Новости

Түркістан облысында алма теру науқаны басталды. Түлкібас ауданының бағбандары биыл рекордтық көрсеткішке қол жеткізіп, аудан бойынша 30 мың тонна өнім жинағандарын айтады. Жыл соңына дейін оның саны тағы да артуы мүмкін екен.

Елордалықтар енді темір тұлпарларын қалаған жерге тастап кете алмайды. Тіпті өз ауласына да. Себебі астанадағы көпқабатты үйлердің маңы енді ақылы автотұраққа айналуы мүмкін. Қаулы әлі күшіне енген жоқ. Алайда арнайы белгілер орнатылып қойыпты. Мұны байқаған тұрғындар арнамызға арызданып, мұңын шақты.

Мектеп жасындағы оқушылар қосымша жұмыс істеп, нәпақа тауып жүр. Кейбірі табысқа кенеліп, отбасына қолғабыс болу үшін оқуын да ысырып тастайды екен. Әсіресе, жағдайы төмен жанұяның ұл-қыздары қара жұмысқа үйір. Ең өкініштісі, нәпақа табамын деп алданып жатқан жасөспірімдер де бар. Балалардың еңбегін еш кетіргендерге жаза бар ма?

Талабымыз орындалмаса жолды жауып, соңғы қадамға барамыз. Осылай деген бір топ үлескер Елордадағы құрылыс компаниясының алдына жиылды. Олар жылдар бойы сарыла күткен баспаналарының тезірек берілгенін қалайды. Жыл басында қала әкімі Алтай Көлгінов те «сақалды» құрылыс статусына ие болған 20 тұрғын үй үлескерлерінің мәселесін шешіп беремін деп уәде берген еді. Бірақ, қаржысынан айырылған салымшылардың проблемасы әлі күнге дейін өзектілігін жоғалтқан жоқ.

Солтүстік Қазақстанда құс тұмауы өршіп, қанаттылар жаппай қырылып жатыр. Облыстың жеті ауданында, атап айтсақ, Тимирязев, Тайынша, Жамбыл, Қызылжар, Шал ақын, Ғ.Мүсірепов, М.Жұмабаев аудандарында шаруалар бағып-қаққан құстарынан бір мезетте айырылып қалған. Соған байланысты облыстың жеті ауданына карантин енгізілді. Шектеу шаралары 21 күн бойы сақталады.

Газ тартамыз деп, ауламыздың астан-кестеңін шығарып кетті. Елорданың шеткі аудандарындағы тұрғындар осылай деп әкімдікке арызданып отыр. Газ, жылу жүргізген мердігер ұйымдар жұмыстарын аяқсыз қалдырып, тайып тұрған көрінеді. Ашық-шашық жатқан шұңқырлар жұрттың жүріс-тұрысына кедергі келтіруде.

Қыс — қыр астында. Ал, Талдықорғанның іргесіндегі Үйтас саяжайының кейбір тұрғындары әлі күнге көмір ала алмай отыр. Отын тапшылығынан емес. Су құбырын тартқан көшелермен көлік жүре алмай, батып қалады екен. Себебі топырағы ойылып түсіп кеткен. Енді соның зардабын тартуға мәжбүрміз, — дейді. Жалпы, саяжайда қордаланған мәселе көп. Жарық жиі сөнеді. Автобус жетіспейді. Одан қалса, интернет те істемейді. Балалар онлайн сабақ …

Алтын бесік қайта тербеліп, алыстағы ағайынның ахуалы анағұрлым жақсарып қалды. Ауылдағы азаматтардың арқасында жабылғалы тұрған мектеп жұмысын жалғастырып, ел көптеп көшіп келіп жатқан көрінеді. Оларға тұратын үйді де, азық қылатын малды да тауып береміз деп жаһанға жар салған да, сол уәдесін орындап жатқан да ауылдың қарапайым тұрғындары. Алайда үлкендерге мектепті аман алып қалуға көмек болған негізгі күш — үйдегі бала-шаға …

Семейдегі 140 жылдан астам тарихы бар ғимарат апаттық жағдайда деп танылды. Ел ішінде «зоовет инстититуты» деп аталып кеткен нысан тарих және сәулет ескерткіштері қатарында. Ерекше қорғалатын тізімде болғанымен қазір жекенің меншігіне өтіп кеткен. Шаһардың қақ ортасында тұрған алып ғимараттың ертеңі не болмақ?

Кеше ғана Бас санитар дәрігер қызметіне тағайындалған Ерлан Қиясов карантиндік шектеулерді жұмсартты. Енді демалыс пен мереке күндері ел аумағында шаштараздар, сұлулық салондары, діни нысандар жұмыс істемек. Сондай-ақ қазақстандықтар ашық аспан астындағы кинотеатрлар мен аттракциондарға емін-еркін бара алады. Құжатта театрлардың да залдағы көрермендердің санын 50 пайыздан асырмай, санитарлық талаптарды сақтап, қойылым қоя алатыны жазылған. Ойын-сауық орталықтарындағы қоғамдық тамақтану орындарына да қызмет …