Новости

Ал, Таразда жол ақысын төлегісі келмеген ер адамдар такси жүргізушісін соққыға жықты. Оқиға сол маңдағы бейнебақылау камерасына түсіп қалған. Адам жүрмейтін қараңғы көшеде көліктен түскен жолаушылар қашып кетуді көздепті. Алайда тізгінші ақысын сұраған сәтте оны аяусыз сабап, бірі спорттық құралмен, екіншісі оны жұдырықпен ұрған. Содан ер адамның ұялы телефонын тартып алып, оқиға орнынан іздерін суытқан. Полицейлер күдіктілерді бір тәуліктің ішінде …

Шымкентте 70 жастағы әжені зорламақшы болған ер адам ұсталды. Ол кейуананы көпқабатты тұрғын үйдің кіре берісінде есінен тандырып, арам ойын іске асырмаққа ниеттенген. Осы жағдайдан кейін күдікті тәртіп сақшыларынан 3 тәулік бойы қашып жүріп, ақыры қолға түсті. Қазір, оған қатысты қылмыстық кодекстің қос бірдей бабымен сотқа дейінгі тергеу амалдары басталды. Полицейлердің сөзінше ол алғашқы күні-ақ, өз кінәсін толық мойындапты. Бұл …

Кәсіподақтар Федерациясы дауыс беруге қысым көрсеткен партиялардың әрекетін әшкерелемек. Жұмыскерлердің құқығын қорғайтын ұйым осы мақсатта жедел желіні іске қосып отыр. Егер партиялар, я болмаса жұмыс берушілер сайлаушының таңдау жасауына кедергі келтірсе, дәлелдерге сүйене отырып, халық алдында масқаралауға мәжбүрміз дейді. Бұл туралы Еуразия бірінші арнасы хабарлайды. Мәжіліс пен мәслихат депутаттарының сайлауын кәсіподақтар федерациясынан 7 мыңға жуық байқаушы қадағалайды. Жұмыскерлердің құқығын қорғайтын …

Еселеймін деген ақша еш кетті. Елімізде қаржы пирамидасына соңғы тиынын салып, сан соғып қалғандардың қарасы көбеймесе азаймай тұр. Ғаламторды мұқият зерттеп, адам психологиясын жақсы меңгергендер қарапайым халықтың ақшасын жылдам әрі оңай алудың осы бір тәсілін карантин кезінде де ұтымды пайдалануда. Бұл туралы Еуразия бірінші арнасы хабарлайды. Телефон нөмірімді кімнен алды? Бұл сұрақты алданғандардың басым бөлігі өздеріне ең соңында ғана қояды …

Елімізге Қырғызстаннан 60 келі героин алып өтпек болған күдікті ұсталды. Оны Жамбыл облысындағы автомобиль өткізу бекетінде шекарашылар қолға түсірген. Иісшіл ит джип көлігінде жасырылған ерекше иісі бар ақ-сұр түсті заты бар пакеттерді тапқан. Сараптама қорытындысы оның 60 келі 370 грамм героин екенін көрсетіпті. Осы дерекке қатысты қылмыстық іс қозғалып, тергеу жүріп жатыр. Күдіктінің кінәсі дәлелденсе мүлкі тәркіленіп, 15-тен 20 жылға …

Лифт ішінде әйелді бірнеше мәрте ұрып жіберген жігіт камераға түсіп қалды. Мына кадрлардан жедел саты ішіне кірген ер адам бойжеткенге алдымен су шашып кейін оның басынан, бетінен шапалақпен ұрғанын көруге болады. Қазір полицейлер әйел адамға қол көтерген еркекті іздестіріп, оған қатысты тиісті шара қолданылатынын атап өтті. Оқиға Елордадағы тұрғын-үй кешендерінің бірінде болған.

Қайтадан мерекелік атмосфераға оралып, жаңалықтарымызды аяқтасақ. Тәуелсіздік күнінде бір топ алматылық баспаналы болды. Қоныс тойын тойлап жатқандарға пәтерлерінің кілттерін қала әкімі Бақытжан Сағынтаев тапсырды.

«Іргесі мығым елміз!» Қасым-Жомарт Тоқаев қазақстандықтарды Тәуелсіздік күнімен құттықтады. Мемлекет басшысы халыққа деген ізгі тілегін өзінің Twitter-парақшасына жариялады.

Елімізде 10 қаңтарда өтетін Мәжіліс пен мәслихат сайлауына қатысатын саяси партиялардың үгіт-насихат науқаны жалғасып жатыр. Мандаттан үмітті партиялар еліміздің түкпір-түкпірін аралап, халықты сайлауалды бағдарламаларымен таныстырып жүр.

Айдалада қалған ауыл. Шығыс Қазақстан облысына қарасты Каменный карьер елдімекенінің тұрғындары «жапан далада жалғыз қалдық» дейді. Облыс орталығынан небәрі 18 шақырым жерде тұрған ауылға көлік қатынамайды, ұялы байланыс жоқтың аты, ғаламтор сапасы нашар. Дәрігерлік қосын да, пошта да жабық. Адам тұрғысыз жерде өмір сүріп жатқан халықтың зарын тілшіміз тыңдап қайтқан еді.