Новости

Бүгіннен бастап елорда мен Павлодар облысында шектеу шаралары күшейтілді. Аталған екі өңір де індеттің таралуы бойынша қауіптіліктің «қызыл» аймағына енген. Жұқтыру жайттары Ақмола, Қостанай мен Атырау облыстарында да жиілепті. Елде тек өткен тәуліктің өзінде ковид-19 белгісі бар науқастардың саны мыңнан асты. Арасында елге белгілі әнші, «Мұзарт» тобының мүшесі Мейрамбек Беспаев та бар. Өнер иесі бүгін жансақтау бөлімінен палатаға ауыстырылған. Толығырақ …

Семейдің халқы жылуға жарымай отыр. Аяз күшейіп, тіпті беркеміз қашты дейді тұрғындар. Үйдегі температура 11 градустан аспаған соң, пәтер ішінде қабат-қабат киіммен жүруге мәжбүр. Бүрсеңдеген жұрт мәселеге атқарушы биіктің араласуын сұрайды.

Қазақстан аумағына кеше шет елден 13 халықаралық рейспен 2 мыңнан астам жолаушы келген. Жолаушылардың 280 ПТР тест болмаған. Оның екеуінен коронапвирус анықталған. Оның бірі Дубай қаласынан, тағы бірі Шарм-эль-Шейх қаласынан Нұр-Сұлтан әуежайына келген. Соңғы уақытта Бас қалада коронавирусқа тест тапсыру екі есе артыпты. Осы уақытқа дейін тәулігінеекі екі жарыммың болса, жаға жылдан кейін бұл көрсеткіш төртжарыммыңна асып түскен. Сондықтан Нұр-Сұлтанның …

Шымкентте өткен ғасырдың 60-шы жылдары салынған ескі көпір апатты жағдайда тұр. Үстінен арлы-берлі өтіп жүрген кейбір тұрғындар абайсызда жерге құлап, аяқ-қолдарын сындырып жатыр. Тіпті, мүгедек болып қалғандары да бар. Өн бойын қорқыныш билесе де адамдар амалдап өткелден өтуге мәжбүр. Себебі, жұртты тасымалдап жүрген автобус кешегі карантин кезінде тоқтап қалған екен. Ал, ең жақын дұрыс көпір 3 шақырым жерде екен.

Саяси партиялардың Мәжіліске өту шегін 7-ден 5 пайызға төмендету керек. Осындай шешімді қабылдайтын уақыт келді. Өйткені аталған норма заң жүзінде тіркелген партияларды алдағы сайлауларға қатысуға ынталандырады. Мемлекет басшысы Қасымжомарт-Тоқаев жаңа Парламенттің алдына осындай да міндет қойды. Президенттің пікірінше, Парламентте партиялар неғұрлым көп болса, ондағы пікірталасты соғұрлым қыздыра түседі. Сонымен қатар Президент сайлау бюллетеніне «бәріне қарсымын» деген жазу енгізуді ұсынды.

Ал осы VII шақырылымдағы Парламент Мәжілісінің спикері болып Нұрлан Нығматулин сайланды. Төменге палатадағы мандаттарды өзара бөліскен ұш партияның өкілдері жасырын дауыс беру кезінде оны жақтаған. «Микрофон өшіру артты қалды» деп Нұрлан Зайроллаұлының тұсындағы пікір ашықтығын алға тартқан мәжілісмендер, оған 100 пайыз қолдау білдірді. Сондай-ақ куәліктерін алып, төсбелгілерін тағынған су жаңа депутаттар да «ел алдында адал боламыз» деп ант берді.

Иә, су жаңа Мәжіліс депутаттарының қызметтік пәтерлері дайын болғанша, халық қалаулары әзірге бас қаладағы қонақ үйлердің бірінде жайғасыпты. Дегенмен, Сіз ойлағандай 5 жұлдызды қонақ үйдің ең қымбат номеріне емес. Мемлекеттік сатып алу сайттарындағы сандарға сенсек, шығын көлемі төрт жыл бұрынғымен салыстырғанда әлдеқайда аз. Әріптесім, депутаттардың уақытша тұрып жатқан қонақ үйіне барып, мәжілісмендердің Парламент қабырғасында көтеретін мәселелерін біліп қайтты. Көрейік.

Мемлекет басшысы Қасым-Жомарт Тоқаев жаңадан сайланған Парламент депутаттарын аңғарымпаз болуға шақырды. Елдің мұң-мұқтажын байқап, мәселелерін Мәжіліс қабырғасында шайқап тұру керек. Өйткені, халық оң өзгерітер күтуде. Ал, межеленген міндеттерге жету үшін Парламент қайнаған жұмыс ордасына айналуы тиіс. Жетінші шақырылымдағы депутаттарға Тоқаев нақты қандай міндеттер жүктеді? Депутаттар бірінші кезекте қоғамды толғандырған нендей мәселелерді шешуге тырыспақ?

Талдықорғанда апатты үйлер мәселесін жергілікті билік инвесторлар көмегімен шешпек. Тұруға қауіпті деген 14 баспананың 3-уін қалталы азаматтарға сатып, тұрғындарға үй алып бергелі отыр. Себебі, өткен ғасырдың 40-шы жылдары салынған нысандар жыл өткен сайын тозып барады. Жер сілкінсе, құлауға шақты тұр.

Асқар Мамин жаңадан жасақталатын Үкіметті қайта басқаруы мүмкін. Оның кандидатурасын қолдайтыны туралы Елбасы Нұрсұлтан Назарбаев «Nur Otan» фракциясының Мәжілістегі жиынында айтты. Қазақстанның Тұңғыш Президентінің пікірінше, осынау қиын-қыстау кезде ауыс-түйістерге құмар болмай, керісінше, бастаған істі одан әрі жалғастыру керек. «Бұл ретте Премьер-Министрдің рөлі ерекше. Оның үстіне бұрынғы Үкімет ел ырыздығы үшін аянбай тер төгіп, жақсы нәтижелер көрсетті», — деді Нұрсұлтан Назарбаев. …