Новости

Ал, Түркістанда иістен уланып, көз жұмған 4 бала мен олардың 41 жастағы анасының денесі жер қойнына тапсырылды. Олар Қызылорда облысына қарасты Жаңақорған ауданында жерленген. Марқұмдардың жақындарына психологиялық және материалдық көмек көрсетілуде деді жергілікті билік өкілдері. Мамандардың айтуынша, былтыр қараша айында газбен жабдықталған 3 бөлмелі үйдің қақ ортасында каминді пеш орнатылыпты. Төтеншеліктер газдан улану жағдайын сол пешпен байланыстырып отыр. Қайғылы жағдайға …

Қарағандыдағы коллапс. Шахтерлар қаласында таңнан бастап адамдар жұмысқа кешікпес үшін қоғамдық көлікті итеріп, сағаттап кептелісте тұруға мәжбүр болды. Діттеген жерлеріне жете алмаған жұрт әлеуметтік желіде жергілікті билікті сынауда. Тұрғындардың наз-шағымына не себеп?

Қылмыскерлер жазасыз қала ма деп алаңдаймын! Маңғыстау облысы Жетібай ауылының тұрғыны арнамызға осындай базынасын жеткізді. Перзентін жер қойнына тапсырған әкенің сөзінше, 8 ақпан күні отбасының тұңғыш ұлын сол елдімекеннің бұзақылары жабылып ұрып кеткен. Артынша, ауыр жағдайда ауруханаға жеткізілген жігіт есін жимастан көз жұмады. Енді, қайғыдан қан жұтқан ата-анасы кінәлілер жазаланғанын талап етуде.

Бүгін — Алғыс айту күні. Биыл бесінші жыл қатарынан айтулы мереке қазақстандықтар арасында ерекше атаулда. Елдегі диаспора өкілдері ел тұрғындарына алғыс айтып қана қоймай, бір-біріне құрмет білдіріп, жылы лебіздерін жеткізуде. Тіпті, бұл күн әдемі дәстүрге айналғандай. Бүгін мемлекет басшысы Қасым-Жомарт Тоқаев пен елбасы Нұрсұлтан Назарбаев қазақстандықтарды алғыс айту күнімен құттықтады. Жүз отыз ұлт пен ұлыстың қаймағы бұзылмай, бірлігі жарасып отырған …

Сарапшылардың пікірінше, киберкүншілдік көбіне адамдардың құқық қорғау және сот жүйелеріне деген сенімін төмендету үшін қолданылады. Адвокаттар мен қоғам қайраткерлері «кибербуллинг» терминін заңдастыруды ұсынады, дәл осындай бастаманы Мәжіліс депутаттары ертерек айтқан болатын. Әзірге бізді тек екі мақала ғана әлеуметтік желілердегі шабуылдардан қорғайды: «қорлау» және «жала жабу». Біріншісі қылмыстық жауапкершілікке тартылады, жаза ретінде — жарты миллион теңгеге дейінгі айыппұл немесе қоғамдық жұмыстар. …

Қар құрсауындағы 28 сағат. Қостанайлық азамат боранда жолда қаңтарылып, аман қалу үшін қар жеген. Салондағы бар жылы былғарыны жыртып, үстіне жамылыпты. Фильмге бергісіз жайтқа тап болған ер адам барлығын видеоға түсіріп алған. Алай-дүлей жел мен көктайғақ еліміздің тұрғындарын әлі де әлекке салып жатыр. Ескертуді елемей жолға шыққан өзге көлік жүргізушісі тіпті қос құлағынан айырылып қала жаздады.

Қаражат болмаса, құрылыс та жоқ. Алматыда жалақымызды көтерсін деген мұнаралы кран машинистері бас көтерді. 50-ге жуық маман өздерінің талаптарын жазып, петицияға қол қойған. Жұмыс берушілер олармен ешқандай келісімшарт жасамаған екен. Қауіпті жұмыс істесек те, қаражатымыз сай емес дегендердің мәселесін сюжеттен көрейік.

Монополист компаниядағы былық. Шымкенттің бірқатар бөлігін жылуымен қамтамасыз ететін «3 жылу орталығы» мен «ҚазтрансгазАймақ» мекемелері жылдар бойы жергілікті тұтынушылардан заңсыз ақша жинап келген. Ал, жылу орталығы тек соңғы 3 айдың өзінде тұрғындардан 3 млн теңгеден астам қаржыны артық алған. Ал, газ тарату мекемесінің көлеңкелі табысы 5 жылдан бері жалғасып келе жатыр екен.

ЭКО-ға жүгінгісі келетіндер үшін құлаққағыс! Елімізде «АҢСАҒАН СӘБИ» бағдарламасына өтініш беру басталды. Ол үшін елдегі 19 клиникамен келісім-шарт жасалыпты. Жалпы ЭКО-ға жолдама алу үшін не істеу керек? оған кімдер өтініш бере алады?

Ұшақ апатты жағдайда қонды. Әуе көлігі жер үйлерге сәл жетпей тоқтаған. Оқыс жағдай Алматы облысында бүгін түскі 12 жарымдар шамасында болған. Ішінде 5 адам болған АН-2 әуе кемесі Боралдай тас жолының маңына шұғыл қоныпты. Ұшақтың бортында экипаж мүшелерін қосқанда 5 адам болған. Олар, «Боралдай-Кеген» бағыты бойынша санитарлық рейспен ұшып бара жатқан. Белгілісі ұшақ жекеменшік компанияға тиесілі. Азаматтық авиация комитетінің мәліметінше, …