Новости

Алматыда жолдың бір бөлігі опырылып түсті. Медеу ауданының тау бөктеріндегі сырғыма жыл өткен сайын жер үйлердің қоршауына жақындап келеді екен. Ал бір шеті кәдімгідей құзға айналған. Бұған тұрғындар қатты алаңдаулы. Бұл жолмен көліктерден бөлек, мектепке баратын балалар да жүреді екен. Ал бұған дейін бірнеше адам құлап, темір тұлпар түсіп кетті дегендер әкімдіктің ешқандай шара қолданбай жатқанына ашулы. Күнін қауіппен өткізіп …

Қазақстандағы 92 мың гектардан астам жер шетелдіктердің иелігінде. Олар оны 2025 жылға дейні жалға алыпты. Бұл жайлы Мәжілістің бүгінгі жалпы отырысында белгілі болды. Бұл мәліметтерді Төменгі палата депутаттарына жерге қатысты заңға енгізілген өзгерістерді таныстырған Ауыл шаруашылығы министрі Сапархан Омаров келтірді. Бабаларымыз білектің күшімен, найзаның ұшымен қоғаған бұл жерлер қайта мемлектеке қайтарыла ма? Ал Қазақстан азаматтары жекеменшікке алып, пайдаланып отырған ауылшаруашылығы …

Алдағы төрт жылда Алматы облысында сапалы жолдардың үлесі 95 пайызға жетеді. Өткен жылы 500 шақырымнан астам жол жөнделсе, биыл 300 шақырым жолды асфальттау жоспарланған. Осылайша 2025 жылға қарай өңірде сапасыз жолдар мүлдем болмайды.

Бас қала іргесіндегі Қаражар ауылы еріген қар суының астында қалды. Жыл сайын қайталанатын проблема биыл да шешімін таппаған. Тұрғындардың жүріс-тұрысы қиындап, балаларын мектепке тіпті арқалап апарып жүрміз дейді. Тілшілеріміз ауыл азаматтарының шағымын тыңдап қайтты.

Ақжағалылар ауызбастырыққа ақшадан басқа не алып жүр? Соңғы факті Шымкентте тіркелді. Сәулет және құрылыс басқармасының бөлім басшысы құжатқа қол қою үшін пара ретінде 30 ұсақ бас мал алған. Жемқорлардың жемсауы бұған дейін көлік, балық, мүлік, тіпті сиырдың тезегімен де толыққан болатын.

Алматыда автокөлік алған тұрғындарға «сақтандыру бойынша көмектесеміз» деп, халыққа қызмет көрсету орталығын жағалап жүргендер мен күзетшілердің арасында жанжал туындады. Ұзақ уақыттан бері жалға алатын орын болмағасын осылай жан бағып жүрміз дегендер амалдарының жоқтығын алға тартты. Ал, қызмет көрсету орталығының мамандары олар ісімізге кедергі келтірді, дейді. Тіпті, Алатау ауданының әкімдігі де бұл мәселені жөнге сала алмаған сыңайлы. Кім кінәлі?

Қасым-Жомарт Тоқаев «Спутник-V» екпесін салдырды. Президенттің баспасөз хатшысы Берік Уәли мемлекет басшысының жағдайы қалыпты, ешқандай әсер болмағанын атап өтті. Ал, елордада коронавирусқа қарсы екпе алуға ниеттілерді тіркеу басталды. Қала әкімдігі апта соңына қарай жаппай вакцинациялау науқаны басталады, дейді. Алтай Көлгіновтың сөзінше, 600 мың адам вакцина алуы тиіс. Сондай-ақ, екпе ем-дом орындарынан бөлек, қонақ үйлер мен ойын-сауық орталықтарында да салынбақ.

Бұлақ басында отырып, бір тамшы суға зәруміз. Тараздағы «Лето» тұтынушылар кооперативінің мүшелері осындай шағыммен арнамызға хабарласты. Бұрын ауласындағы құдықтан су ішіп келген ел қазір тіршілік нәрінен тіптен тарылған. Оған себеп жер асты сулары мөлшерінің төмендеп кетуі. Ал дәл сол аймақта облыс орталығын ауыз сумен қамтып отырған су жинағыш стансасы орналасқан. Алайда, ондағы суды пайдалану денсаулыққа қауіпті дейді мамандар. Тіршілік нәріне …

Наразы жүргізушілер «Нұр жолы» өткізу бекетіне апаратын жолды жауып тастады. Егер мәселе шешім таппайтын болса, жолды мұлдем ашпаймыз деп отыр. Ал еліміздің қаржы министрлігі өкілдері шектеу енгізген Қытай тарапы, күніне санаулы көліктердің ғана кіріп-шығуына рұқсат етті дейді. Қайтпек керек?

Жамбыл облысының Қостөбе ауылындағы оқушылар онлайн оқимыз деп көпір жағалап кетті. Себебі, интернет сол «Батыс Еуропа-Батыс Қытай» трассасында ғана жақсы ұстайтын көрінеді. Көлігі бар тұрғындар балаларды ауылдан 3 шақырым жерге тасып, жыл бойы амалдап келіпті. Төзімі таусылған азаматтар жергілікті биліктен көмек сұрай шаршадық дейді. Себебі, қанша шағымданса да шенділердің қимылдайтын түрі жоқ.