Новости

Ақтөбеде «Даму» кәсіпкерлікті дамыту қорында апат болды. Ғимараттың төбесі опырылып ортасына түскен. Сол сәтте жұмыста болған қызметкерлердің біреуі терезеден қашып шықса, кейбірі жарақат алған. Ал 33 жастағы қызметкер есін жимастан жансақтау бөлімінде мерт болды. Апат неден болған? Жөндеу жұмыстары неге қызметкерлер ғимаратта отырған сәтте жүргізілген? Тақырыпты Ақбаян Сұлтанмұратова жалғастырады.

Көпке үміт сыйлаған жолдаудың басты жаңалығынан бастайық. Келер жылдан бастап елдегі ең төменгі жалақы 17 мың теңгеге артады. Яғни 42 500 теңгеден 60 мың теңгеге дейін көтеріледі. Халыққа жолдауында Қасым-Жомарт Тоқаев атқарушы билік органдарына осындай тапсырма берді. Сондай-ақ, 2022 жылы 600 мыңға жуық отандасымыздың айлығы 20 процентке артады. Бұл тізімде қандай мамандық иесі бар? Зейнетақы төлемдерін енді депозитке аударуға болатыны …

Бір жарым жыл телефон мен компьютерге телмірткен онлайн оқу бүгіннен бастап артта қалды. Пандемия салдарынан виртуалды әлемді қош көрген мұғалімдер мен оқушылар енді мектеп қабырғасына қайта оралады. Ал бұған білім ордаларының дайындығы қалай? Індет індеп тұрғанда ата-аналар балаларын оқуға жіберуге қарсы емес пе? Тілшіміз тарқатсын.

Ықпалды адамдардың ығына жығылатын әкімдер Президент сынына ілікті. Мемлекет басшысы жайылымдық жерлерді жекешелеп, аумағын темірмен қоршап алатын жандарға жергілікті атқамінерлер жақ ашпайтынын айтты. Соның кесірінен шаруалар мал жаятын жер таппай, арты шығынмен аяқталып жатыр деген Қасым-жомарт Тоқаев, бұл мәселені тез арада шешу керек деп ескертіп, Үкіметке тапсырма берді. Әріптесім Қайыркен Отыншы толығырақ.

Түркістан облысы Ордабасы ауданның тұрғындары ауылдағы мектеп директорының жылы креслосынан кетуін талап етіп, шу шығарды. Бұл жағдайға биыл 2 маусым күні 9-шы сыныпты бітірген қыздың өз-өзіне қол жұмсап, көз жұмғаны себеп болып отыр. Ал қайғылы жағдайға ауыл тұрғындары мектеп директорын кінәлауда. Яғни, білім беру мекемесі басшылығының тарапынан өрімдей қызға емтихан кезінде қысым көрсетілген дейді. Сондықтан оның бұл қызметті атқаруға моральдік …

Ақтөбеде білім күнінің быт-шыты шықты. Бір мезетте алты бірдей мектепте Білім күніне арналған жиын тоқтатылды. Полицейлер мен өрт сөндірушілер ғимаратты қоршауға алып, мектепке жиналғандардың барлығын қауіпсіз жерге көшірді. Елді дүрліктіген не жағдай? Ақбаян Сұлтанмұратова жалғастырады.

Алматыда полиция бастығының орынбасары қол астындағы қызметкерін қойша қуып, сабап тастаған. Наурызбай ауданында болған оқиға ел назарына бірден ілікті. Басшының қарамағындағы қызметкерді саптан бөліп, не себепті сабай кеткені де ашылды. Ал жұдырық ала жөнелген шендіге қандай шешім шықты? Сюжеттен көрейік.

Жамбыл облысында оқ-дәрілер қоймасындағы жарылыстан соң осы күнге дейін белгісіз болып келген 3 мәйіттің тұлғасы анықталды. Қорғаныс министрлігі олардың Жамбыл облыстық төтенше жағдайлар департаменті қызметкерлері екендігі туралы ақпарат таратты. Марқұмдардың тұлғасын анықтау үшін ДНК сараптамасы тағайындалып, оның қорытындысы бүгін белгілі болған екен. Ал осы оқиғадан соң із-түссіз кеткен тағы 1 әскери қызметкер жөнінде әзірге еш хабар жоқ.

Ертең міндетті вакцинацияның мерзімі аяқталады. Алайда күзге дейін екпе алмағандар жұмысқа кірмейді деген желеумен елдің бәріне вакцина салдырған жауаптылар әлі тексерістің нақты тетіктерін әзірлеп үлгермепті. Ал шығыны көптің сынына қалған халық санағына дайындық қалай? Биылғы оқу жылы несімен ерек? Ертеңнен бастап енгізілетін өзгерістер жайлы келесі сюжетте толығырақ.

Оқушылар «Әліппемен» қайта қауышады. Ертеңнен бастап мектеп табалдырығын аттаған балалар классикалық оқу құралынан дәріс алады. Жыл басынан бері Білім және ғылым министрлігі кітапты қайта өңдеп шығарып, еліміздегі 65 мектепте апробациядан өткізген. Ал оның сапасы қандай екенін, балаға қаншалықты ыңғайлы болатынын алдағы оқу маусымы көрсетеді. Айта кетейін, биыл республика бойынша 380 мың бала бірінші сыныпқа барады екен. Жаңа «Әліппеге» қандай өзгеріс …