Новости

Жыл басынан бері еліміздің түрмелерінен 50 педофил жазасын өтеп, бостандыққа шыққан. Мұндай статистиканы қылмыстық-атқару жүйесінің мамандары келтірді. Ал, халық қалаулылары мұндай жандар қоғамға қауіп тудыруы мүмкін деп дабыл қағады. Бір қызығы жыл соңына дейін түрмеден шығатын озбырлыққа барған қылмыскерлердің барлығы дерлік мәжбүрлі химиялық кастрациялау санатына кірмейді екен. Себебі, олар бұл заң енгізілгенге дейін істі болған жандар. Толығырақ әріптесім Қайыркен Отыншы …

Ақтауда қалалық әкімдік әлеуметтік желідегі парақшаларына көтерме базарда картоптың келісі 185 теңгеге арзандады деп ақпарат таратқан болатын. Мұны естіп, білген кей тұрғындар қуанып, бағасы қалта көтерерлік өнім алу үшін базарға қарай ағылды. Сатып алушылар бұл жолы сапалы , әрі арзан картоп аламыз деп ойлады. Алайда, «пәлен жерде алтын бар» дегенге барып, «барсам, бақыр да жоқ» екен деп басын салбыратып , …

Әлем елдерін індеттің қайта таралуы алаңдатуда. Осыған орай еліміздің бас санитары қазақстандықтарға үндеу жасады. Себебі, шекаралас елдерде қалыптасқан жағдай көңіл көншітпей отыр. Бізде вирустық ахуал тұрақты болғанымен, қауіп сейілді деуге әлі ерте. Ерлан Қиясовтың сөзінше, отандастарымыз алыс-жақын шет елдерге барып демалуда. «Соның ішінде СOVID-19-дың таралуы бойынша эпидемиологиялық жағдайы күрделі елдер де бар. Мұны ескеру қажет», деді бас санитар.

Бес жігіт 17 жастағы қызды жабылып зорлап тастады. Сұмдық қылмыс Солтүстік Қазақстан облысындағы «Березовая роща» демалыс аймағында жасалған. Қаскөйлер кәмелетке толмаған жасөспірімді әбден қорлап, білгенін істепті. Қызының зәбір көргені жайлы полицейлерге арызды Петропавл қаласының тұрғыны түсірген. Тәртіп сақшылары көп ұзамай осы қылмысқа қатысы бар деген күдікпен бес адамды ұстаған. Олар 17 мен 20-ның аралығындағы жас жігіттер екен. Қазіргі кезде үшеуі …

Елордада коронавирус қайта өрши бастады. Соңғы аптада инфекцияны жұқтыру фактісі 7 пайызға артқан. Сондай-ақ, ел ішінде вирусқа қарсы екпе алу көрсеткіші төмен аймақтар әлі де жеткілікті. Жаһанды шарпыған індет мәселесі Үкімет отырысында сөз болды. Онда Денсаулық сақтау министрі Алексей Цой «КОВИД-19» көршілес жатқан мемлекеттерде өткен жылға қарағанда аса қатты белең алуда, деді. Толығырақ Нұржан Сәдірбай баяндайды.

Тараз жұртшылығы тарақанмен туыс, қандаламен қандас болып кеткен. Екі бірдей көпқабатты үйдің тұрғындары зиянкестермен бірге өмір сүріп келеді. Айтуларынша, қас қарая жатын бөлмеде қансорғыштар қаптап, ұйқы бермейді екен. Ас үйді әлдеқашан жирен түсті жәндіктер жаулап алған. Ал, ұзақ уақыт жөндеу көрмегендіктен су сорғалайтын шатыр мен құлағалы тұрған қабырға өз алдына бөлек мәселе. Халық осының бәрін айтып жергілікті билікке талай барған …

Қасым-Жомарт Тоқаевтың өзі бақылауға алған сот ісіне нүкте қойылды. Мас күйде рөлге отырып, төрт оқушы қызды көлігімен қаққан жүргізушіге бүгін сот үкім кесті. Алматы облысы, Еңбекшіқазақ ауданы, Қорам аулының 54 жастағы тұрғыны ұрттап алып, УАЗ көлігімен жол жиегінде жүрген төрт қызды басып кетіп еді. Жеткіншектердің біреуі оқиға орнында, екеуі ауруханада көз жұмды. Ал, жауапкершіліктен жұрдай ер адам 345-баппен қамауға алынған. …

Алматыда патрулдік полицей адам қағып өлтірді. Қайғылы оқиға таңғы 7 шамасында Алатау ауданында болған. Тәртіп сақшысы өз кінәсін толық мойындап, қара жамылған отбасы мен марқұмның туыстарына қайғырып көңіл айтып жатыр. Ол өз әрекеті үшін кешірім де сұрады. Бірақ қаза болған әйелдің жақындары рөлге отырған кезде формадағы қызметкердің сау болғанына күмәнмен қарайды. Сақшының сайтан судан ұрттағаны рас па? тергеу қалай жүріп …

Павлодарда түнгі клубқа барып, комаға түскеннен кейін көз жұмған 24 жастағы жігіттің туыстары оның өліміне дәрігерлерді кінәлауда. Әлішер Советхан ауыр жарақаттармен 4-ші маусымда ауруханаға түскен. Содан бері ол жансақтау бөлімінде жатты. Тіпті, жағдайы реттеле бастапты. Бірақ, өткен сенбіде дәрігерлер өкпесінің қабынғанын анықтаған. Салдарынан жағдайы мүшкіл азаматтың ағзасы инфекцияны көтере алмай, қайтыс болды. Марқұмның туыстары инфекция дәрігерлердің салғырттығынан жұқты деп отыр.

Естімеген елде көп! Шымкентте бір мектептің қос директоры бар. Қаладағы №125 оқу орнының ата-аналары және мұғалімдері бұл жағдайды мүлдем түсіне алмайды. Себебі, оқушылардың аттестатында бірінші директордың қолы тұрса, ал табельде екінші басшының аты-жөні жазылған. Мұнымен оқу ордасындағы былық бітер емес, қит етсе ақша жинауды әдетке айналдырып алған директор барлығын мезі қылып бітірген. Жағдайдың жәй жапсарын толығырақ Ғалымжан Кенжебек тарқатады.