Новости

Жалған жарнамаға сенген жұрттың жанарына зақым келуде. Көру қабілетін 100 пайыз жақсартатын дәрі сатып, оңай олжаға кенелмек болғандардың арамза әрекеті жуырда әшкере болған. Алаяқтар еліміздегі көз аурулары институтының атын жамылып, тауарын саудалаған көрінеді. Мұның соңы аңқау жандардың ағзасына кері әсер етіп, сан соқтырып жатқан көрінеді.

«Малымызды неге өлтірдің» деп барған тұрғынды ашуға булыққан ер адам ұрып-соқты. Түркістан облысының Отырар ауданында болған оқиғаның видеосы әлеуметтік желіде жарияланды.

Депутаттардың сынынан кейін Білім және ғылым министрлігінің өкілдері іле-шала брифинг өткізді. Онда олар оқушыларды дәстүрлі оқыту жүйесіне көшіру жұмыстары жүргізіліп жатқанын айтты. Ол үшін Денсаулық сақтау министрлігіне ұсыныс жіберіліпті. Сондай-ақ, орта білім беру ордаларының штаттық режимде жұмыс істеуі үшін әр өңірдің санитарлық инспекторларынан бөлек, жергілікті билік те рұқсат етуі тиіс екен. Өйткені әр аймақта індеттің тарау деңгейі әртүрлі.

Елімізде көзі тірі қайтыс болғанда жерленетін орнын дайындап, мазар салу белең алып барады. Ертеректе қариялар қайтыс болған соң қабірінің жанынан жарына орын қалдырылатын. Бүгінде жастар да жағаласып, мәңгі жантаятын жерін алдын ала дайындап жатыр. Ол аздай, өмірде бар туыстарына да орын әзірлеп қойғандары баршылық. Бұл қаншалықты дұрыс? Соңғы кезде белең алған осы үрдіске қатысты имамдар не дейді?

Жыр болған онлайн оқу. Мәжіліс депутаттары басталғанына бір апта өтпей жатып былыққа батқан қашықтан оқытуды қатаң сынға алды. Халық қалаулылары дәріс кезінде түрлі бейәдеп видеолар қойылған плафтормалардың балаларға білім беру үшін арналмаған мәлімдеді. Сондай-ақ, дәстүрлі білім беруге оқушыларды қайта көшіру керектігін де айтып қалды. Ал, қоғам белсенділері министрлік пандемияға байланысты қашықтан оқытуға мүлдем дайындалмаған деп отыр. Енді, екі оттың ортасында …

Шымкенттік тұрғындардың 30 пайыздан астамы бедеулікпен күресіп жүр. Дер кезінде дәрігерлік тексеруден өтіп, ем қабылдағандар бір басқа, қаражат тапшылығынан маманға жүгене алмай жүрген жандар көп. Оның бірсыпырасы «сәби сүйе алмадық» деген желеумен ажырасып та кетіп жатыр екен. Ал, Республикалық электрондық денсаулық сақтау орталығының мәліметінше, елімізде осы күні 9 мыңнан астам әйел бедеулік диагнозымен есепте тұр. Олар өз отбасын сақтап қалу …

Тәулік бойы қорғаныс киімдерін тастамай киетін дәрігерлерді қолдау барысында Қызыл Жарты ай ұйымы мен Байерсдорф компаниясы жақпамайлар таратуды ұйғарыпты. Еліміздің 6 облысы мен Алматы қаласының медицина қызметкерлері енді терілерін зақымдаудан қорғайтын болады. Бұған дейін жеке қорғаныш құралдарын сыйға тартқан ұйымның келесі тартуын сюжеттен көріңіздер.

Елімізде өткен тәулікте белгілері коронавирусқа ұқсас пневмонияға жұқтырғандар саны күрт көбейіп кетті. Бірден 450 адамға осындай диагноз қойылған. Ал кеше тағы 6 адам Covid-тен қайтыс болған. Вирус жұқтырғандар саны азайса да, бұл қауіпті кесел күн сайын бірнеше адамды арамыздан алып кетуде. «Сақтықта қорлық жоқ» деген Үкімет бүгінгі жиынын осы кеселмен күреске арнады. Жаман айтпай жақсы жоқ. «Вирустың жаңа толқыны бола …

16 жыл еңбек құлдығында болдым деген 34 жастағы әйел әділдік іздейді. Бота Сүлейменова Алматы облысының Жаркент қаласындағы балалар үйінде тәрбиеленіпті. Өзінің айтуынша, оған қаршадай кезінде «ақыл есі кем» деген жалған диагноз қойылыпты. Сөйтіп, сол кездегі интернат директоры түрлі қара жұмыстарға жеккен көрінеді. Әркімнің босағасын жағалап жүргенде зейнетақысын рұқсатсыз жаратып кеткендер де болыпты.

Алматы облысында көлік қағып, көз жұмған жасөспірімнің туыстары күдіктінің жауапқа тартылмағанына наразы. Оқиға былтыр Іле ауданында болған. 15 жастағы жеткіншек пойыздарды көруге келгенде осындай қайғылы жағдайға тап болған екен. Кешіріп сұрап келген жүргізуші кейін мүлдем байланысқа шықпай қойыпты. Ал, полицейлер марқұмның ағзасынан алкоголь табылғандықтан істі жауып тастаған көрінеді. Қайғыдан қан жұтқан жасөспірімнің туыстары оның арақ-шарапты татып алмағанын айтып отыр.