Новости

Жемқорлыққа қарсы іс-қимыл агенттігінің жанынан құрылған «Адалдық алаңы» кеңселік жобасы 2020 жылы атқарылған жұмыстарын қорытындылады. Оған сәйкес, облыстарда және министрліктің ішінде құрылған бөлімшелері де жеткен жетістіктерімен бөлісті. Сол шараға қатысып жатқан әріптесім Қайыркен Отыншы студиямен тікелей байланысқа шықты. Қайыркен, қайырлы кеш. Жиында қандай маңызды мәселелер қозғалды?

Қазақтың қазіргі заманғы Қажымұқаны рекорд жаңартты. Жүз тонналық пойыз вагонын сүйреген 23 жастағы жігіт көпшілікті тәнті етуде. Табиғи күштің арқасында ауырды бұйым көрмейтін ол бұған дейін де қоғамдық көлік, ауыр техниканы да тартқан екен. Тіпті, ирандық Халкпен де ережесіз жекпе-жекке шығуға дайын. «Қазақ титан» деген лақап аттың иесі кім және қайдан шыққаны туралы Бауыржан Жақсымбет кеңірек тарқататын болады.

Алматыда құны 5,5 миллиард теңге болатын модульдік инфекциялық ауруханаға бөлінген қаражат қолды болған. Әлеуметтік желіде «қаржыны жымқырды» деген күдікпен Алматы қаласы жайлы қалалық орта және мобилділік басқармасының басшысы Сапар Нұрашев пен құрылыс компаниясының өкілінің ұсталғаны туралы ақпарат тарауда. Алайда қалалық әкімдік бұны жоққа шағырып, дәлел ретінде Нұрашевтің кабинетінде отырған видеосын жариялады.

Елімізде наурыздан бастап темір жол билеттері қымбаттайды. Монополист компания әлеуметтік маңызы бар бағыттарға қатынайтын пойыздардағы билет құнын 7 пайызға өсіргелі отыр. Бұл жайында «Жолаушылар тасымалы» акционерлік қоғамының ресми өкілі Мәди Мұхамедқали хабарлады. Осы жолғы қымбаттауға «Қазақстан темір жолы» мен еліміздің Индустрия және инфрақұрылымдық даму министрлігі арасында жасалған «Тасымалдаушының шығыстарын ұзақ мерзімді субсидиялауға арналған шарттар» себеп болған. Соңғы рет билет бағасы …

Еліміздегі 9 мыңға жуық мұқтаж отбасына азық-түлік себеттері үлестіріледі. Ішіне ең қажетті заттар салынған пакеттерді үйді-үйге еріктілер жеткізіп береді. Игі істің бастамашысы — Қазақстан мұсылмандары діни басқармасы. Еліміздің Бас мүфтиі шын мұқтаж адамдарға көмектесу — исламдағы негізгі шарттардың бірі екенін айтады.

Ауа райының күрт құбылуынан Алматы облысындағы республикалық маңызы бар жол жабылып, көлік қозғалысы тоқтатылды. Аталған аймақта қатты боран соғып, бұрқасын жел тұрған. Салдарынан жол мүлдем көрінбей, алыс сапарға шыққан жүргізушілер адасып, қар құрсауында қалып қойды. Олар құтқарылды ма?

Аудан орталығындағы жалғыз базар өртеніп кетті. Ақтөбе облысындағы Қандыағаш қаласында алапат өрт болып, сауда орталығы түгі қалмай жанып кетті. Тауары күлге айналған саудагерлер көмек сұрайды. Қызыл жалын неден шықты? Шығын көлемі қандай?

Елімізде баспана бағасы қымбаттаған. Жылжымайтын мүлік нарығындағы мамандар үйлердің құны 12 пайызға өскенін алға тартады. Тұрғын-үй саудасындағылар бұған зейнетақының бір бөлігін баспанаға жарату бастамасы себеп дейді. Қазір қазақстандықтардың үй алғаны дұрыс па? Оның құны қашан тұрақталады?

Бізді құрдымға апаратын заң! Қоғам белсенділері мен шоу-бизнес өкілдері отбасындағы зорлық-зомбылыққа қатысты жаңа заңға наразылығын білдіріп, дабыл қағып жатыр. Құжаттағы талаптарды көрген ата-аналардың да төбе шашы тік тұрған. Енді балаңыздың денесі көгеріп, аз уақыт қараусыз қалса, жауапты органдар оны алып кете ме? Елді елең еткізетіндей бұл құжатта тағы не бар?

Шымкентте отбасылық жанжалдың соңы үлкен дауға ұласты. 70 жастағы кейуана туған қыздары мен күйеу балаларынан таяқ жеп, қолын сындырып алған. Алтынкүл Асқарованың сөзінше, даудың басы баспанадан шыққан. Күйеу баласының бірі «қара шаңыраққа» айналған үлкен үйді құйтұрқы әрекетпен өз атына аударып алыпты. Енді қызы қайтыс болған соң, үйді босатуын талап етіп жатыр екен. Ал, тұрмыс құрған өзге екі қызы болса, уақытылы …