Новости

Талдықорғанда жезөкшелікпен айналысқан еркектер мен олардың жеңгетайы ұсталды. Алматы облыстық полиция басқармасына қаладағы монша кешендерінің бірінде ер адамдардың тәнін саудалайтыны жөнінде хабар түскен. Жедел жүргізілген шара барысында ақпарат расталып, тәртіп сақшылары әкімші әйелді ұстады. Тексеріс нәтижесінде 33 жастағы жеңгетай өз клиенттеріне жігіттердің телефон нөмірлерін беріп отырғаны анықталды. Қазір осы дерек бойынша сотқа дейінгі тергеу жүргізілуде.

Елордалықтар пәтерлеріне «елес» адамдардың тіркелуінен, қоқысқа ай сайынғы бекітілген нормадан бірнеше есе артық қаржы төлеуге мәжбүр. Себебі, тұрмыстық қалдықтардың тарифі баспанаға есепке тұрған тұлғалардың санымен есептеледі. Бөгде адамдар үшін ақы төлеуден шаршаған тұрғындар қаладағы қоқыс шығаратын компанияның алдына жиылды. Олар үйлеріндегі тіркеуде тұрған адамдарды тізімнен шығарып, қалдыққа төленетін соманы қайта есептеп беруін сұрайды.

Коронавирус енді үлкендерді қойып, балаларға жұғуы мүмкін дегенді көп естіп ек. Сол ақиқатқа айналғандай. Бір ғана Шығыс Қазақстан облысында 58 оқушы вирус жұқтырды. Мектепке барып жүргендері ғана емес, үйінде отырып онлайн оқитындары да ауырып жатыр. Әрине, ересектерге қарағанада балаларда жеңіл өтеді. Десе де, оның өзі тасымалдаушы бола алатынын естен шығармайық. Ал қазір тәжтажалдан қорғанудың жалғыз жолы бетперде мен әлеуметтік арақашықтық …

Жер үшін атылған оқ! Қызылорда облысында кәсіпкер мен тұрғындар арасында дау шығып, арты қайғылы аяқтала жаздады. Бір-біріне қару кезеніп, жұдырық ала жүгірген қос тараптың әрекетін куәгерлер камераға түсіріп алыпты. Қолына автомат ұстаған күзетшілер мен оларға қарсы ұмтылған жандардың балағат сөздер айтып, тіпті кейбіреуі комбайнның алдына шығып алғанын көруге болады. Ен даладағы екі жақтың арасындағы айқайдың жай-жапсары келесі сюжетте!

Жекенің қолына өткелі жағдайымыз мүшкіл! Маңғыстау-Ақтөбе бағытындағы пойыз жолсеріктері журналистерге жанайқайын жеткізді. Компания басшылығы еңбек-келісім шартын сақтамағаны былай тұрсын, қатынап жүрген вагондарының сапасы сын көтермейді дейді. Жауапты басшылар былыққа қазір назар аудармаса жолаушылардың өміріне қауіп тұр деп дабыл қағуда.

Абайлаңыз, алаяқтар! Желіде қарапайым халықтың адал ақшасын арам жолмен жымқыратындар көбейіп жатыр. Жыл басынан бері тек астаналықтардың өзі жалпы соммасы 2,5 млн теңгеге алданып қалған екен. Дені зейнеткерлер. Одан қалды, басыңызда несие барын біліп қалсаңыз таңғалмаңыз. Алаяқтар қазір жеке куәліктің көмегімен-ақ кредит рәсімдей беретін болған. Сонда қайтпек керек?

Елімізде құс тұмауынан жалпы саны 406 мың қанатты қырылған. Оның 45 мыңы жеке қожалықтың шығыны. Тауық, қаз, үйректі балапан кезінен бағып, бірақ бір мезетте барынан айырылғандарға Ауылшаруашылық министрлігі көмектесуге дайын. Тіпті, ведомстводағылар бір бас құс өтемақысы 800 бен 1200 теңге аралығында деген бағаны да белгілеген. Бірақ, өкініштісі сол, шығынға батқан құс асыраушылардың барлығы да бұл өтемақыға қол жеткізе алмауы мүмкін. …

Қыстың көзі қырауда қарды қайнатып ішпесек болғаны. Алматы облысының Кербұлақ ауданындағы Қосағаш ауылы тұрғындары осылай деп арнамызға мұңын шақты. Елдімекенде бар-жоғы 3-ақ колонка бар екен. Оның өзі сыздықтап ағып, тағатымызды тауысады, — дейді. Ал, Талдыбұлақ ауылының тұрғындары құм араласқан суды тұндырып ішуге мәжбүр. Одан қалса, су жиналатын қойманың айналасы да қоршалмаған екен. Жағдайды көзбен көріп қайтқан өңірдегі тілшіміз толықтырсын.

Тағы да бала өлімі! Семейде 9 айлық сәби дәрігер салғырттығынан көз жұмды. Бұл туралы шарананың анасы мәлімдеп отыр. Келіншектің сөзінше, қазан айының 9-ы күні баласының жағдайы күрт нашарлап, іші өтіп, құсқан. Зәре-құты қашқан анасы жедел жәрдемге хабарласқан. Алайда дәрігерлер баланы тексерместен, «Жұқпалы аурулар ауруханасына» жеткізген. Бірақ ақ халаттылар нақты себебін түсіндірместен, сәбиді қалалық медициналық университеті ауруханасына жөнелткен. Ең сорақысы, сәбиді …

«Қамаудағы адамды босатуың керек!». Осылайша әлеуметтік желіде Шығыс Қазақстан облысы полиция қызметкерінің үндеуі жарияланды. Айтуынша, бастығы тұтқындалған азаматты жерлеу рәсіміне байланысты босатуға мәжбүрлеген. Мұнымен қоса, бұл жауапкершілікті өз мойнына алатынын айтыпты. Алайда өскемендік полицей бастығының талабын орындаймайтынын алға тартып, мұны заңға қайшы әрекет екенін жеткізді.