Новости

Тек алға жүзуді білетін балық секілді баға да бұрынғыдан бетер бағынбай барады. Қазір көкөніс пен жеміс-жидектің бағасы аспандап тұр! Әсіресе қант, қарақұмық, күнбағыс майы секілді жұрт көп тұтынатын тауарлардың бағасы күн сайын көтерілуде. Қарашаның қалтасы жұқалау жартысы анда-санда жейтін жеміс-жидекті мүлде ұмыттық деп отыр. Ырыққа көнбейтін нарық қашанғы құтыра бермек? Болашаққа болжам қандай? Гүлнәзия Жалғасқызы біледі.

«Қонақ келсе ұяламыз». Шығыс Қазақстан облысы Қарағайлы ауданының тұрғындары жуырда ғана алған баспанасын жұртқа көрсетуден қысылып отыр. Үйлі һәм күйлі болдық деп жақындарын екі жыл бұрын ғана сүйіншілеп еді, су жаңа үйлері енді құлаудың аз-ақ алдында тұр. Сетінеген қабырғалар, адырайған шелдер ағайынның зәреқұтын қашырып бітті. Ол ол ма, жертөледен мүңкіген сасық иіс күн ысығанда тіпті шыдатпай жатыр. Жылы су да …

Еңбек министрлігі Түркістан облысының тұрғыны Дастан Орынбасаровқа 47 миллион теңге қарыз. Бірінші топтағы мүгедек өндірістен алған жарақатының өтеуін 14 жылдан бері даулаумен келеді. 2020 жылға дейін өткен 4 сотты өз пайдасына шешкен жарымжан азамат Нұр-Сұлтандағы Есіл аудандық сотынан сүрінді. Мүмкіндігі шектеулі азаматтың жанайқайы келесі материалда.

Өзге елдер екпеге зәру болып жүргенде, біздегілер оны төгіп, рәсуә етуде. Сыбайлас жемқорлыққа қарсы іс-қимыл агенттігінің мәліметінше, еліміздің үш өңірінде жалған вакцина паспортын әзірлеген дәрігерлер ұсталды. Олар келушілерге вирусқа қарсы вакцина салмай, бірақ салғандай сыңай танытып, қолдарына екпе алды деген жалған құжатты ұстатып келген. Ал құтыдағы препараттың өзін жойып отырған. Дәрігерлерден туристік компаниялар да қалысар емес. Алматыда қажыларға жалған вакцина …

Коммуналдық мәселені шешу үшін жиналған жұрт жаға жыртысты. Шілденің шіліңгір ыстығында Іле ауданының тұрғындары не сусыз, не жарықсыз отыр. Бар гәп жаңа төрағаның келуінде дейді. Қалың елді қақ бөлген басшы өз сөзін сөйлеп, қалтасына бірдеңе қыстырғандардың ғана жағдайын жасап отырған көрінеді. Өйткені көмек сұрап барған адамнан 150 мың теңге талап етеді екен. Бұл рас па? Саяжай төрағасын кім сайлады? Сюжеттен …

«Қолға алған шара хайп үшін емес». Батыс өңірінде көтерем болған төрт түлікке шөп жинап жатқан түркістандық Құрмет Талапқазы осылай дейді. «Жұмыла көтерген жүк жеңіл» демекші, оның қасына еліміздің түкпір-түкпірінен ерікті жастар келіп қосылып жатыр. Ондағы мақсат — уақыт оздырмай, қуаңшылыққа тап болған аймақтардағы ағайындарға шөпті ертерек жөнелту. Игі шара туралы тілші толықтырады.

Үш күн бұрын Алматы тауында жоғалып кеткен келіншек табылды. Бірақ, жағдайы тым ауыр дейді мамандар. Оны құтқарушылар Үлкен Алматы көлінің маңайын ұшқышсыз ұшу аппаратын пайдаланып іздеген. Бүгін таңертең сағат 11-ге қарай ес-түссіз жатқан жерінен тауып алған. Ал биіктен төмен қарай түсіру үшін «Қазавиақұтқару» тікұшағын пайдаланған. Алғаш болып көмек қолын созған дәрігерлер жағдайының ауыр екендігін хабарлады.

Ақтөбеде – апокалипсис. Үш тәулік бойы шаһарда жаңбыр толассыз жауды. Тал-теректер құлап, жарық өшіп, көпқабатты үйлер түнекте отырды. Коммуналдық қызметтер су басқан қаланы қашан тазартып бітеді?

Елордада мәйітханалардың бірінде екі адамның мүрдесі шатасып, марқұмдардың туыстары шу шығарды. Олардың сөзінше, мәйітхана қызметкерлері байқаусыздан өзге адамның денесін оларға табыстаған. Ал өз туысының мүрдесін Таразға аттандырыпты. Оқиғаның мән-жайымен тілшіміз танысып қайтты.

Айлықтары шайлықтарына жетпейтін темір жол жұмысшылары бас көтерді. «Барлық ауыр жұмысты істейміз, бірақ жалақыларымыз еліміз бойынша ең төмені» деген оңтүстіктің теміржолшылары «тоқалдан тудық па» деп қапалы. Оның үстіне қымбатшылық алқымнан алып тұрған кезде шын мәнінде қиналғандарын жасырмайды. «Шыдамның да шегі бар» деп ашуға булыққандармен тілші тілдесіп, тағы қандай талап-тілектері барын біліп келді.