Новости

Ақтөбе облысында 22 жүк цистернасы жолдан шығып кетті. Қандыағаш бекетінен шыққан 43 вагон Сексеуіл стансасына бет алған. Оның он үші аударылған. Абырой болғанда, адамдар дін аман. Ал аударылған цистернада жанар-жағармай, дизельді және реактивті отын болған.

Өмірлік маңызы бар дәріге зәруміз! Шымкентте мүмкіндігі шектеулі бар топ жан әкімдіктің алдына жиналып, базынасын жеткізді. Жылда үлестіріліп, күнде үзбей қабылдануы тиіс препараттардың жоқтығына екінші айдың жүзі болыпты. Ал иммундық жүйені реттейтін бұл дәрілер мүгедек жандар үшін өте маңызды. Құны қымбат препараттарды қалтасы көтермей, бар үміті Үкіметтің көмегінде болған жандардың жанайқайын әріптесім тыңдап қайтты.

Ауылдың сәні кетіп, сыйқымыз қашты. Алматы облысына қарасты Талғар ауданындағы Нұра ауылының тұрғындары он жылдан астам шешімін таппай келе жатқан мәселелерін айтып, шу көтерді. Жылдар бойы тіршілік нәрі мен жарыққа жарымай отырмыз дегендер, жол азабы да жанымызға батады дейді. Ашынған жұрт ауыл округінің әкімін шақырып, тағы да жиын өткізді. Осы уақытқа дейін құрғақ уәдеге тойдықдегендер енді нақты істің қашан болатындығын …

Еліміздің жері шетелдіктерге сатылмайды, жалға да берілмейді. Ұлттық сенім кеңесі мүшелерінің кезекті басқосуында жер мәселесі тағы да көтерілді. Мемлекет басшысы жерге қатысты түрлі алыпқашпа әңгімелерге түбегейлі нүкте қою керек екенін баса айтты. «Ұлан байтақ жеріміз халқымыздың қасиетті рәмізі іспетті дей келе, шетелдіктерге ауыл шаруашылығы мақсатындағы жерлерді сатуға және жалға беруге заң жүзінде тыйым салуды тапсырды. Осы мақсатта жұмыс істейтін комиссия …

Баспана бағасын арзандату үшін оны құрылыс компаниясынан алдын-ала, яғни үйдің іргетасы қаланбай тұрып сатып алу керек. Президент Қасым-Жомарт Тоқаев өзінің жылжымайтын мүлік нарығындағы жағдайды тұрақтандыруға арналған тапсырмасы бойынша әзірленген құжаттың кей тұстарын Ұлттық қоғамдық сенім кеңесінің бесінші отырысында нақтылады. Сондай-ақ, ол білім беру және денсаулық сақтау салалары бойынша да Үкіметке тың тапсырмалар жүктеді.

Ақтөбе облысында газ баллон жарылып, 11 жастағы бала қаза болды. Оқушының денесін үйінді астынан алып шыққан. Марқұмның әкесі мен бауыры ауруханада. Жағдайлары- ауыр. Анасына психологтар көмектесіп жатыр. Жарылысқа не себеп?

Аяусыз сабаған алқаш күйеуінен қашамын деп аяздан үсіп көз жұмды. Жұбайының жұдырығынан қорыққан келіншек қыстың қақаған суығында сыртқа көйлекшең шығып кеткен екен. Ащы судың әлегінен болған сұмдық жайттың жай-жапсарын арнамызға марқұмның туысқандары айтып берді. Олар бауырларын өлтірген қаскөйдің бостандықта жүргеніне наразы.

Ұстағанның қолында, тістегеннің аузында кетіп жатқан жоқ па? Әл-Фараби атындағы Қазақ ұлттық университетіне тиесілі жер аумағы белгісіз себептермен кішірейіп қалған. Аталған мәселе Мәжілісте көтерілді. Депутат Берік Дүйсембинов осыған қатысты Бас прокурор мен Білім министріне сауал жолдады.

Ақтөбеде балабақшадан шу шықты. Санаторлық типтегі мекеменің қызметкерлері жалақыларын даулап жүр. Айлықтың мәселесі былай тұрсын, тіпті балабақшаны сырлау үшін өз ақшаларын жұмсадық деп отыр . Жауапты мекемелер бұған не дейді?

Екібастұзда қоқыс төгуге шыққан ер адамды өз үйінің ауласында атып өлтіріп, ізін суытқан қаскөй ұсталды. Дереу күдіктінің ізіне түскен полицейлер жедел-іздестіру шараларының нәтижесінде 60-ты алқымдаған адамды ұстаған. Оның марқұмды шолақ мылтықпен атқаны анықталды.