Новости

Бір топ елордалық Президент пен қала әкімінен көмек сұрады. Олар 10 жылдан бері қыруар қаржы құйған баспаналарына кіре алмай жүргендеріне қапалы. «Жағалау-3» тұрғын-үй кешенін үйлі болу үшін 15 миллионнан бастап қаржы құйғандар алдандық дейді. Сондықтан биліктегілерден араша сұрады.

Ұшты, ұшты, сиыр ұшты! Көкте қалықтаған төрт түліктің бірін елордалықтар көріп, видеоға таспалап алған екен. Мына кадрлардан белгісіз біреудің жануарды көп қабатты үйдің төбесіне кранмен көтеріп жатқанын байқауға болады. Дегенмен дүйім жұрттың ызасын тудырған оқиғаның жай-жапсарын құрылысы бітпеген ғимараттың басшысы дереу түсіндірді. Құрылысшылармен құрбандық шалып, етті жағдайы төмен отбасыларға бөліп бергіміз келді деп ақталып отыр.

Пандемиядан оңбай қалған әлем экономикасы тек жеті жылдан кейін ғана есін жияды. Сарапшылар болжамын Үкімет отырысында Ерболат Досаев жеткізді. Ұлттық банк төрағасының пікірінше, бәріне дүние жүзінде жүргізіліп жатқан вакциналау шарасының тым сылбырлығы себеп. Есесіне, коронавирус кезінде жұрт тамақсау болыпты. Экономиканың түрлі салалары бойынша айтылған есептің ішінде тек ас-су өнеркәсібінің ғана тұраламаған. Алайда, темірді қызған кезінде соға білетін саудагердер азық-түлік бағасын …

Тұрмысы төмендеген азаматтардың саны артты. Бүгінде қайырымдылық қорына көмек сұрап келетіндер көбейген. Бұған дейін тек мүгедек, аз қамтылған отбасыларды азық-түлік, киім-кешекпен қамтамасыз етіп отырған қор, енді тұрақты табысы барларды да қамқорлыққа алуда. Мекеме қызметкерлері қазір балалар киіміне, аяқ-киімге сұраныс артқанын айтады.

Саунадағы суреттің кесірінен Семей қалалық полиция басқармасының бірнеше лауазымды тұлғасы қызметінен кетті. Бұл туралы облыстық полиция департаментінің баспасөз хатшысы хабарлады. Бір топ құқық қорғау қызметкерінің саунадағы фотосы күні кеше әлеуметтік желіде пайда болған еді. Автор суреттегі азаматтар Семейдің тәртіп сақшылары екенін атап көрсеткен.

Алматы облысында перзентхана қызметкерлері мінген шағын автобус жол апатына ұшырады. Автокөлік ішінде 23 адам болған. Болжам бойынша көліктің аударылуына қалың тұман әсер етуі мүмкін. Адамдар аман ба? Зардап шеккендердің жағдайы қалай?

Наурыз мерекесі 10 күн бойы тойлануы мүмкін. Ашық нормативтік құқықтық актілер сайтында Наурыз мейрамын атап өтудің жаңа тұжырымдамасы жарияланды. Құжатқа сәйкес, Ұлыстың ұлы күнін наурыз айының 14-і мен 23-і аралығында мерекелеу ұсынылған. Концепцияда әр күнге атау берілген.

Алматы облысындағы сұмдық жол апаты жеті адамның өмірін қиып кетті. Жеңіл көлік жүргізушісі рөлге ие бола алмай, жол жиегінде тұрған жүк көлігіне барып ұрылған. Оқиға орнында 6 адам көз жұмып, тағы біреуі ауруханаға барар жолда жан тапсырыпты. Ал марқұм болғандардың бесеуі бір отбасының адамдары көрінеді. Олар жаназадан Алматыға қайтып келе жатыпты.

Шымкентте темір-терсек жинаумен айналысып жүрген үш азамат аяқ астынан мерт болды. Олар бос тұрған ескі ғимаратты бұзып жатқан сәтте, темір-бетон жабындысының астында қап қойған. Салмағы бірнеше тонна болатын жабынды үшеуін де жаншып тастаса керек.

Елордада алаяқ интернет арқылы ұялы телефон сатамын деп, 15 адамды 3 миллион теңгеге алдап кеткен. Ал, Шымкент тұрғыны ғаламторда табылған құжаттар тіркейтін бюродан жеке тұлғалар туралы ақпарат ұрлап, 50 жанның атынан онлайн несие алған. Ішкі істер министрілігі интернетте адамды торға түсіретіндердің көбейгенін айтып, дабыл қағуда. Өткен жылы тәртіп сақшылары онлайн алаяқтық бойынша 14 мыңнан аса заңбұзушылық фактісін тіркеген.