Новости

Дәріханаға пайда керек. Провизорға айла керек. Елімізде тек дәрігерлердің рецептімен сатылуы тиіс қана препараттар еркін саудада жүр. Салдарынан құрамында есірткілік заттары бар дәріге тәуелді болатын жастар көбейіп барады. Мұндай бизнес нысандарымен күресуге шағын және орта бизнеске жарияланған маратории қолбайлау көрінеді. Біздің тілшілеріміз осындай дәріханаларды жағалап, құпия сөздің арқасында психотроптық дәрілердің қалай сатылатынына көз жеткізген еді.

Апта басынан бері доллар бағамы құлдырап келеді. Осылайша, ақша айырбастау пунктерінде 1 АҚШ доллары 416 теңгеге саудалануда. Ал Ұлттық Банк төрағасы жаңа жылдан бері төл теңгеміздің 1,7 пайызға күшейгенін айтқан болатын. Валюта нарығындағы өзгерістер халықтың тұрмысына қаншалықты әсер етеді? Жалпы доллардың арзандауынан пайда көретін кімдер?

Бір күннің ішінде толассыз жауған қар Ақтөбе мен Қостанай облыстарының тұрғындарын әбігерге салды. Ескертуге қарамастан жолға шыққан жүргізушілер жолда қалды. Арасында жүкті келіншек те бар екен. Нәзік жан жол бойында босанып қалған. Кенеттен бұзылған климаттың жай-күйі қашан жақсарады?

Шымкентте «ұзақ жылдар бойы мүгедек қыз зорланған» деп айтылған орталықтың басшысы ақыры жұмыстан кетті. №2 әлеуметтік қызметтер көрсету орталығын 9 жыл басқарған Мырзахан Жолтаев атышулы істен кейін өз еркімен қызметтен босаған. Қазір, басшылықтың міндетін орынбасары уақытша атқарып отыр. Бұл туралы қалалық жұмыспен қамту және әлеуметтік қорғау басқарма басшысының орынбасары Нұрғали Егембердиев мәлімдеді. Оның сөзінше, әлеуметтік желіде мүгедек қыздың зорланғаны туралы …

Қызылордада жер үй өртеніп, бір жасар сәби көз жұмды. Бесікте жатқан бала тірідей жанып кеткен. Қайғылы оқиға бүгін түнгі бірлер шамасында облыс орталығындағы Кызылжарма шағынауданында болған. Отқа оранған баспанадан анасы мен төрт қызы шығып үлгеріпті. Ал 2019 жылы дүниеге келген шарананың не себепті іште қалып қойғаны әзірге белгісіз. Қазір тілсіз жаудың анық-қанығы мен неден тұтанғаны тексеріліп жатыр.

Алматыда «L-Капитал» компаниясының салымшылары шу шығарып, қаржы пирамидасын ұйымдастарғандардың барлығын жауапқа тартуды талап етуде. Өткен жылдан бері салымшыларына уәде етілген үстеме ақыдан бір тиын да төлемеген. Түркістан және Қызылорда облыстары мен Нұр-Сұлтан және Алматы қалаларының салымшылары компанияның кеңсесіне келіп, салған ақшаларын беруді талап етті. Қаржы пирамидасынан зардап шеккендер қатары 15 мыңнан асада екен.

Тартысқа толы тағдыр! Түркістан облысында ата жұртқа қоныс аударып келген азамат бауырының балаларын қайтара алмай жүр. 42 жастағы Құрманғазы Жамалбекке сенімхатпен табыстап кеткен інісінің қос перзентін Сарыағаш аудандық кәмелетке толмағандардың істері жөніндегі комиссиясы балаларды бейімдеу орталығына өткізіп жіберген. Соның салдарынан екі жасөспірім үш айдан бері орталықта тұруға мәжбүр. Тарихи отанына сағынышпен оралған отбасы осы күні балаларды қайтарып алмаққа бел буғанымен, …

Түркістан облысында жүргізуші үш баланы көлігімен қағып, оқиға орнынан қашып кетті. Ауыр дене жарақатын алған 4 жастағы бүлдіршін көз жұмды. 16 жастағы бозбала мен 13-тегі жасөспірім дәрігерлердің бақылауында. Оқиға Жетісай ауданында болған. Тәртіп сақшылары күдіктіні анықтау үшін жедел іздеу жұмыстарын жүргізді. Оқиға орнын жіті тексерген полицейлер машинаның артқы жарық шамдарының және айнасының қалдықтарын тапқан. Іздестіре келе бұл сынықтар «Ауди-100» автокөлігіне …

Қазақ журналистикасының мэтрі Нұртілеу Иманғалиұлы өмірден озды. Иісі қазақтың бай әрі қуатты болуын тілеумен өткен арда азаматтың ақтық демі 70-ке таяған шағында үзілді. Нұртілеу аға журналистикадағы жолын қатардағы тілші ретінде бастап, корпорация төрағасы лауазымына дейін түрлі қызметтер атқарған. Замандастары кәсібилігінен бөлек, азаматтығы да бір төбе еді деп қимастықпен еске алады.

Өзімізге тиесілі қаржыны ала алмай жүрміз. Осылай деген бір топ семейлік жедел жәрдем көлігінің жүргізушілері арнамызға шағымданды. Олардың сөзінше, қаңтар айында төленуі тиіс болған үстемақы осы уақытқа дейін берілмеген. Қатардағы дәрігерлер мен фельдшерлер еңбекақысын алып, қарапайым көлік тізгіндеген жандарға ақы бұйырмай келеді.