Новости

Павлодарда түнде су құбыры жарылып, бірнеше көше мен үйлерді су басты. Түнде басталған коммуналдық апаттың салдарынан 37 үй мен 8 ғимарат су жүйесінен ажыратылды. Ал, жауапты мамандар коллапсты толық жоюға бір тәулік уақыт керек дейді. Демек, жөндеу жұмыстары әлі де жүріп, су басқан жерді тазартылуда.

Түрмедегілерді ұрып-соғып, қинау дерегі тыйылар емес. Шымкентте бір топ жазасын өтеушілердің туыстары осылай деп шағымданды. Олар Қылмыстық атқару жүйесіне қарасты 167/3 түзеу мекемесінің қызметкерлері осындағы жазасын өтеушілерді сан түрлі әдістермен қинап жатқанын айтады. Ішкі тәртіпке мойынсұнбадың деген желеумен, тәулік бойы суық бөлмеге заңсыз қамап, тіпті, жарығы жоқ казармада ұстаған көрінеді. Қала берді, тағамның да мәнісі кеткен дейді сотталушылардың ет-жақындары. Бұл …

Қазір әлемнің бірқатар елдері коронавирусқа қарсы вакцина дайындап, оны өз халқына жаппай егуді бастап кетті. Олардың арасында Қазақстан да бар. Біздің елде әзірге ресейлік вакцина қолданылуда. Ал отандық дәрі үшінші клиникалық сынамалардың алдында тұр екен. Бірақ осы уақытқа дейін егілген жандардан ешқандай кері әсер байқалмаған. Керісінше, 250-ден астам еріктінің ағзасында вирусқа қарсы қорғаныш клеткалары көптеп түзіліпті. Вакцина салдыру қауіпсіз бе, …

Елімізде әйелдер арасында да жемқорлық фактілері жиілеген! Бұл туралы сыбайлас жемқорлыққа қарсы іс-қимыл агенттігі мәлімдеді. Мәселен 2019 жылы 256, 2020 жылы 336 әйелге қатысты іс қаралған. Олардың арасында лауазымды тұлғалар бар. Шенді әйелдерге қомақты қаржыны жымқырған деген айып тағылған. Сондай-ақ, бүгін Маңғыстау облысы Денсаулық сақтау басқармасы басшысы өз қызметін асыра пайдаланғаны үшін қамауға алынғаны расталды. Агенттіктің мәліметінше, ол облыс аумағында …

Ақтөбеде чемпионды атып кетті. 18 жастағы Дәулет Хайрулла каратэден ұлттық құраманың белді мүшесі болған. Азия кубогінің, ел кубогінің иегері, қоңыр белбеу иесі. Марқұм екі аптадан соң жарысқа баруы тиіс еді. Республикалық біріншілікке дайындалып жүрген беті екен. Жоғары оқу орнының спорт факультетінде оқи жүріп, өзі де кішкентай балаларды каратэге баулыпты. Шәкіртінен қапияда көз жазып қалғанына жаттықтырушысы әлі де сенетін емес.

Адамның ауру екенін қалай болжаймыз?! Алматылық жедел жәрдем қызметкерлері жаңа бұйрыққа қарсы. Енді олар КОВИД жұқтырған науқасқа барып тексергенде ғана үстемақы алатын болып шықты. Ал қалған шақыртулар үшін медициналық қызметкерлерге қосымша ақы берілмейді. Ақ халаттылар бұл шешімнің ақылға сыймайтындығын айтып, ашуланып отыр. Өйткені дерті бар жанның диагнозын алдын-ала білу мүлде мүмкін емес, әрдайым басымызды тәуекелге тігеміз дейді.

Осы жексенбі Қордай қақтығысына бір жыл толады. Былтыр ақпанның жетісі күні Масаншы мен Сортөбе және тағы басқа ауылдарда ғимараттар отқа оранып, адам шығыны болған еді. Осыдан кейін үкіметтік комиссия құрылып, жаппай тәртіпсіздік кезінде бүлінген нысандар қалпына келтірілді. Тілшіміз Қордай ауданына барып, жергілікті тұрғындардың бүгінгі тыныс-тіршілігін көріп келген еді.

Шымкентте кәмелеттік жасқа толмаған қыз балаларды зорлаған екі жазасын өтеушіге кастрация жасалады. Мұндай үкімді қылмыстық істер жөніндегі мамандандырылған ауданаралық соты шығарды. Судьяның айтуынша, бұл жазаны түзеу мекемесі орындайды. Ал, кісі өлтіріп, сотқа тартылған ер адам тергеу абақтысында көз жұмған.

Қай көше, қай үйде тұрамыз? Солтүстік Қазақстан облысындағы бүтін бір ауыл тұрғындары далада қалғандарын айтып, дабыл қақты. Атап айтқанда, өздерінің нақты қайда тіркелгендерін білмейді. Әбден тығырыққа тірелген жұрт біздің арнамызға хабарласып көмек сұрады.

Еліміздің он өңірінде дауылды ескерту жарияланды. Трассалар жабылып, авто иелеріне жолға шығуға шектеу қойылды. Алайда ауа-райының қолайсыздығына қарамастан рөлге отырып, ұзақ жолға шыққандар көп. Мәселен, көктайғаққа қарамастан Өскемен-Семей бағыты бойынша жолға шыққан «Даф» маркалы жүк көлігінің жүргізушісі рөлге ие бола алмай, қарсы бетте келе жатқан жедел-жәрдеммен соқтығысқан. Ауыр соққыдан 2 дәрігер оқиға орнында жан тапсырып, жедел-медициналық көмектің жүргізушісі ауыр жағдайда …