Новости

Сұмдық! Ақтөбе облысында ұстаздар төбелесіп, бір мұғалім мерт болды! Кеуде тұсынан жарақат алған педагог оқиға орнында тіл тартпастан кеткен. Бала тәрбиелеп, білім беріп жүрген мамандар нені бөлісе алмаған? Кикілжіңге қатысты әріптестері не айтты? Оқыс жайттың жай-жапсары келесі сюжетте!

Заңнан аттаған судъяларға жаза қатаңдатылуы мүмкін. Президент Қасым-Жомарт Тоқаев Жоғарғы сот судъяларының 8-ші съезіне қатысып, осындай ұсыныс білдірді. Мемлекет басшысы Фемидаға мамандарды дайындайтын Сот төрелегі Академиясының да жұмысын сынады. Ал, Жоғарғы сот өкілдері болса, қызметтеріне өзге құзырлы органдар мен Бұқаралық ақпарат құралдарының қалай кедергі болатындығын мәлімдеді.

Қазақстандық кәсіпкерлер студенттер жатақханасының құрылысына белсенді түрде атсалысып жатыр. Бұл орайда мемлекет оларға тиімді жағдай жасап, 6 пайыздық жеңілдетілген несие ұсынып оыр. Екі жылдың ішінде 19 мың орынды қамтитын 60-қа жуық келісім-шартқа қол қойылған. Бүгінде 11 мыңнан астам орынды қамтитын жатақханалар пайдалануға беріліпті. Игі іс жайлы тілші сюжеті.

Дайын асқа тік қасық! Түркістан облысында ел-жұрттың қаржысына салынған спорт алаңдарын ауыл әкімдігі аукционмен сатып жіберген. Ол жерлерді елді мекенге түк қатысы жоқ өзге біреулер иемденіп алып, бұл күнде тоз-тозын шығарған. Аумақтың тозығы жеткені соншалық, жер телімі мал жайылымына айналған. Осылай деп шағымданған Қазығұрт ауданы Сарапхана ауылының тұрғындары амалсыз облыс әкімі Өмірзақ Шөкеевтен көмек сұрауға мәжбүр.

29 жастағы елордалық келіншекке өз күйеуі жала жауып, жындыханаға тоғытқан. Ажырасуға бекінген әйеліне отағасы ерегісіп, осындай қадамға барыпты. Онысымен қоймай аяусыз ұрып-соғып, аяғын сындырған. Бір ғана елорданың өзінде 9 айда 6 әйел адам өз күйеуінің қолынан көз жұмыпты. Әйелдерді зорлық-зомбылықтан қорғау тобы отбасылық кикілжің нәтижесінде ер адамдардың да зардап шегітінін айтуда. Биыл 2 ер азамат тұрмыстық келіспеушілік салдарынан қайтыс болыпты.

Елімізде азық-түлік бағасы қымбаттады. Жыл басынан бері әлеуметтік маңызы бар тауарлардың құны 4 пайызға артқан екен. Бұл туралы сауда-саттық және интеграция министрлігінің өкілдері онлайн брифинг барысында мәлімдеді. Қымбатшылық әсіресе елде төтенше жағдай жарияланған тұста қатты байқалыпты. Қазіргі таңда жауапты ведомство базардағы бағаны тұрақтандыру үшін бірқатар іс-шаралар кешінін жүргізуде екен.

Еліміздегі барлық партияларда парламенттік сайлауға дайындалуға уақыт жеткілікті болды. Сондықтан саяси додаға түсетін партиялар арасында бәсекелестік болатынына әрі олар елімізді дамыту үшін өзекті ұсыныстар айтатынына сенімдімін. Бүгін онлайн форматта өткен Ұлттық қоғамдық сенім кеңесінің отырысында Мемлекет басшысы осылай деп мәлімдеді. Қасым-Жомар Тоқаевтың айтуынша, біздегі мақсат ортақ, ол — халықтың әл-ауқатын жақсартып, елімізді өркендету.

26 қазаннан бастап елімізге ұшып келген жолаушылардың бәрінде, соның ішінде Қазақстан азаматтарында ПТР-тест анықтамасы болуы керек. Олай болмағанда, жолаушы 2 күндік карантинге жатқызылады. Дегенмен, еліміздің бас санитар дәрігерінің қаулысына сәйкес, 5 жасқа дейінгі балаларға ешқандай тест тапсырудың қажеті жоқ. Ал қалғандарында аталған анықтама болмаған жағдайда, ұшаққа кіруіне тыйым салынады. Айта кетейін, жолаушылар үшін тек соңғы 72 сағат ішінде тапсырылған ПТР …

Алдағы қаңтар айында болатын Мәжіліс депутаттарының сайлауы онлайн режімде өтпейді. Бұл туралы Орталық сайлау комиссиясының төрағасы Берік Имашев мәлімдеді. Оның айтуынша, сайлау процесі «Сайлау туралы» заңмен реттеледі. Осыған байланысты елімізде онлайнда дауыс беру мәселесі қарастырылмаған. Сондықтан бұл сайлау да әдеттегі жүйе бойынша, яғни қағаз бюллетеньдерді қолданылып өткізіледі. Ал Орталық сайлау комиссиясының мүшесі Серік Сыдықов пандемияға байланысты Мәжіліс пен мәслихат сайлауын …

Қиранды астында қаламыз! Алматының қақ ортасында орналасқан көпқабатты тұрғын үйдегі жандар осылай деп дабыл қағуда. Жұрт нысан жанынан өтетін жүк көліктерінің жүруіне тыйым салу керек дейді. 8 тоннадан астам ауыр техниканың өтуіне тыйым белгісі орнатылса да да, құрылыс қоқысын шығарушылар өз жұмысын тоқтатар емес. Тіпті, шыдас бермеген көпір аз ғана уақыттың ішінде екі жерінен де жарылып үлгеріпті.