Новости

Коронавирустан қайтыс болған дәрігерлердің отбасыларына жәрдемақы енді еш кедергісіз беріледі. Ешқандай да тергеп-тексеру болмайды! Ақордада жиын өткізген Қасым-Жомарт Тоқаев Үкімет мүшелерімен індетінің екінші толқынына дайындық мәселелерін талқылады. Басқосуда Мемлекет басшысы ПТР тесттің бағасы халықтың қалтасына едәуір салмақ салып отырғанын айтып, Үкіметке тиісті шаралар қабылдауды тапсырды. Сондай-ақ, осы жылдың соңына дейін қатаң шектеу шараларын болдырмаудың амалдарын қарастыру жайы да сөз болды.

Қызыма қорлық көрсеткендер жазасыз қалды! Бұл — қызылордалық көпбалалы ананың базынасы. Гүлмира Нұрмаханова 8 жастағы қызы өзінің құрбысынан таяқ жегенін айтып, налиды. Сұмдық оқиға жуырда болыпты. Алты баласын асырау үшін жұмысқа тұрған ол перзенттеріне бас-көз болар деген оймен ауылдас құрбысын үйіне шақырыпты. Сол күні танысы ұл-қыздарға қараудың орнына ішімдік ішіп, кәмелетке толмаған балаларды шынжырмен ұрып-соғыпты. Әбден үрейленіп қалған балалар бұл …

Алматы облысының Кербұлақ ауданында бар-жоғы 15 дәрігерлік амбулаторияның 11-і ескіріп, әбден тозығы жеткен. Дені апатты жағдайда. Бірінің төсбесі опырылып, ал, бірінің қабырғасы қақырап тұр. Оның үстіне, қысы-жазы жылынбайтын көрінеді. 15 жыл бұрын берілген санитарлық автокөліктерінің де жүргенінен тұрғандары көп. Әсіресе, тоқырау жылдары аудан мәртебесінен айырылған Қоғалы өңіріндегі елді мекендерде жағдай мүшкіл екен.

Коронавирус пандемиясына байланысты еліміз ендігі жылы тәулігіне 2 млн астам бір реттік медициналық маска шығарып, барлық қажеттіліктерді өтеуді жоспарлап отыр. Бұл жөнінде Үкімет отырысында Индустрия және инфрақұрылымдық даму министрі Бейбіт Атамқұлов айтты. Министрдің сөзінше, бетпердеден бөлек, вируспен күресте аса қажет қорғаныш костюмдерінің, медициналық қолғаптардың өндіріс артпақ. Осы арқылы аталған заттардың бағасын тұрақты ұстап тұруға болатыны айтылды.

Кезекті алаяқ қолға түсті! Қызылордалық тәртіп сақшылары қала тұрғынын алдап 5 млн 245 мың теңгені иемденген 1992 жылғы жігітті ұстады. Жұмысқа орналастырамын, қол жетімді бағамен кезексіз баспана алып беремін және кез-келген оқу орнына түсіру қолымнан келеді. Осындай уәделерді үйіп төккен алаяқ 27 жастағы қала азаматшасын өз қармағына түсіріпті. Жаңа танысына құдайындай сенген жәбірленуші үлкен соманы мамыр айында берген екен. Содан …

Түркістан облысында екі сотталушыға химиялық кастрация жасалды. Мәжбүрлі түрде іске асырылған екпе сот шешімен жүзеге асырылған. Екеуі де кезінде кәмелеттік жасқа толмаған жасөспірімдерді зорлағаны үшін 15 және 16 жылға абақтыға жабылыпты. Оның бірінің жасы небәрі 23-те екен. Қазір, қос сотталушы да химиялық екпеден кейінгі жағдайының мәз емес екенін айтып, қоғамнан кешірім сұрап отыр.

Жол азабын тартқан жұрттың жанайқайы. Алматы облысында әкім-қаралардың құрғақ уәделерінен шаршаған жұрт базыналарын ақпарат құралдары арқылы жеткізуде. Ауылға жас болып келіп, қартайсақ та қара жолдың рахатын сезіне алмай жүрміз дегендер, бұған дейін қырауар қаражатты өз қалталарынан шығарып тегістеп келген екен. Алайда, берік болмаған соң қайта-қайта ойдым болып кетеді екен.

Қырғыз елінде тағы бүлік. Жогорку Кенешке өтпей қалған партия өкілдері Бішкектің түні бойы айран-топанын шығарды. Ақ үйді өртеп, елдің бұрынғы президенті Алмазбек Атамбаев пен оның жақтастарын қамаудан шығарып алды. Оппозиция тіпті, «халықтық мемлекет» жариялап , жаңа үкімет жасақтауға да кірісіп кетті. Бұған билік не дейді? Елдің қазіргі басшысы Сооронбай Жээнбеков қандай мәлімдеме жасады? Айыр қалпақты ағайынның алдағы күніне қатысты сарапшылар …

Тоқсаныншы жылдары туған жастардың қуаты кеміп, белсіздікке шалдығудың көрсеткіштері артуда. Нақтырақ айтсақ, тепсе темір үзетін жігіттер төсекте жарамай, бала сүюден қалған. Оған түрлі факторлар әсер етуде дейді дәрігерлер. Тілшіміз мамандармен тілдесіп, жастардың белсіз болуының нақты себебін біліп қайтты.

«Полицейлердің айыппұлдары негізсіз». Елордалық кәсіпкерлер құқық қорғау органдарының қызметіне наразы! Олардың айтуынша, полицейлер карантин кезіндегі заңбұзушылықты анықтау кезінде арнайы комиссияны ертпей, өздері жалғыз келе береді. Кейде бұл аз дегендей, санитарлық-эпедимиологиялық ережелерді де сақтамай, баса көктеп те кіреді екен. Бас қаладағы бизнесмендердің шағымы өңірлік кәсіпкерлер палатасында талқыланды.