Новости

Ұтыстан қалыс қала ма? Әсілінде екпе десе елең еткен халық енді өз еркімен екпе салуға белең алды. Вакцина қабылдағандарға сыйлық тарату акциясы көп адамның көңілінен шыққан тәрізді. Егу кабинеттерінің алды ұзын-сонар кезек. Әріптесім бас қаладағы вакцина қабылдау пункттерінің біріне барып, сондағы жағдаймен танысып қайтты. Көрейік.

Түлектер түрмеден бір-ақ шықты. Ұлттық бірыңғай тестілеуге өз орнына бөтен біреуді өткізбек болған 4 оқушының үстінен қылмыстық іс қозғалды. Арасында жақсы үлгерімімен көзге түскен «алтын белгі» иелері де бар екен. Ұлттық тестілеу орталығының мәліметінше, қазір аталған дерек бойынша сотқа дейінгі тергеу басталыпты. Енді жаңа өмірге қадам басқалы тұрған бозбала-бойжеткендердің алдағы тағдыры не болмақ? Жалпы биылғы тестілеу басқа қандай жаңалығымен есте …

Семейдегі «Юность» шағын ауданының тұрғындары екі аптадан бері лайланған ауыз су ішіп отырғандарын айтып, арнамызға шағымданды. Тіршілік көзінен әбден тарыққан жұрт суды сүзіп, керегіне жаратып, өлместің күнін кешуде. Тіпті кейбірінің техникалары шыдас бермей, шетінен істен шығып жатыр екен. Енді, ашынған тұрғындар шығынды кімнен өндірерін білмей дал. Ал, жауаптылар сапалы ауыз су тарту үшін бюджеттен қомақты қаражат керек, — дейді. Тақырыпты …

Елдегі жолдардың тозып кетуіне жүк көліктері кінәлі! Ұлттық сапа орталығының мамандары олардың қалыпты стандартты сақтамай, артық зат тиуі тақтайдай тас жолға зақым келтіретінін айтады. Алайда, отбасын осы тірлікпен асырап отырғандар жүргізушілер мұнымен келіспейді. Асфальттың сапасы сын көтермегендіктен шыдамай жатыр дегенді алға тартады. Ал, мұны бақылау жұмыстары қалай жүруде? Толығырақ сюжеттен көрейік.

Алматыда үйі өртенген отбасы моншада тұрады. Әп-сәтте бар жиған-тергені күлге айналған ана төрт баласымен бірге жуынатын жерде бір аптадан бері түнеп жүр. Ал, қызыл жалын шарпыған баспана қайта қалпына келтіруге де жарамайды. Есеп бергенде елді қарық қылатын жергілікті билік төтеншеліктердің жауабын күтуден басқа қайран жоқ дейді. Оның үйсіз-күйсіз төрт балаға не қатысы бар екенін өздері түсіндірер. Ал далада қалған отбасын …

Елімізде алдағы уақытта халықаралық рейстерден бөлек, ел ішінде ұшақ, пойызбен қатынайтын жолаушылар ПТР тест тапсыру міндеттелуі мүмкін. Мұндай болжамды вице-премьер Ералы Тоғжанов жасады. Шенеуніктің сөзінше, қатаң шараларға баруға Нұр-Сұлтан мен Алматы қалаларында анықталған «үнді» штаммы себеп болып отыр екен. Бірақ, әлі нақты ереже бекітілген жоқ. Сондай-ақ, Ералы Тоғжанов карантин талаптарының күшейтілетінін мәлімдеді. Коронавирусқа қатысты соңғы деректермен бөлісу үшін әріптесім Қайыркен …

Оқырман саны, қаралым қамы, аздырар адам баласын! Камера ұстаған үйдегі ұл-қыздар енді ерсі биін қойып, бейіт басында тренд түсіруге кірісті. Желіде 18 жастағы тараздық бойжеткеннің зираттағы видеосы тарап, дүйім жұрттың ашуына тиіп жатыр. Сонда қорымды қор қылғандардың ойлағаны не? Ал ас атасын аяғымен таптағандар кім? Сюжет көрейік.

Алматы облысында тұрғындар көп қабатты тұрғын үйдің құрылысына қарсы шықты. Олардың сөзінше, ғимарат ешқандай стандартқа сай емес. Ал, мердігер компанияның өкілдері бұған дейін ешқандай мардымды жауап та бермеген екен. Бұған шамданған жұрт бүгін жаппай көшеге шықты. Ары қарай сюжеттен көрейік.

Оралда былтыр «Қамқорлық» оңалту орталығы ашылған еді. Содан бері мұнда туабітті сал ауруына шалдыққан 223 бала ем алыпты. Нәтиже жаман емес. Бұрын мүлде аттап көрмеген 10 бүлдіршіннің тұсауы кесілген. Ал екі мектептегі инклюзивті класта 18 ерекше бала өзге оқушылармен тең дәрежеде білім алып жүр. Бұл жобалар Нұрсұлтан Назарбаев қорының бастамасымен жүзеге асуда. Қор директоры Дариға Назарбаева Батыс Қазақстан облысында болып, …

Шымкентте дизель отынының тапшылығы қатты сезіле бастады. Салдарынан жанар-жағармай бекеттерінде ұзын сонар кезек туындап, жүргізушілер сағаттап күтуге мәжбүр. Сәйкесінше дизельдің бағасы да шарықтап кеткен. Қазір қаладағы бекеттерде 190-195 теңгеден сатылып жатыр. Ал, Түркістан облысында жағдай мүлдем қиын. Толығырақ тілші тарқатады.