Новости

Еліміздегі жасөспірімдердің кейбірі 13 жастан бастап жыныстық қатынасқа түседі екен. Мұның соңы түсік жасатумен аяқталса, бедеулік мәселесі тағы бар. Қазір бозбалалар мүшеқаптың орнына клеенка мен қағаз майлық пайдаланса, түсік жасату үшін бойжеткендер дәрігерлерлерден емес, интернет пен әлеуметтік желіден кеңес алады екен. Неге?

Еліміздің шенеуніктері пандемияға қарамастан, жаңажылдық дайындықты бастап кетіпті. Мемлекеттік сатып алу сайтындағы мәліметтерге сенсек, бірқатар әкімдік пен мектеп ұжымы шырша мен өзге де безендіру жұмыстарына әлден тапсырыс беріп қойған. Және бұл мақсатта миллиондап ақша бөліпті. Күллі әлем пандемияның екінші толқынына дайындалуда, ал біздікілер болса, бюджет қаржысын бей берекет шашудан босамай жатыр.

Арзанның сорпасы татымас. Елордада мемлекеттік қызметкерлерге ұзақ жылға пайызы төмендетілген несиемен берілген тұрғын үйдің хәлі мүшкіл. Дұрыс құбыр жүргізілмегендіктен жаңбыр жауса жер төлесін су басып қалады. Одан бөлек, ұзақ жылға жетуі тиіс қабырғалар көгеріп, сылақтары түсіп жатыр. Көптен күткен баспанасына қол жеткізген тұрғындар болса, дұрыс жағдай жасалмағандығына наразы. Себебі, төлеп жатқан ипотекамызға пәтер сай емес, — дейді.

Түркістан облысында 1-ші топтағы мүгедек әділдікке жете алмай жүр. Кентау қаласының тұрғыны Дастан Орынбасаров кезінде шахтада жұмыс істеп жүріп, аяқ астынан қол арбаға таңылыпты. Содан бері 13 жыл өтсе де, өзіне тиесілі өтемақысын әлі күнге өндіре алмай келеді Төрт бірдей соттан жеңіп шыққанымен, Нұр-Сұлтан қаласындағы Есіл аудандық соты оның талап-тілегін қанағаттандырмай тастаған көрінеді.

Әзілкеш, шоумен Тұрсынбек Қабатовтың көлігі адам қағып, мерт қылды. Қайғылы оқиға Теміртау-Нұр-Сұлтан тасжолында тіркелген. Соққының қатты болғаны соншалық, марқұмның денесі 66 метрге ұшып кетіпті. Жақынынан айырылған наразы. Өйткені экс-квнщик көлігінің қатысы бар қылмыстық істі құзырлы органдағылар 4 рет жапқан.

Алматы облысындағы жер үйлердің біріндегі мұздатқыштан 2 жасар баланың мәйіті табылды. Сұмдық оқиға Қаратал ауданына қарасты Бестөбе ауылында болды. Дереу іске кіріскен полицейлер күдктінің кім екенін анықтаған. Қатыгез ана баласын жастықпен тұншықтырып өлтірген көрінеді. 27 жастағы келіншектің бұл қылмысын әпкесі әшкерелеген екен.

Қарулы соғыстан бөлек, ақпараттық майдандағы тартыс одан әрі жалғасуда. Таулы Қарабаққа таласып, соғысып жатқан Армения мен Әзірбайжан басшылары қақтығысқа бірін-бірі айыптады. «Еуроньюс» арнасына берген сұхбатында Әлиев пен Пашинян қантөгіске қатысты өз пікірлерімен бөлісті. Сондай-ақ, қос тарап өкілдері дәл қазір атысты тоқтату екі талай екенін атап өтті.

Қырғызстан Президентіне Сооронбай Жээенбеков тақтан тайдырылуы мүмкін. Алайда оған импичмент жариялау мәселесін шешу үшін жиналған Жогорку Кенеш депутаттары әзірге нақты бір тоқтамға келе алар емес. Ал билікке қол жеткізгендер бұрнығы шенеуніктерді қудалауды бастады. Соңғылары шетел асып қашып жатыр. Тіпті, Жээенбековтің өзінің де қайда екені белгісіз. Ал, елдің Ішкі істер министрлігі көшедегі тәртіпсіздіктердің біршама тыншығанын айтады.

Бізге көз алдамшы жол керек емес! Ауыл тұрғындары асфальт төсеп жатқан компанияның жұмысына наразы. Жолды қалай болса, солай салып жатқанын айтып, шағымданды. Тіпті, қиыршық тасты ұмытып, құм үстіне асфальт құйып кетті дейді. Мердігердің жұмысты жүрдім-бардым жасағаны рас па? Бақылайтын жауапты мекемелер қайда қарап отыр?

Бала-шағасын шырылдатып, күштеп көлікке мінгізбек болған әйелдің оқиғасы өз жалғасын тапты. Біздің арнаға балалардың анасы хабарласып, өз шындығымен бөлісті. Оның айтуынша, бұрынғы жолдасы перзенттерін өзіне әдейі қарсы қойған. Сонымен қатар, мұндай қадамға алимент төлемеу үшін барып отыр дейді. Екі жақтың пікірін тілшіміз біліп қайтты.