Новости

Педофилдер бұдан былай жазаларын қауіпсіздігі барынша жоғары мекемелерде өтейтін болады. Рақымшылыққа іленбейді және өмір бойы лауазымды қызметке тағайындалмайды. Бұл туралы Мәжілісітің жалпы отырысында заңға енгізілетін өзгеріс мен толықтыруларды таныстырған Мемлекеттік қызмет істері агенттігінің төрайымы айтты. Кәмелетке толмағандарға қатысты зорлық жасағандардың жазасы қатаңдатылады.

Атыраудағы перинаталдық орталықтың тоңазытқышында көз жұмған сәби өлімі бойынша айыпталушының адвокаты күтпеген мәлімдеме жасады. Қорғаушы Аслан Жолболовтың айтуынша, шақалақтың денесі ауыстырылған болуы мүмкін. Ол мәйітті тексерген Қарағанды облысы бойынша сот сараптамалары институтының комиссиялық сараптама қорытындысында былық көп екенін жеткізді. Жолболовтың сөзінше, сәбидің денесі 2019 жылдың 30 қыркүйегінде Батыс Қазақстан облысына экспертизаға жөнелтілген. Дәл сол күні Жемқорлыққа қарсы күрес қызметкерлері мәйітті …

Таразда бір әйелді өлтіріп, екіншісін ауыр жаралап кеткен күдікті ұсталды. 42 жастағы ер адам үйіне келген кезде пышақ жарақатын алған анасы мен жұбайын көріп, бірден полиция мен жедел жәрдем шақыртыпты. Оқиға орнына келген дәрігерлер келіншектің көз жұмғанын анықтаған, ал көмекке жүгінген азаматтың анасы облыстық аурухананың жансақтау бөліміне жатқызылған. Ұсталған қаскөй кінәсін мойындаған. Ол бұрын кісі өлтіріп, зорлағаны үшін сотты болған …

Алматы облысында халыққа ақырып, үстелді тоқпақтаған Талғар аудандық орталық ауруханасының бас дәрігер халықтан кешірім сұрады. Оның айтуынша, тұрғындар жеке басына тиісе бастаған соң эмоциясын ұсмтай алмай, шектен шығып кетіпті. Ал облыстық денсаулық сақтау басқармасы оның әрекетіне байланысты тексеру басталғанын жеткізді.

Шығыс Қазақстандағы Ресеймен шекаралас жатқан Қоянбай ауылының студенттері онлайн оқу үшін қаладан баспана жалдауға мәжбүр. Себебі, шалғайдағы елді мекенде интернет тұрмақ , ұялы байланыс желісі де жоқ. Қоянбайлықтар қаладағы балаларының жалдамалы пәтерлерін төлейміз деп әбден шығынға батыпты. Ал бұл мәселеге жүрдім-бардым қарап жүрген жергілікті биліктіге атқамінерлер тіпті шекаралық аймақтағы ауылға ат ізін салуды да қойған екен.

Бозжыра дауына президенттің өзі араласты. Таза, тұнық табиғат аясына тиісіп, құрылыс жұмыстарын бастамас бұрын, бұл жобаны қайта қарау керек деді. Қоршаған ортаны қорғаушылар да, қоғам белсенділері де қонақ үй туралы әңгіменің шеті шыққалы шырылдап жатыр. Жергілікті шенеуніктердің айтуынша, салынатын нысан «жасыл» технология талаптарына толықтай сай келеді. Бірақ, эколог мамандар адам аяғы басқан жерге шөп шықпайтынын айтып, апаттың алдын алу керек …

Фитнес-залдан, кинотеатрға дейін бар. Елбасының 5 әлеуметтік бастамасы аясында, студенттерді жатақханаға жайғастыру жұмыстары жалғасып жатыр. Елімізде әлі 70 мыңға жуық студент пәтер жалдап, туыстарының үйін жағалауға мәжбүр екен. Енді аталған мәселе қалай шешілуде? Ол үшін қандай мемлекеттік бағдарлама әзірленген?

Дертке дауа, әлде ауаны улау ма? Желіде кезекші сыныпқа барған балалардың көбін жөтел қысып, жоғары тыныс алу жолдарын күйік шалғаны туралы ақпар тарап жатыр. Дезинфекцияға пайдаланатын химикаттар осындай кері әсерін береді-мыс. Алайда бұл қаншалықты рас? Бұған қатысты жауапты органдар не дейді? Жалпы мектептерде дезинфекция жұмыстары қалай жүргізіледі? Әріптесім зерттеді.

Балабақшадағы орын 1000 теңге! Павлодарда мемлекеттік балабақша әкімшілігі ата-аналардан орын сақтап қалу үшін осынша ақша алып отырған. Тіпті, мектепке дейінгі мекеменің табалдырығын аттамаса да, кей ата-аналар айлап ақы төлегенін айтады. Бұл қаншалықты заңды? Білім басқармасындағылар қандай уәж айтты?

Жетімдердің ақшасын жымқырып, олардың ас-суын үйіне тасыған. Бұл туралы Еуразия бірінші арнасы хабарлайды. Өскемендегі мамандандырылған балалар үйінде тағы да дау. Арнайы орталықтың бұрынғы басшысы миллиондарды жымқырып, науқас ұл-қыздардың күтіміне арналған тауарларды заңсыз иемденген болып шықты. Бұдан тура бір жыл бұрын дәл осы орталықтың бас есепшісі ақша жымқырды деген күдікке ілінген еді. Істі тексерген полицейлер бұл былыққа бухгалтердің ғана емес, экс-директордың …