Новости

Тәуелсіздік тағы да тасада қалды. Жер-жерде жаңа жылға дайындық жүріп жатыр. Әкімдіктегілер әуелі азаттық күнін атап өтіп, сосын ғана безендіруге кірісеміз дегенімен, сатып алулар сайтында тапсырыстар әлдеқашаннан тұр. Мәселен шымқалаға шырша қойып, шырайын аша түсу үшін жергілікті басшы 35 миллион теңге бөлдіріпті. Оны жеңіп алған мердігер шыршаны дайындап, әртүрлі жарықшамдарды ілуі шарт. Бірақ әкімдіктің бұл идеясы «зың» қаланың тұрғындарын қуанта …

Қарағанды облысындағы жылу беретін орталықта апат болып, бір адам көз жұмды. Тағы бірнеше қызметшіні күйік шалып, олар ауруханаға жеткізілген. Қазір кәсіпорындағы оқыс оқиғаның мән-жайын арнайы комиссия анықтауға кіріскен.

Елімізде күн сайын бір әйел күйеуінің қолынан қайтыс болады. Қоғам белсенділері елдегі тұрмыстық зорлық туралы заңды шикі әрі осал деп есептейді. Бірқатар қоғам белсендісі мен құқық қорғаушылар Президент пен Парламентке петиция жолдамақ. «Тұрмыстық зорлықты тоқтатайық!» — деп ұрандатқан наразы топ отбасылық жанжалды геноцидпен тең дәрежеде қарастыруды сұрап отыр.

10 қаңтарда өтетін Мәжіліс және мәслихат депутаттарының сайлауына дайындық қызу жүріп жатыр. Саяси додаға қатысатын партиялардың барлығы еліміздің түкпір-түкпірінде үгіт-насихат науқанына кірісіп кетті. Кандидаттар зауыт-фабрикалардың жұмысшыларымен кездесіп, өздерінің сайлауалды бағдарламасымен таныстырып жүр. Ал, орталық сайлау комиссиясы мәслихатқа жіберілген үміткерлердің тізімін жариялады.

Ал Маңғыстау облысында жүріп келе жатқан пойыз жарылды. Ішінде 200-ге жуық жолаушысы болған құрам Ақтөбеге бағыт алған екен. Белгісіз бір себептермен вагондардың біріндегі газ баллоны жарылған. Қазір «өрт қауіпсіздігін сақтамау» бабы бойынша сотқа дейінгі тергеу жүріп жатыр.

Елдегі ең танымал музыкалық жобаның алғашқы кезеңі мәресіне жетті. Қазылар алқасы «X-Factor»-дың жаңа жеңімпазы атанудан үмітті жүзге жуық қатысушыны таңдап алды. Алайда таланттылардың тартысты ән додасы әлі алда. Енді әділқазылар «орындықтар» кезеңіне өткен әншілерді әрі қарай іріктейді. Сөйтіп «бас жүлде» үшін тек 18 үміткер ғана таласатын болады. Яғни, әр топқа тек 6 қатысушыдан ғана өтеді.

Танымал эстрада жұлдыздарының төбелесі әлеуметтік желіні шулатып жіберді. Интернет қолданушылары той өткізуге тыйым салынғанына қарамастан әншілер кезекті мерекеге қатысып, мұнымен қоса жаға жыртысқандарына наразы.

Ақтөбе облысында жер үйден алапат өрт шығып, ересектердің қарауынсыз қалған 5 бала жанып жете жаздады. Оқиға Сұлукөл ауылында болған. Сәтін салғанда, дер кезінде көмекке келген жергілікті әкім балаларды құтқарып қалыпты. Лаулаған от 200 шаршы метр аумаққа шарпып, баспана мен оған жапсарлас орналасқан дүкен небәрі 15 минуттың ішінде түгі қалмай жанып кетті. Баспаналарынан айырылған отбасы қазір туыстарының үйін паналап отыр. Тілсіз …

Саяжайда тұратындар адам емес пе?! Үш шақырым жердегі аялдамаға жету үшін жаяу сандалып, басын қатерге тігіп жүрген ақтөбеліктер арнамызға шағымданды. Жұрт теміржолдан өтетін көпір салып беруін сұрайды. Алайда олардың өтінішіне құлақ асар жан табылар емес.

«Қысым көрдім, қорландым!» Қызылорда облысында қос судьяның арасында туындаған қызметтік жанжал күннен-күнге ушығып барады. Шиелі аудандық сотының судьясы Гүлнұр Құрманбай басшысына қатысты әртүрлі іс әрекеттер жайында ашық әңгімелеп берді. Оның сөзінше, аудандық сот төрағасы Марат Күздеубаев жалғыз басты әйелге «төсектес» болуға ұсыныс білдіріп, болмаған соң, өмірін тозаққа айналдырып жатқан көрінеді. Осы күні қазылар арасындағы текетірес Жоғарғы сотқа дейін жеткен.