Новости

Осы жексенбі Қордай қақтығысына бір жыл толады. Былтыр ақпанның жетісі күні Масаншы мен Сортөбе және тағы басқа ауылдарда ғимараттар отқа оранып, адам шығыны болған еді. Осыдан кейін үкіметтік комиссия құрылып, жаппай тәртіпсіздік кезінде бүлінген нысандар қалпына келтірілді. Тілшіміз Қордай ауданына барып, жергілікті тұрғындардың бүгінгі тыныс-тіршілігін көріп келген еді.

Шымкентте кәмелеттік жасқа толмаған қыз балаларды зорлаған екі жазасын өтеушіге кастрация жасалады. Мұндай үкімді қылмыстық істер жөніндегі мамандандырылған ауданаралық соты шығарды. Судьяның айтуынша, бұл жазаны түзеу мекемесі орындайды. Ал, кісі өлтіріп, сотқа тартылған ер адам тергеу абақтысында көз жұмған.

Қай көше, қай үйде тұрамыз? Солтүстік Қазақстан облысындағы бүтін бір ауыл тұрғындары далада қалғандарын айтып, дабыл қақты. Атап айтқанда, өздерінің нақты қайда тіркелгендерін білмейді. Әбден тығырыққа тірелген жұрт біздің арнамызға хабарласып көмек сұрады.

Еліміздің он өңірінде дауылды ескерту жарияланды. Трассалар жабылып, авто иелеріне жолға шығуға шектеу қойылды. Алайда ауа-райының қолайсыздығына қарамастан рөлге отырып, ұзақ жолға шыққандар көп. Мәселен, көктайғаққа қарамастан Өскемен-Семей бағыты бойынша жолға шыққан «Даф» маркалы жүк көлігінің жүргізушісі рөлге ие бола алмай, қарсы бетте келе жатқан жедел-жәрдеммен соқтығысқан. Ауыр соққыдан 2 дәрігер оқиға орнында жан тапсырып, жедел-медициналық көмектің жүргізушісі ауыр жағдайда …

Шымкенттік шенеунік шетел азаматтығын аламын деп басы дауға қалды. Қалалық денешынықтыру және спорт басқармасының басшысы Олег Почивалов Ресей азаматтығын алғаны үшін, Қазақстан азаматтығынан айырылды. Бұл туралы қалалық полиция департаментінің көші-қон қызметі басқармасының маманы мәлімдеді. Ведомства өкілінің сөзінше, шенеунік заңды бұзған.

Барымташылар басқа шықты! Қызылорда облысындағы мал иелері арнамызға жанайқайын жеткізді. Аймаққа қарасты Сырдария ауданы тұрғындары төрт түлігін өріске жіберуден қорқып қалған. Ал, жергілікті полиция қызметкерлері әрекет етпей отыр дейді тұрғындар. Осыдан болар жүрек жұтқан ұрылар өрісті қойып, қорада тұрған малды да ұрлауға кіріскен.

Елордадағы базарлардың бірінде саудагерлер шу шығарды. Құрылысқа арналған керек-жарақты сататындар үш күннен бері жарықсыз қалғандарына наразы. Бұл қолайсыздықтың кесірінен бояу, эмульсия сынды сұйықтықтар қатып, сауда кезінде керекті электронды апараттар істемей қалған. Бұған не себеп?

Көкшетаудағы ет тасымалдаушылардың өнімі базарларға өтпей тұр. «Себебі санитарлық талаптардан жұрдай», — дейді мамандар. Алыстан арбалап әкелгендері таза жерде сақталмайды, әрі мұздатылмаған. Неше жылдан бері өнімін саудалап, күнелтіп келген фермерлер мұнымен келіспейміз деп отыр. Саудагерлер де негізсіз тексерулердің салдарынан ет бағасы қымбаттайды деген пайымда. Түйткілдің түйінін тілшіміз біліп көрген еді.

Жүкті қыз-келіншектерге құлаққағыс! Әлеуметтік желідегі түрлі марафондар мен онлайн сабақтардан сақ болыңыз! «Миллионмен декретке» деп аталатын сабақтардан бөлек, қазір кей блогерлер заңды айналып өтудің түрлі жолдарын ұсынуда. Сонымен еш жерде тіркелмей, жұмыс істемей, ЕСП төлеп, декретке шығу мүмкін бе? Тілшіміз бұл сұрақтың жауабын құзырлы орган өкілдерінен біліп көрген еді.

Ардагерлерді емдейтін орын жетіспейді! Елімізде майдангерлерге арналған тек екі госпиталь ғана бар. Оның бірі Нұр-Сұлтанда болса, екіншісі Алматыда. Ал елімізде осы емдеу мекемесінде ем қабылдауы тиіс 800 мың адам бар. Олар кезекті жылдар бойы күтуіне тура келеді. Ал Алматыда ескі госпиталь орнына жаңасын салынатын болса біраз жанның денсаулығын түзетуіне мүмкіндік болатын еді.