Новости

Қазақстандықтардың зейнетақы жинағының бір бөлігін банктен қалай ала алатыны белгілі болды. Бүгін осы бастамаға жауапты министрліктің бірі зейнетақы реформасының ережесін жариялады. Бір қызығы, арнайы қорда жиналып тұрған қаржыны алуға бүгінде 60 мыңға жуық қазақстандық өтініш беріпті.

Премьер-министрдің айтқанын тыңдамайды! Елорда тұрғындары ірі құрылыс компаниясын осылай деп айыптап отыр. Олар бір жылдан бері өз үйлерінің жанынан тұрғызылғалы жатқан алып кешендердің құрылысына талай рет наразылық білдірген. Былтыр күзде тоқтаған құрылыс жұмыстары халықтың пікірі ескеріліп қана, қайта жандануы тиіс еді. Алайда халықтың да биліктің де үні жайына қалды дейді тұрғындар. Елорданың қақ ортасындағы құрылыс заңды ма?

Алдағы көктемде Қостанай облысында 95 елді мекенді су басуы мүмкін. Бірақ жергілікті атқамінерлер тиісті қаражатты бөлуге асықпай отыр. Жамбыл облысында да 100 шақты ауыл қауіптің құрсауында дейді мамандар. Тасқынға тікелей жауапты Төтенше жағдайлар министрлігі болса, өңірлерге төніп тұрған қатерден бейхабар болып шықты. «Әзірге кесіп-пішіп бірдеңе деуге негіз жоқ», — дейді ведомства өкілі. Барлау жұмыстары қаңтардың аяғында бір-ақ басталады екен. Қазақстанның …

Еліміздегі депутаттардың айлығы 550 мыңнан басталады. Еңбек өтіліне қарай 800 мың теңгеге дейін жалақы алатындары да бар. Материалдық-техникалық қамтамасыз ету басқармасының «Тенгриньюс» ақпараттық порталына берген мәліметінде осылай делінген. Ал, 2019 жылы халық қалаулылары ай сайын 684 874 теңге алып келген болатын. Атап өтейік, Мәжілістегі депутатар саны 107 , ал сенатта 49 депутат бар. Олардың барлығы Үкімет тарапынан тегін баспана, қызметтік …

«Маңғыстаулық азамат коронавирусқа қарсы вакцинадан кейін көз жұмды!». Денсаулық сақтау министрлігі Facebook әлеуметтік желісінде тарап кеткен осы ақпаратты жоққа шығарды. Жауапты ведомство марқұмның COVID-19 инфекциясына қарсы екпе алмағанын айтуда.

Ақтөбе мыс компаниясының шахтасындағы кеншілердің өліміне не себеп болғаны анықталды. Үш апта бойы тексеру жүргізген мемлекеттік комиссия бүгін тексеру қорытындысын жариялады. Аймақтың бас еңбек инспекторы апатқа кәсіпорында жұмыстың дұрыс жолға қойылмағаны, жұмыс берушінің қауіпсіздік ережелері мен еңбек тәртібін бұзуы және жұмысшылардың салғырттығы себеп екендігін айтты. Олар улы газға тұншыққан. Комиссия апат болған сәтте кәсіпорындағы желдеткіш шахтасы жұмыс істемей тұрғанын да …

Бүгіннен бастап дәріханалардағы вирусқа қарсы препараттардың шекті бағасын енгізу жөніндегі Денсаулық сақтау министрлігінің қаулысы күшіне енді. Осы құжат бойынша енді баға саясаты тек дәріханаларға ғана емес, өндірушілер мен жеткізушілерге де жүргізіледі. Енді, бірнеше категорияға бөлінген препараттардың құны белгіленген бағадан аспауы тиіс. Осы арқылы ведомство пандемияның қызған шағында туындаған дәрі тапшылығының алдын-алуды көздейді.

Көз аурулары ғылыми зерттеу институтының Шымкенттік бөлімшесі кез-келген кеселдің түріне диагностика жасауға үлкен мүмкіндік алды. Енді қос жанары жөнді көрмейтін науқастар Алматы мен Нұр-Сұлтанға сабылмай үшінші мегаполисте ота жасата алады. Қазір орталықта білікті мамандар заман талабына сай аппараттың көмегімен күрделі операцияларды бастауда. Қарға адым жерді көруге зар болып келген кейбір азаматтар осы отадан кейін көздері шәйдай ашылғанын айтып, дәрігерлерге алғыстарын …

Жас келіншекті көлігімен қағып, мүгедек қылған адам жауапкершілікке тартылмады. Арнамызға хабарласқан 26 жастағы әйел осындай шағымын айтып, кінәліні жазаға тартуды сұрауда. Оқиға осыдан жарты жыл бұрын болған. Отбасымен бірге Есіл жағасына демалуға барған Петропавл тұрғыны ақыры аурухананың жансақтау бөлімінен бір-ақ шыққан. Айтуынша, сол күні 6 жастағы бала өзен жағасында тоқтап тұрған көліктің рөліне отырып, жүріп кеткен.

Алматыдағы жүйке жүйесі сыр бергендерді емдеу орталығында шу шықты. Қызметкерлердің өре түрегелуіне басшылықтың озбырлығы түрткі болыпты. Қызметкерлерге өз міндетінен бөлек өзге де жұмыстарды артып қояды екен. Ал жалақыларын жырымдап, айына аздаған тиын-тебен төлеуге көшкенде шыдамымыз шегіне жетті дейді қызметкерлер.