Новости

Жамбыл облысында нөсер жауынның салдарынан Тұрар Рысқұлов ауданындағы 6 ауылды су басты. Құйып жауған жаңбырдың салдарынан арық-атыздар суға толып, тасқын көшелерді көл қылған. Ағын су көпірлерді қиратып, кей үйлердің ауласына кірген. Баспанасы мен қора-жайын қорғап қалмақ болған тұрғындар жас-кәрісі бар, түгелдей тасыған сумен күресуге мәжбүр болыпты.

Сақ болыңыздар. қазір алаяқтар адамдардың жеке деректерін қолдана отырып, өзге қаладан сіздің атыңызға несие рәсімдеуі әбден мүмкін. Соңғы уақытта алаяқтардың жымысқы әрекеттерінен опық жейтін тұрғындар саны артқан. Осы ретте депуттатар мемлекет қаржы ұйымдарына қатысты жаңа механизімдер енгізу керектігін айтуда.

Әкімді үй жағымызға көшіріп аламыз-ау! Бұл Кентау қаласындағы Шұғыла ауданы тұрғындарының сөзі. Себебі, елдімекенге кенді қаланың басшысы келгенде ғана тіршілік нәрі беріліп, кеткеннен кейін өшіп қалатын көрінеді. Көзбояушылықтан шаршаған тұрғындар тәулік бойы өшпейтін су армандарына айналғанына біршама уақыт болған. Тоқырау заманында өмір сүріп жатқан жоқпыз, жоғарыдағылар бізгеде көңіл аударсын деген халықпен арна тілшісі кездесіп қайтты.

Алматы облысында найзағай электр бағанасына түсіп, бірнеше жер үйдік электр көрсеткішін есептегішін күйдіріп тастаған. Табиғаттың тылсым күшінен әбден шошып қалған жұрт, жарық қосылған мезетте техникаларының да біраз бөлігі жарамай қалғанын аңғарыпты. Аймақта мұндай құбылыс алғаш рет болғандықтан Гүлдала ауылының тұрғындары енді жарамсыз қалған заттары үшін ақшаны кімнен өндіріп аларын білмей дал. Сонымен қатар бағаналар үйдің қоршауының ішінде тұрғанына наразы.

Елорданың құрылысы жүріп жатқан нысандарында тағы бір қайғылы жағдай. Бүгін іргетасы енді ғана қаланған тұрғын үйдің төбесінен жұмысшы құлап кетті. Шамамен 10 метр биіктіктен құлдилаған 36 жастағы азамат ауыр жарақатпен ес-түссіз ауруханаға жеткізілген. Әріптесім Қайыркен Отыншы оқиға орнына барып, куәгерлерді іздеп келді. Сюжет көрейік.

Бір сағаттық әке! Елімізде ұл тәрбиелеп жатқан жалғызбасты әйелдер тарапынан осындай қызмет түріне сұраныс артқан. Олар, баласын нағыз ер азамат етіп тәрбиелеу үшін өмірлік тәжірибесімен, білген-түйгенімен бөлісіп, ақыл-кеңесін аямайтын ер адамдарға көбірек жүгінетін болған. Ал әлеуметтанушылар соңғы жылдары осындай моно-отбасылардың көбейіп бара жатқанына алаңдаулы. Ал мұндай тәлім-тәрбиенің болашақ ұрпаққа зияны бар ма?

Ел аузында Бозжыраны Маңғыстаудың туристік Меккесі деп атайды. Оның кереметі кез-келген адамды таңқалдырмай қоймайды. Алайда, мұнда жабайы туризмнің белең алуына қорық инспекторларымен экологтар алаңдаулы. Өйткені экологияға айтарлықтай залалы тиіп отыр дейді. Бұл туризм саласына да кері әсер етуде. Қазір Бозжыраны қызықтап келушілердің қатары көп. Бірақ, көп демалушы ережеге құлақ аспайды. Аумақ маңына от жағады, тамақ пісіреді, қала берді ішіп жеген …

«Тұңғышын бауырына да баса алмады». Ақтөбеде 30 жастағы келіншек бала босанғаннан кейін перзентханада қайтыс болды. Марқұмның туыстары келіншектің өліміне дәрігерлерді кінәлайды. Солардың салғырттығынан, дер кезінде әрекет етпегенінің кесірінен бауырымыздан айрылдық деп отыр. Келіншектің өліміне не себеп? Туыстарының талабы қандай?

Бас қаланы қара түтін басты. Елорданың оң жағалауында орналасқан екі қабатты жатақханада өрт шығып, ғимараттың күл-талқанын шығарған.

Тек құжат жүзінде бар су мен газ! Түркістан облысының тұрғындар тіршілІк нәрі мен көгілдір отынды күтуден шаштары ағарған. Салдарынан әлі күнге дейін тезек тасып, от жағып, лайқы суды ішуге мәжбүр. Осылай деген Үшқайық ауыл округінің жұрты өркенеиеттен жұрдаймыз дейді. Ал, жауапты шенділер бәз баяғы әдеті бойынша бүгін ертең барлық мәселені шешіп береміз деп келе жатқандарына бірнеше жыл болған.