Новости

Әкімдікке сенбейтін шымкенттіктер тағы да шу шығарды. «Нью-Сити» тұрғын үй кешенінің жұрты баспаналарының сапасыздығына наразы. 2019 жылы пайдалануға берілген үйдің жарнамасы жер жарып, адамдарды ессіз еліктірген. Алайда, құтты қонысқа орналастық деген тұрғындар жеме-жемге келгенде қателескендерін түсінген. Бір жылдан бері үйлерінің бітпейтін мәселесімен арпалысып келе жатқан ағайын жолды жабуға дейін барды. Тілші тарқатады.

Екі адамның өліміне себепкер болған жүргізуші бостандықта жүр. Осыдан бір апта бұрын жантүршігерлік жол апатынан такси жүргізушісі мен жолаушысы оқиға орнында қайтыс болған. Ал жолдың қарсы бетіне шығап кетіп, бетпе-бет соқтығысуға кінәлі болған азаматты полицейлер екі күннен кейін босатып жіберген көрінеді. Марқұмдардың жетісі өтсе де, әлі ешкім кешірім сұрап та келмепті. Қаскелең маңында болған қайғылы жағдайдың жай-жапсарын журналисттер зерттеді.

Үшінші мегаполисте тұрсақ та, он жылдан бері сусыз отырмыз. Шымкенттегі «Ынтымақ» шағынауданының тұрғындары шіліңгір шілдеде тіршілік нәрінсіз отырғандарына наразы. Аудан әкімі жиналысына келгендер құрғақ уәдеге әбден тойғандарын айтып, жұмысты созбалаңға салмай бүгін бастауларын талап етіп, шенді-шекпенділердің табанына тас қойды. «Миллиондаған қаржы бөлінгенімен, шарапатын көріп жатқанымыз жоқ» деген тұрғындарды сан сауал мазалайды екен. «Өркенениеттен жұрдаймыз» деп ашынған халықпен тілші тілдесіп қелді.

Маңғыстаулық шаруалар да өңірде төтенше жағдай жариялануын талап етуде. Өйткені, қуаңшылық қысқан сәтте шаруа қожалықтары қатты зардап шегіп отыр. Аймаққа арнайы іссапармен келген Ауыл шаруашылығы министрінің міндетін атқарушы Ербол Қарашөкеев бұл сұраққа нақты жауап бере алмады. Жергілікті билік те, министрлік өкілі де бұл мәселені басы ашық күйінде қалдырды. Төрт түлігі қынадай қырылған шаруалардың алдағы тағдыры қалай болмақ?

Павлодар облысында әйел мен оның екі баласын пышақтап өлтірген күдікті ұсталды. Тергеу барысында тәртіп сақшылары 36 жастағы қаскүнемнің марқұм әйелмен таныс болғанын анықтады. Ал жантүршігерлік қылмыс 11 шілдеге қараған түні жасалғаны белгілі болды. Марқұмдардың денелері өлтірілгеннен кейін пәтерде шамамен бір жарым күн жатыпты. Егер күдіктінің кінәсі дәлелденетін болса, ол 35 жылға соталуы немесе өмір бойына бас бостандығынан айырылуы мүмкін.

Қазақстанда естелік банкноттарды қабылдамайтын кәсіпкерлер көбейген. Бұл туралы Қазақстанның Ұлттық Банкі хабарлайды. Орталық банктің мәліметі бойынша, елімізде «естелік» банкноттың бірнеше түрі бар. Соның ішінде номиналы 1000 теңгелік «Күлтегін» ескерткіші бейнеленген купюраны сауда орындары мен ұйымдар кейде алмайды екен. Отандастарымыздан тағы қандай ақшаны бизнес көздері қабылдамай жүр? Бұл заңды ма? Мән-жайды Нұржан Сәдірбай біледі.

Қашықта отырып-ақ қылмыс жасайтындар көбейді. Ғаламтордың күшімен онлайн режимде жұртты сан соқтыратындармен күресу үшін Алматы академиясында кибер полицейлерді даярлау қарқынды жүруде. Тіпті, еліміздің барлық өңірінде дәл осы қызметке тағайындалатын мамандардың өзі арнайы курстан өтуі қажет. Қоғамдық тәртіпті ғана күзетіп қоймай, көпшілікті алдап кеткендерді құрықтауға тырысып жатқан құқық қорғаушылар туралы сюжеттен көрейік.

«Уәдеге тойдық!». Ақтөбеде жаңа үйден пәтер сатып алғандар өз үйлеріне кіре алмай жүр. Құрылыс компаниясы көпқабатты үйді былтыр пайдалануға беруі тиіс болғанын айтады. Қолдарында келісімшарттары бар. Бірақ, соған қарамастан, әлі күтіп жүр. Амалы таусылған жұрт араша сұрап облыстық әкімдікке келді. Тұрғындардың мәселесі қашан шешіледі?

Бозбаланы Нұр-Мүбарак университетінің аумағында зорлаған. Бұл туралы белгілі адвокат Айман Умарова мәлімдеді. Қорғаушының айтуынша, күзетші оны бес сағат бойы азаптаған. Ең сорақысы, сол оқиға тапа-тал түсте болыпты. Ал орталық мешіт өкілдері күдікпен ұсталған азамат мешіт күзетшісі емес, келісім-шартпен қызмет көрсететін компанияның өкілі дегенді алға тартуда. Тақырыпты тілшіміз тарқатады.

Тағы да ұсталды. Елде екпенің жалған паспортын әзірлеген ақ халаттылардың әрекеті әшкере болды. Бұл жолы да Гиппократқа берген антынан Алматы мен Нұр-Сұлтан қаласының дәрігерлері аттаған екен. Алайда бірі қара басының қамын ойлап, тиын үшін жалған құжат дайындаумен әлек болғанда, өзгесі ауруханаға минут сайын түсіп жатқан пациенттерді емдеп, қиналып жүр. Дәл осы шаһарларда эпидемиологиялық ахуал күннен-күнге нашарлап барады. Осы орайда Мемлекет …