Новости

Алдағы он жылда Балқашта балық таппай қалуымыз мүмкін. Көлден нәпақасын айырып отырған жұрттың жанайқайы бұл. Сөздерінше, бұған су айнасын теңдей бөліп алған 120 жан кінәлі. Суға шабақ жіберу, жағалауды тазалау, жыртқыш желбезектілердің көзін құрту жұмыстарына тым салғырт қарайды екен.

Елордада Ұлттық қауіпсіздік комитетінің су жаңа департаменті ашылды. Ғимаратты алғашқылардың бірі болып мемлекет басшысы аралап көрді. Қасым-Жомарт Тоқаевқа жедел орталық, қызметкерлердің жұмыс кабинеттері мен заманауи талаптарға сай жабдықталған бөлмелер таныстырылды. Президент Астана тұрғындарының қауіпсіздігін қамтамасыз ету үшін қажетті материалдық базамен қамтамасыз етілген құрылыс жұмыстарына оң баға берді.

Мемлекет басшысы Шымкенттегі мектеп тапшылығы мәселесін шешуді тапсырды. Қасым-Жомарт Тоқаев қала әкімін жеке қабылдап, пәрмен берді. Ғабит Сыздықбеков , әуелі, Президентке мегаполистің даму қарқыны жайлы баяндады. Оның сөзінше, жыл басынан бері негізгі капиталға салынған инвестиция көлемі 31 пайызға ұлғайып, 360 миллиард теңгені құраған. Ал шағын және орта бизнес субъектілерінің саны 139 мыңнан асыпты. Өңірде жаңа әуежай терминалы салынып, теміржол вокзалы …

Елімізде паралимпиадалық спорт түрлері қарқынды дамып келеді. Жерлестеріміз дүбірлі додаларда топ жарып, жақсы нәтиже көрсетіп жүр. Бұл туралы бүгін Ақордаға арнайы келген Халықаралық және Азия паралимпиада комитеттерінің басшылары мәлімдеді. Олар еліміздегі осы бір спорт саласының жүйелі түрде дамып келе жатқанына риза болып, Президентімізге қолдау көрсеткені үшін алғыс білдірді. Қасым-Жомарт Тоқаев та бұл саланың маңыздылығын тілге тиек етіп, алдағы уақытта әлі …

Таразда балабақша қызметкері бүлдіршіннің басын пакетпен ұрып, жарып жіберді. Соққының қатты болғаны саншалық, қақ төбесінен қан тоқтамаған. Сұмдық жағдайдан кейін, қылмыстық іс қозғалып, қос қызметкер жұмыстан басатылыпты.

Ләззат Танысбай бұған дейін еліміздің ең ірі мемлекеттік медиакомпаниясы «Қазақстан» республикалық телерадиокорпорациясын басқарған. Журналистика мен медиаменеджмент саласында 30 жылдан астам астам тәжірибесі бар. Әр жылдары «Astana TV» телеарнасына, «Нұр-Медиа» медиахолдингіне жетекшілік етті. Ұзақ жылғы кәсіби қызметінде Ләззат Танысбай отандық медиасаладағы бірқатар реформалардың жүзеге асуына бастамашы болды. Оның жетекшілігімен мәдени-ағарту бағытындағы «Abai TV» телеарнасы мен балаларға арналған «Balapan» арнасы ашылды. Сондай-ақ, …

Тараздағы ағайынның үйлерін аптапта су басты. Тұрғындар тізеден келетін тасқыннан абдырап қалған. Шаңырақтарының іргетасы сыр беріп, қабырғалары қақырапты. Ал жертөлесі лайға толып қалған 2 үй тіпті тұруға жарамсыз екен. Су қайдан келді? Шығын өтеле ме?

Түркістандықтар бір — бірінің үйінде не болып, қандай әңгіме айтылып жатқанын жақсы біледі. Бұқараның арасында құпия жоқ десе болады. Себебі, жаңадан салынған көпқабатты үйлердің қабырғасы жұқа. Жөтеліп, түшкірсе де, қол жуып, әжетін өтесе де барлығы естіліп тұрады. Ең сорақысы, бұл баспаналарын халық жылдар бойы кезекке тұрып алған.

Құрылысшы — сан ғасыр өтсе да қала мен далада сыны кетпеген мамандық. Көргенде көз тоятын, тастан сарай салатын, көне де, жаңа ғимараттардың қиюын келтіретін шеберлердің еңбегі ерен.