Новости

Жетімге тиесілі баспанада әкімдіктегілер тұрып жатыр. Шығыс Қазақстанның белсенділері ақ жағалылардың жетімді жылатып, жылы үйін тартып алғаны туралы шу ете қалды. Бұл өңірдегі ата-анасыз өскен балалардың бірінші рет несібесінен қағылуы емес екен. Алайда, арызды ары-бері тасып жүріп, ақыры мемлекеттік комиссия құрамына кіріпті. Полицейлермен бірге рейдке шыққан қорғансыздар 102 пәтерді тексеріп, біраз былықтың бетін ашты. Жетімдерге тиесілі 15 пәтер бос тұр. …

Кітапханаларды қысқарту керек. Бұл кешелі бері қоғамда резонанс тудырған елордалық маслихат депутатының пікірі. Мирас Шекенов осылайша. бюджет қаражатын үнемдеп, мемлекеттік қызметкерлерді қысқарту саясатын орындамақ екен. Мұны естіген кітапханашылар көзімізге жас келді дейді. Карантин уақытында керісінше, кітапханаларға қажеттілік артпаса кемімепті. Жұрттың ашуын тудырған ұсынысқа әкімдік те тиісті жауап қатты.

Америкалықтардың аузын аштырып, көзін жұмдырған отандасымыз Данэлия Төлешова «America’s Got Talent» байқауының соңғы кезеңінде жеңіліске ұшарады. Талантымен көпті тәнті еткен қаршадай қызымызға көрерменнің дауысы жетпей қалған екен. Алайда, қазақстандықтар түгілі, шетелдіктердің өзі «Нағыз жеңімпаз- Данэлия» деп желіде жас әншіге қолдау білдіріп, тележобаға байкот жариялап жатыр. Сонда байқау расымен әділ өтпеген бе? Оған Данэлияның өзі не дейді?

Семейдегі автобус тапшылығын шешу үшін қоғамдық көліктердің саны көбейтілмек. Ал, жұмысына салғырт қараған тасымалдаушыларға қатаң шаралар қолданылады. Шығыс Қазақстан облысының әкіміні Даниал Ахметовтың тікелей тапсырмасынан кейін, өңірдегі шенділер мәселені шешудің жолдарын қарастыра бастапты.

Елімізде коронавирустың келесі толқыны басталса, 2 миллионан астам адамның тұрмысы нашарлауы мүмкін. Мұндай статистиканы Еңбек және халықты әлеуметтік қорғау министрі Біржан Нұрымбетов келтірді. «Жаман айтпай, жақсы жоқ». Алда-жалда жағымсыз сценарий жүзеге асатын болса Үкімет оған төтеп беруге дайын ба? Карантинге байланысты көбейіп кеткен жұмыссыздық проблемасын құзырлы органдар қалай шешпек?

Асфальтты өздерің төсеп алыңдар! Алматыдағы «Ақбұлақ» шағын ауданында су құбырын жүргізген мердігер мекеме тұрғындардың ашуын тудырды. Көшелерді қазып, жолдың астаң-кестеңін шығарған мамандар әкімдікке жалған есеп берген көрінеді. Ал жергілікті билік болса өз қаржысына көшені қалыпқа келтіру керек дегенді айтып отыр.

Теріскейден басталған құс тұмауы енді оңтүстік өңірге жетті. Соңғы мәліметке сәйкес, Жамбыл облысында 238, Түркістан облысында — 273 қанатты қырылған. Естеріңізге сала кетейік, қыркүйек айының басында Солтүстік Қазақстанда жоғары патогенді құс тұмауы табылып, оның жабайы құстардан жұққаны анықталған еді. Содан бастау алған құс тұмауы тіркелген облыстардың саны бүгінде жетеуге жеткен.

Кезекші сыныптың төрт оқушысы коронавирусқа шалдықты. Науқастардың бәрі Шығыс Қазақстан облысынан. Қауіпті инфекция Шемонаиха ауданындағы 4-сыныптың екі оқушысынан, Көкпектідегі 11-сынып оқушысынан және Алтай ауданындағы 2-сынып оқушысынан табылды. Қазір олардың жағдайы орташа деңгейде дейді мамандар. Барлығы амбулаториялық жағдайда ем алып жатыр. Айта кетейін, кеше ғана Парыгино ауылының Ковид жұқтырған оқушысы туралы айтқан едік. Аурудың алғашқы белгілері ол балада 11 қыркүйекте байқалған. …

АҚШ Александр Лукашенконы Беларустің заңды түрде сайланған президенті деп танудан бас тартты. Сонымен қатар Германия, Словакия, Литва, Латвия, Эстония, Канада және Польша билігі де осындай ұстанымда екендіктерін жариялады. Еуропалық одақ басшылығы да Лукашенконы президент ретінде мойындамайтындарын мәлімдеді. Айта кетейін, Белурусьте наразылық шаралары тыйылмай тұрғанда Александр Лукашенко кеше ресми түрде қайта таққа отырды. Ың-шыңсыз өткен инаугурацияға 700-ге жуық адам қатысқан.. Бірақ, …

Қазақстан өлім жазасынан бас тартты. Енді елімізде қылмыскерлерге жазаның ең ауыр түрі қолданылмайды. Қазақстанның Біріккен ұлттар ұйымының жанындағы Тұрақты өкілі Қайрат Омаров өлім жазасын жоюға бағытталған халықаралық хаттамаға қол қойды. Айта кетейін, біздің елдің осындай шешім қабылдағанын Мемлекет басшысы Қасым-Жомарт Тоқаев кеше БҰҰ Бас ассамблеяның 75-ші мерейтойлық сессиясында бейне байланыс форматында сөз сөйлеген сөзінде хабарлаған болатын.