегіне тастап, үйінен қашып кеткен отағасы қайда жүр? «Еуразия» бірінші арнасында бүгін тұсауы кесілетін жаңа жобадан көріңіз! Жаңалықтардан кейін жаңа ток-шоу бүгіннен бастап эфирге шығады. Бағдарлама ұжымы тәулігіне 24 сағат, аптасына 7 күн көрермендермен байланыста.

Алданған үлескерлер. Елоданың сол жағалауынан баспана алған тұрғындар, пәтерді сатар уақытта уәдені үйіп-төккен мердігерге наразы. Себебі, кешенді жұртқа таныстырған сәтте жауаптылар бұл маңда аурухана да, мектеп те, қажетті нысандардың барлығы бой көтереді деп сендірген. Тіпті, сөздерін растау үшін қаланың сәулет жоспарын да көрсетіпті. Бірақ жұрт думандатып жаңа үйге кірген кезде жанына әлеуметтік нысандар емес, тағы да көпқабатты үйлер салынып жатыр …