Новости

Тәуелсіздікке тарту! Түркістан облысында 40 пәтерлі тұрғын үй пайдалануға берілді. Төле би ауданының орталығы Леңгір қаласында салынған баспана тұрмысы төмен отбасылар мен көпбалалы жанұяларға және кезекте тұрған мемлекеттік қызметшілерге бұйырды. Айтулы мереке қарсаңында пәтер кілтін алған азаматтар бүгін қоныс тойын тойлап жатыр.

Еліміздің шошқа шаруашылықтары көрші елден келуі мүмкін тағы бір ауруға дайындық үстінде. Африка обасы деп аталатын дерт тек талпақ танаулыларға ғана қырғидай тиеді екен. Қазір бұл ауру Қызылжар өңіріне көршілес Ресейдің Омбы облысында өршіп тұр. Ел ветеринарлары қораларадағы жұрттың малын ғана емес, ормандардағы жабайы қабандарды да бақылауға алған.

«Қарапайым заттар экономикасы». Бұл бағдарламаның мерзімі 2021 жылдың соңына дейін ұзартылып, кредиттеу көлемі 1 триллион теңгеге дейін ұлғайтылды. Қомақты қаржының сұрауы бар екені сөзсіз. Бүгін Үкіметтің отырысында Асқар Мамин жауапты тараптарды тыңдап, тапсырмаларды орындай алмай жатқан өңірлерді сынады.

10 қаңтарда өтетін Мәжіліс пен мәслихат сайлауына қатысатын партиялар үгіт-насихат жұмыстарын жалғастырып жатыр. Мандаттан үмітті кандидаттар еліміздің жер-жерінде жақтастарымен кездесіп, сайлауалды бағдарламаларымен таныстырып жүр. Толығырақ келесі топтамада.

Семейде автобус жүргізушілері тағы өре түрегеліп, жұмысқа шықпай қойды Қыстың көзі қырауда мінез көрсеткен олар мұндай қадамға амалсыздан бардық деп отыр. Себебі, екі айдан бері жалақы көрмей, зар илеп жүр екен. «Бала-шағымызды қайтіп бағамыз» деген жүргізушілер қала мен автопарк басшылығынан мәселені тез арада шешуді талап етті. Ал, биыл тамыз айында Еңбек кодексіне қайшы 72 факті анықталса да, олқылықтар әлі күнге …

Елімізде коронавирустың беті қайта бастаған сыңайлы. Солтүстік Қазақстан облысы ең қауіпті деп саналатын «қызыл» аймақтан шықты. Мұнда тек қазір бір ғана қала, Нұр-Сұлтан қалып отыр. Соған қарамастан кезекші сыныптардағы оқушылар тоқсан аяқталғанша мектепте оқи береді. Кеше Қазақстанда 747 адамнан коронавирус анықталған. Індет жұқтырғандар көрсерткіші бойынша Шығыс Қазақстан облысынан кейін тұрған бас қалада блок-посттар қойылмайды. Сондай — ақ мегополиске кіретін жандардан …

Қулығына құрық бойламайтын барымташылар. Қызылорда облысында жеңіл автокөлікке сиырды салып алып, ұрламақ болғандар ұсталды. Оқиға Шиелі ауданы Байгеқұм ауылының тұсында болған.

Жаңаөзенде инкассаторларға шабуыл жасаған күдіктілердің барлығы ұсталды. Тергеу мәліметінше, үш адам бұл қылмысқа бір ай бойы тыңғылықты дайындалыпты. Олар инкассатор көлігінің бағыты мен қай уақытта қайда жүретінін білген. Содан кейін жүйелі жоспар құрып, міндеттерді өзара бөліп алыпты. Ал ұрланған ақшаны қылдай бөлісіп алыпты. Осы дерекке қатысты қазір тергеу жүргізілуде. Күдіктілер уақытша ұстау изоляторына қамалды. Еске салайық, қарақшылық шаубыл 3 желтоқсан …

Ел тұрғындарының тапқан-таянғаны, ішіп-жегенінен аспайды. Қазақстандықтар табысының 50 пайызға жуығын азық-түлікке жұмсайтыны зерттеу барысында анықталыпты. Бұл көрсеткіш бойынша республикамыз Еуропаның ең алпауыт елдері Ұлыбритания мен Германияның өзінне де асып кеткен. Біз тамаққа табыстың жартысын тойғаннан жұмсап жүрміз бе, әлде тонғаннан жағдайымыз осылай болып тұр ма?

Петропавлда өзін медбикемін деп танысырып, зейнеткерлердің ақшасын тартып алып жүрген алаяқтың сыбайластары іздестірілуде. Оның құрығына ілінген сегіз қарияның тек біреуі ғана қырағылық танытып, тапқан-таянғанын бермей қойған. Күдікті болса, қылмыстың бәрін жалғыз өзі жасағанын айтып, ант-су ішіп отыр. Екі айда 3 миллион теңге олжалаған келіншек бұрын дәл осындай жолмен ел астанасындағы қарттарды да алдап келген екен.