Новости

Қомақты ақша салынған сөмке мен қару. Әлеуметтік желіде тараған видеодағы «Жаркенттің жігіттерін» іздеген полицейлер оларды көп ұзамай қолға түсірді. Бума-бума ақшамен қатар, жігіттің жанында жатқан Калашников автоматына ұқсас қару да видеоға түсіп қалған. Тәртіп сақшылары бейнежазба авторларын анықтап, тергеу шараларын бастады. Әзірге желідегі «батырларға» қандай шара қолданылатыны белгісіз.

Ал, Павлодар облысында 19 жастағы мұғалімді зорлаған қаскөй 15 жылға бас бостандығынан айырылып, судья жәбірленушіге моральдық шығын өндіріп берді. Сот отырысы онлайн режимде өткен. Еске салайық, оқиға осы жылдың ақпан айында Майқарағай ауылында болған еді. Бойжеткен түнгі уақытта интернеті бар мектепке барып жұмыс істеуге мәжбүр болған. Ақпанның 25-нен 26-на қараған түні қараусыз қалған үйде қаскөй арам ойын іске асырып басқа …

Алматының атақты алмасы отынға айналды. Алатаудың бөктеріндегі бір кездері жайқалған жасыл бақ қурап, пешті жылытуға ғана жарап қалды. Әйгілі апорттан бастап алманың бірнеше түрін мамандар жарты ғасыр бұрын арнайы отырғызған екен. Бұған дейін талай адамға азық, көрмелердің көзайымы болған алқызыл жемістер енді жоғалудың аз-ақ алдында. Атадан мал қалғанша, тал қалсын деуші еді, ата-әжелеріміз отырғызған алма ағашына қалайша балтаның жүзі тиді? …

Бас қалада тағы карантин! Елорданың бас санитар дәрігерінің қаулысына сәйкес бүгіннен бастап шаһарда шектеу шаралары қайта енгізілді. Одан бөлек науқастанғандардың дені шетелден келгендер екенін ескере отырып, бірнеше елмен әуе қатынасы қысқарады. Сондай-ақ, жазда ауырып шықтым деп, вирустан қорықпай, бөрікті аспанға лақтырып жүргендерге министрдің айтар ескертуі бар екен. Тақырыпты әріптесім тарқатады.

Елордадағы Ақбұлақ өзені ластанды. Су бетіне қоңыр түстес масса қалқып жүр. Халық көп баратын өзен жағасындағы белгісіз дүние құстарға да кедергі келтіруде. Тіпті, жергілікті тұрғындар бір құстың өлгенін хабарлауда. Есілге барып қосылатын ағынды суға не болды? Экологиялық апатқа кім кінәлі?

Сап-сау кетіп, мүгедек болып оралдым! Жұмыста жүріп, екі аяғынан айрылған азамат әділдік іздеп жүр. Жанайқайына не жұмыс беруші, не жауапты мекемелер құлақ аспаған. 45 жастағы азаматтың арбаға таңылғанына кім кінәлі?

Біздің шығынды кім өтейді? Қызылорда облысы Жаңақорған ауданындағы жылқылары белгісіз індеттен үйірлеп арам қатқан мал иелері үкіметтен көмек сұрайды. Біз бұл жайтты екі апта бұрын көрсеткен болатынбыз. Ем-дом жүргізгенімен малдарын өлімнен алып қала алмай жатқан жаңақорғандықтар шарасыздықтан жергілікті биліктен көмек сұраған еді. Мал дәрігерлері бұл індеттің жұқпалы еместігін сөз етіп, есті малдың шығынына өтемақыдан бас тартты. «Күн суытса болды бұл …

Оқуға түсу мүмкіндігін мүгедектік емес, медициналық қателік шектеп тұр. 30 жастағы Алматы облысының тұрғыны дәрігерлер кесірінен әлі күнге аттестат ала алмай жүр. Туа бітті сал ауруына шалдыққан жігітті бала күнінде ақыл есі кем деп жазып жіберген. Осылайша 8 жыл мектепте оқыған Айдос Сырғабаев 9-сыныпты үйден бітіріпті. Көмекші бағдарламамен білім алғандықтан қолына тек анықтама алып шыққан. Ал, онымен ешбір жерге оқуға …

Балық жеген тоқ болар. Ауылшаруашылық саласында жүрген мамандар да, кәсіпкерлер де қазір мал ұстағаннан гөрі балық асыраған әлдеқайда тиімді дейді. Ел ішіндегі сұранысы еттен кем түспейтін желбезектіні көбейтудің шығыны да шамалы. Кез-келген өзен арнасының маңынан шаруашылық ашып, кәсіп қыла беруге болады. Гектар-гектар жайылымның да, жаз жайлау мен қыс қыстаудың да керегі жоқ. Ал, Дүниежүзілік денсаулық сақтау ұйымы әр адам жылына …

Түркістан облысында XV ғасырға жататын тұрғын үйлер мен кесене орны табылды. Отырар ауданында ежелгі шаһардың орнын қазып жүрген археологтар көне қаланың үстінен түскен. Мамандардың сөзінше, қазба жұмыстары кезінде шыныдан жасалған моншақ бөліктері мен күміс теңгелер көмбесі де шыққан. Қазір табылған дүниелер топырақ астынан аршып алынып, сараптамаға жіберілген.