Новости

Алдағы уақытта бас қаладағы ақылы автотұрақтардың саны 10 есеге артады. Себебі, қазынаға түсетін пайда көл-көсір. Одан бөлек, тәртіпке бағынбайтын, жол ережесін елемейтін жүргізушілерді тезге салатын «Дозор-М» деген жүйе іске қосылды. Ол «Сергекпен» бірқатарда жұмыс істейді. Қырағы аппарат ақылы тұрақ маңында бақылау жүргізетін көліктерге орнатылған. Жүйе қандай тәртіп бұзушылықтарды тіркейді? Салынатын айыппұл мөлшері қандай? Көлік тізгіндегендердің бас ауруына айналған проблемалар жөнінде …

Елімізде 100 мыңға жуық мемлекеттік қызметші бар. Президент қыркүйектегі жолдауында шенеуніктер тым көп деп, олардың санын азайтуды тапсырған еді. Әсіресе, министрліктердегі жауапты хатшылар институтын жою туралы пәрмен берген болатын. Міне, сол тапсырмадан кейін екі ай өтті. Он бес жауапты хатшының алтауы қызметінен кетті. Бірақ, бір жолата орнын босатса ғой. Олай емес. Алты маманның төртеуі министр орынбасары, өзгесі агенттік пен комитет …

Астана LRT-ға қатысты сот басталды. Көп қаражатты қолды қылып, керемет жобаны сақалды құрылысқа айналдырғандар әділдік үйінде жаупқа тартылып жатыр. Нұр-Сұлтан қаласының мамандандырылған ауданаралық сотының судьясы сотталушылардың тізімін жариялады. Олардың қатарында қала әкімінің бұрынғы орынбасарларынан бастап, басқарма басшылары және мәслихат депутаттарына дейін бар.

Кәріз құдығындағы сұмдық! Қостанайда жеке үйдің септигінен үш жыл бұрын жоғалып кеткен адамның мәйіті табылды. Қаңқаға айналған мүрдені ерлі-зайыптылар анықтапты. Оқиға орнына жеткен полицейлер марқұмның кім екенін анықтауға бірден кіріскен. Нәтижесінде дененің 2017 жылдың қарашасынан бері хабар-ошарсыз кеткен 32 жастағы қала тұрғынына тиесілі екен. Мәйіттегі киім қалдықтары жоғалған жанның барлық сипаттамасына сай келген. Оны марқұмның туыстары да растады. Ер адам …

Балық аулауға кеткен төрт жігіттің екеуі өлі табылды. Бес күні бойы із-түссіз жоғалған азаматтарды іздеуге шыққан құтқарушылар көл жағасынан 1 шақырым жерден төңкерілген қайықты тапқан. Белгілі болғандай, елордалық төрт тұрғын Баршын көліне қармақ салуға барған екен. Олардың біреуі жағада қалып, қалғаны қайықпен кеткен. Жолдастарының ұзаққа жоғалғанына алаңдаған жігіт шұғыл полицейлерге хабарласқан. Балықшыларды іздеуге көкшетаулық сүңгуірлер жұмылдырылыпты.

Еліміздің солтүстік аймақтарына қар түсісімен көлік жүргізушілері әбігерге түседі. Дөңгелек ауыстыратындардың жұмысы қызады. Сәйкесінше баға көтеріледі. Ал, алғашқы көктайғақ кезінде бас қала көшелерінде жол көлік оқиғалары жиілеген. Оған жазғы резинамен жүйткіген көліктер себеп болады екен.

Тәртіпке бағынбаймыз! Елордадан Алматыға ұшпақ болған қос жолаушы әуежайда жанжал шығарды. Нысан қызметкерлерінің сөзін пысқырмаған жандар полицейлерге балағат сөздер айтып, төбелесуге дейін барған. Жұрттың мазасын алып, ұшаққа айқаймен отырмақ болғандардың әрекетіне не себеп? Оларды тексерген тәртіп сақшылары не айтты?

Атышулы СК «Фармация» төңірегінде тағы дау шықты. Сыбайлас жемқорлыққа қарсы іс-қимыл агенттігі фарм компанияның қазына қаржысын тиімді жұмсағанына күмәнмен қарап отыр. Дәріханаларды тиісті дәрілермен қамтамсыз ету үшін бюджеттен 8 млрд теңгеден астам қаражат бөлініпті. Алайда, агенттіктің арнайы тексерісі барысында СК «Фармацияның» қоймаларына препараттардың тиісті қоры әлі де жеткізілмегені анықталған.

Коронавирус жұқтырған дәрігерлерге берілетін өтемақы қайтарылсын! Осындай бастаманы бүгін мәжілістің пленарлы отырысында Азат Перуашев көтерді. Себебі, 21 қазаннан бастап Денсаулық сақтау министрлігі Covid-19 инфекциясымен күрес кезінде кесел жабысқан ақ халаттыларға төленетін қаржыны тоқтатып тастаған. Ал, депутат әлі күнге дейін өзіне тиесілі өтемақыны алмаған дәрігерлерден көптеп шағым түсіп жатқанын мәлімдеді. Төлемақыны қайтару мәселесін қарастыру жөнінде премьер-министрге сауал жолдады.

Пандемия жағдайында елімізде жылжымайтын мүлік қымбаттады. Ең қымбат және ең арзан жер, пәтер мен үйлер анықталды. Бағасы жағынан бас жүлдені бермей тұрған сол баяғы Алматы мен астана. Кризис, карантин деп жүргенде үйдің бағасы неге өзгеріп сала берді?