Новости

Ауыл, ауылдық округ, кент әкімдерін халық тікелей сайлауға бір табан жақындағандай. Өйткені Мәжілісте «Сайлау туралы» заң мақұлданды. Алайда, депутаттар құжаттың ішінде қателерің барын жасырмайды. Оны Ұлттық экономика министрлігі мен Орталық сайлау комиссиясы өкілдерінің бетіне басты да. Ауыл-шалғайдағы әкімдерді таңдауы пысықталған отырысқа Нұржан Сәдірбай куә болды.

Ертеңнен бастап елордалықтар қытайлық екпе ала бастайды. Біріккен Араб Әмірліктерінде шығатын Синофарм компаниясының 7 400 доза вакцинасы бас қалаға жеткізіліпті. Hayat-Vaх аталатын препарат Нұр-сұлтандықтарға ерікті түрде ғана салынады. Бұдан өзге, астананың қоймаларына QazVac — тың 6 мың дозасы әкелінген. Сонымен. елімізде коронавирусқа қарсы үш вакцина бар, атап айтқанда ресейлік «Спутник V», отандық QazVac және қытайлық Hayat-Vaх.

Ордабасы ауданындағы үш бірдей ауыл карьердің кесірінен не ауыз суға, не егін суға жарымай қалған. Тіпті алынған тастардан пайда болған жыралардан, елдімекен шетіндегі мазаратқа жете алмай отырмыз дейді. Ал, жергілікті халықтың мәселесіне құлақ асатын шенеунік табылмай отыр екен. Карьердің машақаты турасында тілші тарқатады.

Еңбекшіқазақ ауданындағы оқиғаның видеосын куәгерлер әлеуметтік желіге жариялады. Сүйектер Есік қаласының жанында орналасқан Бөлек ауылдық округінен табылды. Бұл жер «Ромашка» деп аталатын саяжай екен. Аудан әкімдігі баспасөз қызметінің хабарлауынша, ол сүйектер ашық-шашық шашылып жатқан жоқ екен. Жерді қазу барысында шығыпты. Дәл осы жерде су құбырын жүргізу жұмысы жүргізіліп жатқан көрінеді. Сүйекті тапқан да — сол мекеменің жұмысшылары. «Алтын адам» мұражайының …

«Қасықтап жиған клиенттеріміз қашып кетті!» Ақтөбеде тағы бір базардың сатушылары шу шығарды. Олар қарызданып-қауғаланып алған тауарлары бүлініп жатқанын айтты. Ол аздай, базарға келушілердің саны бұрынғыдан 80 пайызға күрт азайып, күнделікті табыстан қағылғанына ашулы. Садуагерлердің кәсібі неге тұралады? Әшейінде ығы-жығы халық жүретін «Алматы» базарында саудагерлерден басқа жан адам жоқ. Ол осыдан үш жыл бұрын ашылған. 25 сауда орнынан бөлек, жазғы павильон …

Жамбыл облысы Айша бибі ауылының халқы елді мекен маңынан мал жаятын жайылым таппай қиналып отыр. Тұрғындардың айтуынша, жергілікті әкімдік ауылшаруашылығы мақсатындағы жерлерді бизнесмендерге таратып берген. Соның салдарынан мал азықтануы тиіс жерлерде қазір тас өндіретін карьер, асфальт шығаратын зауыт, күн электр стансасы секілді нысандар қаптап кеткен. Кәсіпкерлер тіпті төрт түлік жүретін жолдарды бөгеуге дейін барады екен. Ашуланған халық ауылға шенеуніктерді шақырып …

Талдықорғандағы коттеджді қалашықта салынған тұрғын үйлердің сапасы жыл өтпей жатып, сыр беруде. Тіпті, қатты желге төтеп бере алмай, қабырғалары ажырап, түсе бастаған. Дәл қазір 5 бірдей үйдің өңі қашып, жан-жағы ашылып, шашылып жатыр. Бұл арендалық баспаналарды жергілікті әкімдік инвестордан 13-16 млн теңге аралығында бағалап, сатып алған екен. Ал, оның сапасына тұрғындардың көңілі толмайды. Өйткені, жылдап кезекте тұрып, әрең дегенде қол …

Алматы облысында гараждан кәмелет жасқа толмаған екі бозбаланың мәйіті табылды. Қайғылы оқиға Жаркент қаласында болған. Өңір полиция департаментінің хабарлауынша, марқұмдардың екеуінің де жасы 17-де болған екен. Колледж студенттері болжам бойынша жер үйдің гаражында көлікті жөндеу кезінде бензин буынан уланып, көз жұмыпты. қазіргі таңда мамандар нақты себебін білу үшін тексеріс жүргізіп жатыр екен.

Бірдің кесірі мыңға. Семейде күл-қоқыс төгетін полигоннан қала маңындағы аудан халқы зардап шегіп отыр. Жел тұрған уақытта ауаға көтерілетін көмір қалдықтары тұрғындардың баспаналарына кіріп, ауыз суы мен азық-түліктерін ластап жатыр екен. Тіпті, күн жылыған сәтте отырғызылған көшеттер улы заттардың әсерінен қурап қалған.