Новости

Қазақстандық әнші Данэлия Төлешова АҚШ-та өтіп жатқан «America’ s Got Talent» өнер додасының финалына өтті. Бұл ақпаратты оның PR-директоры Татьяна Синенко Фейсбуктегі парақшасында растады. Әлем тамашайлайтын шоудың 15-ші кезеңі, яғни ақтық сыны 22-ші қыркүйекте «NBC» телеарнасының тікелей эфирінде өтпек. Жас әнші қазақстандықтарға «Үміттеріңізді ақтауға тырысамын» деп үндеу жолдады.

Швейцария билігі Қазақстанға «Қорғас ісінде» жымқырылған 390 миллион теңгеден астам қаржыны қайтарды. Бұл туралы Бас прокуратураның баспасөз қызметі хабарлады. Шенділердің мәліметінше, шет мемлекеттің Федералдық билігі мүшелері қыруар қаржыны 14-ші қыркүйекте қайтарған. Негізі бұған дейін де отандық прокурорлар 2019 жылы дәл осы іс бойынша 140 миллион теңгені қайтарған еді. Естеріңізге салсақ, «Қорғас ісі» деп аталған экономикалық былық туралы қазақстандықтар 2013 жылы …

Алайда ауру көбейіп барады деп бас қатырып жатқан жан жоқ. Өңірлерде күнде жиын, күнде той. Күні кеше Ақтауда, анау-мынау емес, білдей бір шенеунік қатысқан ұлы той өтті. Күйеу бала да жай адам емес екен. Сонымен, бүгінгі күннің «батырлары» кімдер? Әдетте, байманаптар заң бұзса да, сытылып шығып кететінін жасырмаймыз. Ал бұл жолы жазалана ма? Заң бәрімізге бірдей ме?

Түркістан облысындағы ауыл жастары асарлатып жүр. Отырар ауданы, Көксарай ауылының азаматтары осы елді мекендегі жалғыз басты анаға үй салып берген. Баспананы тұрғызып қана қоймай, оның ішін қажетті жабдықтармен де қамтамасыз етіпті. «Көп түкірсе көл»- деген осы болар. Ауыл жастарының бастамасын өзге елдімекендегі қатарластары да іліп әкеткен.

Елімізге тартылған инвестицияның 40 пайызы Алматының еншісінде. Бизнес климатты одан сайын тартымды етуді талқылау үшін мемлекеттік органдар мен шетелдік және отандық инвесторлар бас қосты. Қалталы кәсіпкерлер бизнес жүргізу барысында кездесетін кедергілер мен оны шешудің жолдарын талқыға салды. Айта кетейік Қазақстан инвесторларға тиімділі жағынан әлем елдерінің ішінде 25 орында екен.

«Салық жүйесі әбден шаршатты!». Соңғы екі-үш күнде қазақстандықтар мүлік салығын жинап жатқан Мемлекеттік кірістер комитетінің жұмысына наразы. Өйткені отандастарымызға аталмыш ведомство осыдан бірнеше жыл бұрын сатылып кеткен көлік салығын төлеу туралы хаттамалар жіберіпті. Арасында 5-6 қожайын ауыстырған темір тұлпарлардың есебі де бар.

Талабымыз орындалмаса қала орталығына жиналып, митинг өткіземіз! Семейдегі Мұрат саяжайының тұрғындары осындай үндеу жариялады. Азаматтар электр қуаты үшін қыруар қаржы төлеп келеміз, елді мекендегі кооператив ойына келген бағаны қояды деп ашулы.

Маймылдар күйзеліске ұшырап, бегемоттар судан шықпай, көңілсіз күйге түскен. Пандемияның салдары хайуанаттар бағындағы жануарлар мен аң-құстарға әсер етпей қоймады. Көпшіліктің назарына үйреніп қалған олар, карантин кезінде түрлі қылық шығара бастаған. Қыркүйек айынан бастап еліміздегі зообақтардың жұмысы қайта жанданғаны белгілі.

Сахнаға мас күйде шығып, өзін-өзі ұстай алмайтын әртістер бұдан былай айыппұл арқалауы мүмкін. Бұл туралы Мәжілісте өткен жиында мәдениет және спорт министрі Ақтоты Райымқұлова мәлімдеді. Ведомство басшысының айтуынша, соңғы кездері әншілердің сахнаға ішімдік ішіп шығуы, көрерменге тіл тигізуі, анайы сөздер араласқан әндер шырқауы сынды оқиғалар көбейіп кеткен. Сондай-ақ, эстрада әртістері фонограмма қолданса, бұл жайында ұйымдастырушылар көрерменді ескертуге міндеттелді. Мұндай концерттерге …

Атқа мініп жүріп, жоғалып кеткен жеті жастағы бала аман-есен үйіне оралды. Оқиға Жамбыл облысында болған. Мойынқұм ауданына қарасты Құшаман ауылының кішкентай тұрғынын кешелі бері туысқандары, полицейлер, еріктілер бүкіл ел болып іздестірген. Тіпті «Қазавиақұтқарудың», «Еврокоптер» тікұшағы да жұмылдырылды. Із-түссіз жоғалған жеткіншек Көкжелек ауылы жанындағы қамыс арасынан табылыпты. Балғын сол жерде түнеп шыққан екен. Қазір оның денсаулығына еш қауіп төніп тұрған жоқ.