Новости

Бүгін елге Грузияда белгісіз жағдайда қайтыс болған Әсел Айтбаеваның мәйіті жеткізілді. Бұрымдының денесі туған-туыстарына Нұр-Сұлтандағы Назарбаев әуежайында тапсырылды. Оның өліміне қатысты осыған дейін Грузияның құқық қорғау органдары бірнеше нұсқалардың шетін шығарған еді. Соның бірі суицид. Алайда, бойжеткеннің анасы бұл болжаммен түбегейлі келіспейтіндігін кесіп айтты. Марқұмның анасы тергеу амалдарына қатысты тағы қандай мәліметтерді жоққа шығарып отыр?

Қазақстандықтардың 63 пайызы өзінің бақытты, яғни тұрмыс-тіршілігіне разы екенін айтыпты. Мұндай зерттеуді статистика комитеті жүргізген. Нәтижесінде өз өміріне шүкіршілік ететіндердің дені ауыл тұрғындары болып шыққан. Респондеттердің 72,6 % хәл-ауқатына, өмір сүру деңгейіне көңілі толатынын байқатыпты. Бірақ қорғам белсендісі «жүргізілген сауалнамаға күмәнімен қараймын», дейді.

Бірдің кесірі мыңға. 30-ға жуық елордалық кәсіпкер Алматы ауданының әкімдігінен қысым көрдік деп арнамызға шағымданды. Шағын және орта бизнес өкілдері қиын-қыстау кезеңде жергілікті шенділер көмек қолын созудың орнына, саламызды тұншықтырып жатыр деп налиды. Мәселен, қаладағы саябақтардың бірінде демалушыларға әткеншектерді жалға беріп, табыс тауып жүрген жандардың қымбат құрылғыларын шенділер тартып алған көрінеді.

Иә, соңғы жылдары өзге елде білім аламын, нәпақа табамын деп тағдыры қайғылы аяқталатын қаракөз қарындастарымыз көбейді. Соның бірі — Елдана Қаһарман. Түркияда білім алып жүрген отандасымыз екі жыл бұрын Әселдей жұмбақ күйде көз жұмды. Бауырлас елдің мамандары оны да өз-өзіне қол жұмсады дегенімен, жақында оны өлтірді деген ақпарат шықты. Мұны түрік журналисі хабарлады.

Биыл 9 мамыр республикалық масштабта тойланбады. Пандемия деп әскери парадтар да болмады. Дегенмен ұлы жеңісті ұлықтап, батырларды жеке барып құттықтағандар көп болды. Ардагерлерді ардақтап, құрмет көрсету міндет қой, әрине. Тек сол мерекелік құттықтауды мазаққа айналдырған ағайын та табылды.

Түркістан облысында тағы да жер дауы. Бұл жолы жайылымдық жерінен айырылған Қазығұрт ауданның тұрғындары ірі қара малдарын әкімдікке айдап апарды. Себебі, Қарабау ауылдық округінің іргесіндегі жердің барлығы министрлікке қарасты шаруашылықтың қарауына өтіп, қарапайым халық төрт-түлікті жаятын жайлым таппай қалған. Ал, шенеуніктер бәз баяғы әдеті бойынша мәселе әні-міне шешіледі деп тұрғындарды алдап келген. Тараптардың тартысын тілші баяндасын.

Отандастарымыз Риддердегі алапат өрттен зардап шеккендерге көмек қолын созуда. Қайырымдылық қорлары ашылып, жер-жерден азық-түлік пен өзге де керек жарақтар жеткізіліп жатыр. Кеше түс ауа Лесхоз кентінде тұтанған қызыл жалыннан бір адам қайтыс болып, екі адамның денесін түгелдей күйік шалған болатын. 283 гектар аумақ өртеніп, 35 тұрғын үй күлге айналды. Өрт неден тұтанған? Еліміздің шығысындағы оқыс оқиғаның жай-жапсарын тілшіміз баяндайды.

Мектептегі қырғын. Мұздай қаруланған бозбала орта білім ордасына баса көктеп кіріп, сегіз адамды атып тастады. Оқушылар жанұшыра жан-жаққа қашып, есікке сыймағаны үшінші қабаттың терезесінен секірген. Қаннен-қаперсіз жұмыс күнінде қас пен көздің арасында мектепті азан-қазан қылған Қазандағы қанды қырғын жайлы келесі сюжетте. Мектептің маңындағы тұрғындар әуелі не болғанын түсінбеген. Тарс-тұрс еткен дыбыстарды естіп, телефонға түсіріп тұра беріпті. Дәл осы кезде білім …

Шымкент қаласында Екінші дүниежүзілік соғысқа қатысқан небәрі 20 ардагер қалған. Күн сайын қатары сиреп бара жатқан майдангерлерге қандай құрмет көрсетілсе де жарасатыны анық. Үшінші мегаполисте қолға алынған сондай шаралардың бірі «Ардагерлерді ардақтайық» деп аталады. Ел басына күн туғанда, етігімен су кешкендердің қазір бір-ақ арманы бар. Ол-артында қалған ұрпақтың нәубет заманды бастан кешірмеуі.

Күніне сіз қанша сөз сөйлейсіз? Есептеп көрдіңіз бе? Америкалық ғалымдар ұзақ зерттеу нәтижесінде, қызықты мәліметтерге қол жеткізіпті. Солардың бірі еркетер мен әйелдердің сөзшеңдігінде бірқатар ерекшеліктер бар екен. Жалпы мылжыңдар мен сөзге сараң адам күніне нақты қанша сөз сөйледі?