Новости

Ауылда тұрғым келмейді! Қалада білім алып, шаһардың қызу тірлігіне бой үйреткен жастарымыздың шалғайдағы елдімекендерге барғысы жоқ. Әрине, жігіттер қора тазалап, отын жарып, қыздарымыз сиыр сауып, май шайқап жүргісі келмейтіні айдан анық. Бірақ қиыры жоқ шаруаны шырқ айналдырып жүрген ауылдың қарапайым келіндері кейінгі кездері елдің назарын жаулауда. Олардың күн сайынғы әрекетін әлеуметтік желілерде аңдып отыратындар қатары артқан.

Алматы облысында ұрланған 17 жылқы мал базарынан табылды. Шығынның жалпы көлемі 12 миллион теңгеден астам қаржыға бағаланған. Барымташылар Қамбар ата төлін түн ішінде жайылымнан айдап әкетіп, сатпақ болған екен. Бірақ бұл арам ойларына түк шықпады. Жәбірленуші өз малын базарлардың бірінде танып, полицейлердің көмегімен қайтарып алған. 37 жастағы Жамбыл ауданының тұрғыны анықталып, уақытша ұстау изоляторына қамауға алынды. Оның басқа да осыған …

Семинар мен симпозиумдардың санын қысқартып, үнемделген қаржыны әлеуметтік маңызы бар жобаларға жұмсау қажет! Төменгі палатаның отырысында алдағы екі жылға арналған республикалық бюджетті талқылау барысында Мәжіліс төрағасы депутаттарға осындай ұсыныс айтты. Сондай-ақ, Нұрлан Нығматулин ауыз суы жоқ елді-мекендердің мәселесін шешіп, ауылдарда дәрігерлік амбулаторияларды салудың маңыздылығын да ерекше атап өтті.

Алматыда қалалық мәйітхана басшысы Бақытжан Әлібеков екі айға қамауға алынды. Ол «14 миллион теңге көлемінде пара алды» деген күдікке ілінген. Күдікке ілінген азамат қалалық паталогоанатомиялық бюроны 6 жылдан бері басқарып келген.

Оппозиция ақыры жеңіске жетті. Қырғыз елінің президенті Сооронбай Жээнбеков бүгін өз еркімен отставкаға кететінін мәлімдеді. Соңына дейін берілмеген мемлекет басшысы қарсыластарының айтқанына көнуге мәжбүр болды. Ал, талан-таражға түскен елді уақытша басқару міндеті Жогорку кенештің спикері Қанатбек Исаевқа сеніп тапсырылды. 15 жылда 5 басшы ауысқан айыр қалпақты ағайынның алдағы жағдайы не болады? Біздің елге тигізер әсері қандай?

Коронавирус инфекциясына шалдыққандардың саны көбейіп жатқандықтан, әлемде бірнеше аптадан кейін өлім-жітім көрсеткіші артуы мүмкін. Бұл туралы Дүниежүзілік Денсаулық Сақтау ұйымы мәлімдеді. Сонымен қатар індет жұқтырғандар өмірде ауырмаған дертке шалдығуы мүмкін. Ол қандай ауру, тілшіміз біліп келді.

Ысырапшылдық пен даңғазалыққа жол берген жоқпыз! Семейге сапарлаған мемлекет басшысы Қасым-Жомарт Тоқаев Ұлы Абайдың ескерткішінің ашылу салтанатында осылай деді. Тарихи тұлғаның 175 жылдығының тойлануына қатысты пікірін білдірген президент, ақын айтқан «мақтаншақтық» пен «бекер мал шашпақты» тыюдың бір жолы осы екенін алға тартты.

Щучинскідегі қос полицейдің өмірін жалмаған сұмдық жол апаты. 25 жастағы көлік жүргізушісі қатты жылдамдықпен жүйткіп келіп, 33 және 38 жастағы полицейлер мінген қызметтік көлікке соққан. Оқиғадан кейінгі фотоларда екі темір тұлпардың бір-біріне жабысып, мыжылып қалғанын байқауға болады. Қайтыс болған кімдер? Жүйтік келіп соққан жан неге көлік тізгіндеу құқығынан айырылса да, рөлге отырған?

Қолына камера ұстаған балалар өзгеге өлім тілеп жүр! Соңғы кезде желілерге желімдей жабысқан жеткіншектеріміздің кісі шошырлық әрекеттері белең алуда. Әлі оң-солын ажырата қоймаған ұл-қыздар құлаққа түрпідей тиетін сөздерді айтып, ересектерге тән қимылдар жасауға дейін барады. Ал балаларының бұл қылығынан ата-анасы хабардар ма? Жауапты мамандар қандай ескерту айтты?

Бәріне әйелдер кінәлі! «Ері елдің қамымен жүргенде әйелдер өз қамына кіреседі» деген болжам рас па? Шенеуніктердің жемқор атануына бірден-бір себепкер әйелі, дейді психологтар. Ал сыбайлас жемсқорлыққа қарсы іс қимыл агенттігі бұл пікірді жоққа шығармайды. Толығырақ тілші баяндайды.