Новости

Дәрігерлер дабыл қағуда. Айтуларынша балалар арасында диабеттен бөлек өзге де дерттер дендеуде. Шаштың ағаруы түрлі тері аурулары. Тіпті соңғы 5 жылмен салыстырғанда әлгі аурулар мектепке дейінгі балалар арасында тым жиі кездесетін болаған. Диабет, семіздік, алопация! Құлаққа түрпідей естілетін аурулар қазір балалар арасында дендеп бара жатқаны үйреншікті жағдайға айналды. Тағы бір алаңдатарлық жағдай — олардың қатарына түрлі тері аурулары мен шаштың …

Алматы облысында ауыл тұрғындары қалталарынан жырып, өз қаражатына тұрғызған трансформатор мен су үңғымасы жекеменшікке сатылып кеткен. Ал жоқ жерден пайда болған жаңа қожайын су мен электр қуатына өз бетінше тариф белгілеп, пайдаланғаны үшін жалдау құнын төлеуді талап етіп жатыр екен. Учаскенің бастапқы иесі ол жерді ауылға трансформатор орнату үшін сыйға тартыпты. Ал жер телімінің жаңа қожайындарының бұған қатысты өз уәждері …

Жамбыл облысында Сәду Шәкіров атындағы ауылдың тұрғындары төрт түлігін қораларында қамап бағуға мәжбүр. Өйткені, елдімекен маңындағы жер жекенің қолына өтіп кеткен. Сол аумаққа аяқ басқан мал атаулыны жер иесі ұстап алып, қожайындарына қайтармай қинайды екен. Ал жуырда кәсіпкер меншігіндегі жерді айналдыра екі метрлік ор қазып тастап, тірі жан өтпестей еткен. Жұртшылық осының бәріне ауылдың дәл іргесінен бизнесменге жер берген билік …

Түркістан облысында сусыз қалған диқандар шу шығарды. Олар еккен егіндері мен бау-бақшасына тіршілік нәрін жеткізе алмай, шаш етектен шығынға батқандарын айтады. Жылда қайталанатын мәселені жауапты шенеуніктерге айтқанымен шешімі әлі күнге дейін табылмаған. Яғни, бір-біріне сілтеп шаруаларды сергелдеңге салыпты. Түстіктегі түйткілді тілшіміз тыңдап келді.

Жамбыл облысында нөсер жауынның салдарынан Тұрар Рысқұлов ауданындағы 6 ауылды су басты. Құйып жауған жаңбырдың салдарынан арық-атыздар суға толып, тасқын көшелерді көл қылған. Ағын су көпірлерді қиратып, кей үйлердің ауласына кірген. Баспанасы мен қора-жайын қорғап қалмақ болған тұрғындар жас-кәрісі бар, түгелдей тасыған сумен күресуге мәжбүр болыпты.

Сақ болыңыздар. қазір алаяқтар адамдардың жеке деректерін қолдана отырып, өзге қаладан сіздің атыңызға несие рәсімдеуі әбден мүмкін. Соңғы уақытта алаяқтардың жымысқы әрекеттерінен опық жейтін тұрғындар саны артқан. Осы ретте депуттатар мемлекет қаржы ұйымдарына қатысты жаңа механизімдер енгізу керектігін айтуда.

Әкімді үй жағымызға көшіріп аламыз-ау! Бұл Кентау қаласындағы Шұғыла ауданы тұрғындарының сөзі. Себебі, елдімекенге кенді қаланың басшысы келгенде ғана тіршілік нәрі беріліп, кеткеннен кейін өшіп қалатын көрінеді. Көзбояушылықтан шаршаған тұрғындар тәулік бойы өшпейтін су армандарына айналғанына біршама уақыт болған. Тоқырау заманында өмір сүріп жатқан жоқпыз, жоғарыдағылар бізгеде көңіл аударсын деген халықпен арна тілшісі кездесіп қайтты.

Алматы облысында найзағай электр бағанасына түсіп, бірнеше жер үйдік электр көрсеткішін есептегішін күйдіріп тастаған. Табиғаттың тылсым күшінен әбден шошып қалған жұрт, жарық қосылған мезетте техникаларының да біраз бөлігі жарамай қалғанын аңғарыпты. Аймақта мұндай құбылыс алғаш рет болғандықтан Гүлдала ауылының тұрғындары енді жарамсыз қалған заттары үшін ақшаны кімнен өндіріп аларын білмей дал. Сонымен қатар бағаналар үйдің қоршауының ішінде тұрғанына наразы.

Елорданың құрылысы жүріп жатқан нысандарында тағы бір қайғылы жағдай. Бүгін іргетасы енді ғана қаланған тұрғын үйдің төбесінен жұмысшы құлап кетті. Шамамен 10 метр биіктіктен құлдилаған 36 жастағы азамат ауыр жарақатпен ес-түссіз ауруханаға жеткізілген. Әріптесім Қайыркен Отыншы оқиға орнына барып, куәгерлерді іздеп келді. Сюжет көрейік.

Бір сағаттық әке! Елімізде ұл тәрбиелеп жатқан жалғызбасты әйелдер тарапынан осындай қызмет түріне сұраныс артқан. Олар, баласын нағыз ер азамат етіп тәрбиелеу үшін өмірлік тәжірибесімен, білген-түйгенімен бөлісіп, ақыл-кеңесін аямайтын ер адамдарға көбірек жүгінетін болған. Ал әлеуметтанушылар соңғы жылдары осындай моно-отбасылардың көбейіп бара жатқанына алаңдаулы. Ал мұндай тәлім-тәрбиенің болашақ ұрпаққа зияны бар ма?