Новости

Бір күннің ішінде елімізде миллионерлер қатары көбейді. Ал кей клиенттердің есеп-шотындағы қаржысы азайып қалған. Белгілі банктің мобильді қосымшасында болған техникалық ақау салдарынан оны пайдаланушылар қаржылық операцияларын орындай алмай қиналды. Кейінірек қаржы құрылымының өкілдері мән-жайды түсіндірмек болды. Сонымен бұл дүрбелең немен аяқталды?

Мал бағатын шопан жоқ! Шығыстағы фермерлердің тығырыққа тірелгені сонша шетелден бақташы іздеуге кіріскен. Кәсіпкерлер қанша жоғары жалақы берсек те, жалдамалы жұмысшы болуға ешкімнің келіскісі жоқ деп налиды. Шығыс Қазақстан облысы Зайсан ауданының шаруа қожалық иелерінің базынасын тілшіміз тыңдап қайтты.

Біздің елде проблемасы жоқ ауыл бар десем сенесіз бе? Күлесіз бе? Қалжың деп қалмаңыз, шынымен солай. Одан қалды бұл елдімекенде мүлде қылмыс жоқ. Тұрғындардың тәртіп бұзуға қолдары тимейді екен. Барлығы да жұмыспен қамтылған өйткені. Ауыл азаматтары үйлерінің де есігін құлыптамайды, көліктерін де кілттемеуге үйренген.

Алматыда автокөлік жөндейтін ангар өртке оранып онға жуық темір тұлпар тұтастай күлге айналды. Көлігінің ақауын дұрыстаймын деп келгендер енді оның өтемақысын кімнен аларын білмей дал. Өйткені, сақтандыру компаниялары мұндай жағдайда дәрменсіз екен. Ал, зардап шеккендер қожайынымен жолықпады.

Мемлекеттік рәміздерді пайдалану қағидаларын қайта қарастыру қажет. Бүгін Мемлекет басшысы Қасым-Жомарт Тоқаев twitter-дегі парақшасына осылай жазды. Президенттің пайымынша ту, елтаңба, әнұранды әрбір қазақстандық қастерлеп, құрмет тұтып қана қоймай, оны қолдану кезінде шектеуге тап болмауы тиіс.

Иә, кеселге күле қарап, шетелге кеткендерді, қайтқанда құшақ жая қарсы алмайды енді. Үш аптада үш қайтара өзгерген құжатқа тағы түзетулер енгізілді. Көліктегі бас мемлекеттік санитар дәрігерінің қаулысына сәйкес, қолында ПТР тесті жоқ жолаушы ұшаққа кіре алмайды. Ал адамдарды сынамасыз тасымалдаған әуе компанияларға қатаң шара қолданылады. Сәдуақас Байғабыловтың сөзінше қазірдің өзінде тәртіпке бағынбаған бірнеше әуе компаниясы әкімшілік жауапкершікке тартылыпты.

Мүңкіген иіске шыдау мүмкін бе? Онсыз да қиын әрі қауырт қызметте жүрген дәрігерлерге тағы азапты іс артылды. Алматы облысындағы емхана дәрігерлері бір айдан бері қолқаны қабатын иіске тұншығып жұмыс істеуге мәжбүр. Өйткені кәріз жүйесі бұзылып, әжетханаларынан нәжіс аралас су кері ағып жатыр. , Емдеу мекемесінде еңбек етпек түгілі, ішке кірудің өзі қиын.

Жер-жерде студенттер жылап жатыр. Бұл жолы Шымкенттегі Халықтар достығы университетінің шәкірттері шу шығарды. 12 мың білім қуған жастың басын қосқан оқу ордасы жуырда сот шешімімен лицензиясынан айрылып қалған еді. Енді оқуы ойран болған студенттерді өзге мекемелер қабылдамай жатыр. Неге? Үкім кесерде сот үміт күттірген жастардың жайын ұмытты ма?

Алматы облысындағы Сарқан ауданы тұрғындары өзекті мәселелерді демеушілердің көмегімен өздері шешуге кірісті. Арнайы қоғамдық қор құрып, ауыл-ауылдарда фельдшерлік пункт пен бастауыш мектеп салуда. Бастама былтыр Кәкімжан Қазыбаев ауылында қолға алынып, биыл 3 елді мекенде жалғасын тауып отыр. Көктемде құрылысы басталған нысандар жыл соңына дейін ел игілігіне тапысырылмақ.

20 жылдан бері жылу көрмеген 300 отбасы. Ақмола облысының Аршалы кентінде Бүтіндей бір шағын аудан тұрғындары көпқабатты үйде көмір жағып күн көруде. Әр пәтер иесі үйіне пеш орнатып алған. Оның мұржасы бітеліп, адамдар уланып өлген жағдайлар да болған екен. Жергілікті тұрғындар биліктегілерден осы мәселені шешіп беруді талай мәрте сұрады. Бірақ, «ертең» деген әдемі ертегіге ел әбден тойды. Жаңа жылу жүйесі …