Новости

Ақтөбелік балалар асыға күткен планшет пен ноутбуктеріне қол жеткізді. Оқушыларға қашықтан білім беру үшін компьютер мен керек-жарақты сатып алуға жергілікті және республикалық қазынадан 4 млрд теңге бөлінген еді. Су жаңа техника кімге бұйырды? Әлі қанша оқушы компьютерге мұқтаж?

Сұмдық! Қызылорда облысында егістік алқабында жайылып жүрген жеті жүзге жуық қой өртеніп кетті. Бір шаруа қожалығына қарасты ашатұяқтылардың өлексесін бақташы камераға түсіріп алған. Мал қожайындары түліктің әдейі өртелгенін алға тартып отыр. Бұған жайылымға жақын маңдағы күріш алқабы қожайындарының қатысы бар дейді. Біздің түсірілім тобымызоқиға орына арнайы барып, мәселені анықтап көрген еді.

Туған ұлын жетімдер үйіне өткізген келіншек енді баласын қайтара алмай сан соғуда. Қызылорда қаласы тұрғынының мектеп әкімшілігіне өкпесі қара қазандай. Өйткені, дәл солар баламды бейімдеу орталығына өткізуге үгіттеді деп отыр. Соның салдарынна бір жыл бойы ата- ана құқығын қалпына келтіре алмай, сабылып жүр екен.

Еліміздің оңтүстігінен теріскейіне көшетіндерге жәрдемақыны екі есеге арттыру керек. Ұлттық кеңес сөз сөйлеген президент Қасым-Жомарт Тоқаев Үкіметке осындай тапсырма берді. Ммелекет басшысы сондай — ақ ел тәуелсіздігінің 30 жылдығын тойлауға қатысты өз пікірін білдіріп, пандемия кезінде құлдыраған экономиканың жайын ілге тиек етті. Ал, қоғам белсенділерінің бірі осы жиында алимент туралы заңды қатаңдатуды айтса, екіншісі карантин кезінде коллекторлардың халыққа тыныштық бермей …

Алдағы 3 жылда еліміздің Ұлттық қорынан республикалық бюджетке 7 триллион 300 миллиард теңге бөлінеді. Бүгін Мәжілістің жалпы отырысында 2021-2023 жылдарға арналған кепілдендірілген трансферт мен бюджет туралы заң жобалары мақұлданды. 7 триллион қаражат қандай мәселелерді шешпек? Асқар Мамин бастаған Үкіметке мүшелеріне депутаттар неге шүйлікті?

Еліміздің тағы бір аймағында карантин енгізілді. Бұл жолы блокпбекеттер Қарағанды облысының «Центральный» ауылында бой көтерді. Аталған аймақтың қызыл тізімге ілігуіне шетелден келген қонақ себеп екен. Оның бойынан жұқпалы дерттің белгілері табылып, тест сынамасы оң нәтижені көрсетіпті. Өкініштісі, өзге өңірлерде де жағдай көңіл көншітпей тұр. Жауапты министрлік қазнадан қосымша 240 млрд теңгені не үшін сұрап отыр?

Алдағы Мәжіліс пен мәслихат депутаттарының сайлауына бюджеттен 15 млрд теңгедей қаржы қажет. Бірақ, бұл сан ары қарай өсуі мүмкін. Мұндай мәліметті Орталық сайлау комиссияның төрағасы айтты. Сондай-ақ, науқанға қатысатын әр үміткер 679 мың 500 теңге сайлау жарнасын төлеуге міндетті. Кандидаттарды ұсыну науқаны 10 қарашада басталады екен. Бірақ, қазірдің өзінде еліміздегі партиялар өзінің додаға қатысатын үміткерлерін дайындап жатыр.

Дінмұхаммед Қонавтың жаңа монументі қоғамның қызу талқысына түсуде. Алматы облысының Бақанас ауылына қойылғалы жатқан монумент сәулет өнерінің талаптарынан жұрдай дейді мамандар. Одан қалды, ұлтымыздың біртуар тұлғасын қасақана келеке етті деп сынның астына алып жатқандар көп. Сонымен даулы ескеткіштің авторы кім? Оның айтар уәжі қандай?

Келер жылы Парламенттің құрамы жаңарады. Алдағы жылдың 10 қаңтарында елімізде Мәжіліс депутаттарының сайлауы өтетін болады. Мұндай Жарлыққа Мемлекет басшысы Қасым-Жомарт Тоқаев қол қойды. Заң шығарушы органға оппозициялық партия өкілдері де келмек. Сондай-ақ, бұл саяси науқанда Мәжілістегі жастар мен әйелдер үлесі де артады. Халықтың сайлау туралы ойы қандай? Саясаттанушылар не дейді?

Әділдікке қол жеткізе алмай жүрмін! Бұл — қызылордалық сексенге таяп қалған қарияның базынасы! Былтыр қаңтар айында ақсақалдың ұлын көлік қағып кеткен. Жедел жәрдеммен ауруханаға жеткізілген 42 жастағы жігіт үш күннен кейін жансақтау бөлімінде көз жұмыпты. Содан бері екі жылға жуық уақыт өтсе де марқұмның әкесінің жаны тыныштық таппай келеді. Себебі, ұлының өліміне кінәлі көлік жүргізушісі әлі табылмапты.