Новости

Іс бітті, қу кетті! Түркістан облысында миллиондаған қазына қаржысы жұмсалған жоба аяқсыз қалды. Төле би ауданы Алатау ауылында құны 280 миллион теңге тұратын су жүйесі бір жылдан бері іске қосылар емес. Соның салдарынан елдімекеннің көшелеріне тартылған су жаңа құбырлар әр жерінен бір тесіліп, сай-салаға ағып жатыр. Өкініштісі сол, нысан мемлекеттік қабылдауға әлдеқашан өтіп кетіп, ақшасы толықтай игерілген екен.

Ауыл іргесінде қоқыс зауытының салынатынына қарсымыз! Мүңкіген иіске тұншығып, тынысымыз тарылып, әртүрлі ауру жұқтырғымыз келмейді. Осылай деп өре түрегелген Елорда іргесіндегі Жібек жолы ауылының халқы әкімдікке барды. Қоқыс өңдейтін кәсіпорынды не үшін дәл елдімекен жанынан салу керек болды? Бұған қатысы жергілікті атқамінерлер қандай уәж айтты? Нұржан Сәдірбай материалды жалғастырады.

Талдықорғанда Тұңғыш Президент қорының көмегімен әлеуметтік тіс клиникасы ашылды. Онда тұрмысы төмен және мүгедек жандарға түрлі жеңілдіктер жасалып, қызмет көрсетілмек. Ал мекемеде медициналық колледжді «тіс технигі» мамандығы бойынша тәмамдаған 6 түлек жұмыс істейді екен. Барлығы да есту және сөйлеу қабілеті бұзылған мүгедек жандар. Сондықтан, олардың әлеуметтік жобасы әртүрлі қорлар тарапынан қолдау тауып отыр.

Бетімнен сүй, беліңнен ұстат! Павлодар облысындағы мектеп директорының басы дауға қалды. Орта білім ордасының жетекшісі жас мұғалімдерге қырындап, олардың әуретті жерлерін сипаған. Дәл осындай шағымын білдірген нәзік жандар бетімен кеткен басшының жазалануын талап етіп отыр. Екібастұздағы келеңсіз жайттың жай-жапсары келесі сюжетте!

Еліміздегі кей шағын қалаларға ауыл мәртебесі беріледі. Ауыл тұрғыны атанатын ондай елді мекен тұрғындары тиісті әлеуметтік қолдау ала алады. Қазіргі уақытта Қазақстанда аудандық маңызы бар 48 қаланың 13-і халық саны бойынша «қала» санатына сәйкес келмейді екен. Себебі, онда тұрғындар саны 10 мыңнан аз. Сенат депутаттары бұл мәселені шешу үшін әкімшілік-аумақтық құрылым бойынша заңнамаға түзетулер әзірледі. Заң жобасын таныстырған сенатор Нұрлан …

Оңай олжамен ақша таппақ болған әйел адамның әрекеті әшкереленді. Тараз тұрғыны әлеуметтік желі арқылы қазақстандықтардың 4,5 млн теңгесін қалтасына басқан. Алаяқ қаржы пирамидасын құрып, салымшылар салған қаражатты 30-дан 60 пайызға дейін арттыратынын айтып уәде берген. Сенім білдірген азаматтардан пайда тапқан соң, ол өз телефон нөмерін өзгертіп, ізін суытқан.

Ту төңірегіндегі тартысқа нүкте қойылды. Елімізде мемлекеттік байрағымызды үйлердің қасбетіне және балкондарға ілуге ресми түрде рұқсат берілді. Бұл республика азаматтарының өздерінің патриоттық сезімін білдіру үшін жасалып отыр. Сондай-ақ, көк байрағымызды ғимараттарға, салтанатты іс-шаралар өтетін орындардың төріне қоюға болады. Үкімет басшысы Асқар Мамин Мемлекеттік ту, Елтаңба және олардың бейнелерін пайдалану туралы қаулыға түзетулер енгізді. Еске салайын, бұған дейін қазақстандықтар «Мен туымды …

Уақыт беріңіздер! Тұрғындары тынысымызды тарылтты деп шағым айтқан Ақтөбе облысының Бестамақ ауылындағы шошқа фермасының басшысы шешім қабылдауға әкімдіктегілерден уақыт сұрады. Кешеннің жұмысын тексеру үшін құрылған комиссия бүгін жұмыстың қорытындысын жариялаған болатын. Ал облыстық әкімдік кәсіпкерге екі талап қойып еді: кәсіпорынды жабу не бағытын өзгерту. Алайда од сол күйі өзгеріссіз қалған.

Қайтқан қаржыда қайыр бар. Полицейлер бақандай 4 млн теңгесін вагонда ұмытып кетіп, жер сипап қалған адамға ақшасын қайтарып берді. Пойыздан Маңғыстау стансасында түсіп қалған ер адам қомақты ақша салынған сөмкесінің жоқ екенін діттеген жеріне жеткен соң бір-ақ байқапты. Іле-шала тәртіп сақшыларына хабарласады. Көліктегі желілік полиция қызметкерлері сол вагондағы жолаушылардың бәріне хабарласып, бөтен сөмкені алып кеткен адамды ақыры тауып алған. Ол …

Соңғы бес жылда елімізден 200 мыңға жуық адам шетел асып кеткен. Олардың тең жарымы аяқ-қолы балғадай, еңбекке жарамды 18 бен 37-нің аралығындағы жастар. Жылдан жылға үдеп бара жатқан бұл үрдіс ел экономикасы үшін қауіпті көрінеді. Жаңа туған нәрестені белсенді тұлға етіп қалыптастыруға мемлекет қанша ақша жұмсайды? Неге ел ырыздығы үшін еңбек етіп, сол инвестицияны қайтатар кез келгенде жастар жат елге …