Новости

Қазір елімізде 25 мың ғалым еңбек етеді. 12-ші сәуір күні олардың кәсіби мерекесі. Бүгін Президент ішіндегі еңбегі сіңген мықтыларына құрмет көрсетіп, ақордадан төр ұсынды. Су жаңа пәтер кілттерін де табыстады. Бірақ, үйдің сертификатын сыйлап қана қоймай, саланы сынап та, сыбап та алды.

Бүгін таң азанымен қосшылық ата-аналар абыр-сабыр болды. Бүлдіршіндерді балабақшаға тасымалдайтын микроавтобусқа қоғамдық көлік соқтығысқан. Ауыр соққы салдарынан көлік ішіндегі балақайлар зардап шегіпті. Бөбекжайға барар жолда апатқа ұшырағандардың жағдайы қалай? Кішкентай жолаушылардың ауыр жарақат алғаны рас па?

Шырт ұйқыда жатқан елордалықтар шошып оянды. Таңға жуық көпқабатты жатақхананың бірі отқа оранды. Алаң-ғұлаңда аяғынан тік тұрған төтенше жағдай мамандары тұрғындарды құтқара алды ма?

Алда ауқымды салықтық-бюджеттік реформа жасалайын деп тұр. Елді шулатқан құн салығына қатысты Үкімет «өгізді де өлтірмейтін, арбаны да сындырмайтын» бір шешімге келдік деді. Ұлттық экономика министрі бүгін жаңа құжатты Мәжілісте депутаттарға 4 сағат түсіндірді. Жыр болған НДС-тің жаңашылдығы кімге жағады, кімге жақпайды?

Жыламаған балаға емшек жоқ болса, жыламаған еркекке жан тыныштығы жоқ екен. Көз жасын көрсетпейтін азаматтар күндердің күнінде жамандыққа жолығады деп қорқытып қойды мамандар. Эмоциясын шығармай, іштен тыну, тіпті, өзіне өзі қол салуға дейін жеткізеді-міс. О, заман да, бұ заман, жігіт деген жылай ма?!

Алматы облысының кейбір ауылдарында соңғы қоңырау соғылып қойды. Біз төртінші тоқсанды енді бастасақ, олар әлдеқашан демалып жатыр. Дәлірек, ата-аналар соңғы қоңырауды өздері жариялап алыпты.

Алматы облысында серіктесін өлтіріп, көлігімен қоса өртеп жіберген күдікті ұсталды. 43 жастағы азамат өз қылмысын толық мойындапты. Тек полицейлер қаскөй не үшін өлтіргенін тергеу құпиясы деп айтпай отыр. Денесі күлге айналған марқұм 56 жаста екен. Қайғыдан қан жұтқан туыстары әзірге журналистермен тілдесуге дайын емес. Тек, жетісін өткізіп, мән-жайды ашық айтамыз дейді.

Алматы облысында ішкені ірің, жегені желім, шошқалармен бірге тамақтанып жүрген кейуана бар. Елу доңызды қора емес үйінде бағып, елдің берекесін алған. Құзырлылар келсе, өзін өлтіремін деп қорқытатын көрінеді. Кесірінен тұтас ауыл таза ауға зар болып отыр. Есік терезені қымптап, таза ауға серуендеуден қалған.

Нан қиқымын шашпаңдар, Жерде жатса — баспаңдар. Теріп алып қастерлеп, Торғайларға тастаңдар. Бұрын бұл төрт жолды жатқа білмейтін бала кемде кем еді, иә? Қазір ұшқан құсқа, жүгірген аңға қамқорлық жасайтындар азайды ма, кім білсін, бұл шумақтарды аз еститін болдық. Шумағы былай тұрсын, шаһарларда бұрын таңертең шиқылдап оятатын құстардың өзі көзден ғайып болды. Олар қайда кетті?

Бүгін Нұрғиса Тілендиевтің туғанына 100-жыл! Әйгілі композитор, дирижер, Халық қаһарманы Алматы облысында 1925 жылдың 1-сәуірінде дүниеге келген. Дәулескер күйшінің өзі тұрған үйі бүгінде музейге айналған. Біздің тілшіміз мұражайды аралап, Нұрғисаның иісі сіңген киімдерін, жиһаздарын, ол ұстаған домбыраны көріп келді.