Новости

Оралда қолдан жасалған әуе кемесі апатқа ұшырады. 69 жастағы ұшқыш оқиға орнында тіл тартпастан кеткен. Марқұм бұл ұшақты 10 жыл бойы өз қолымен құрастырыпты. Алғаш рет өткен сенбі күні сынақтан өткізіп, онысы сәтті өткен көрінеді. Алайда бүгін таңдағы екінші сынақ Павел Ерошенконың өмірін қиды. Тәжірибелі ұшқыш әуе көлігін құрастыруды бала кезінен армандап, тіпті ұшаққа «Арман» деген атау бермек болған екен.

Апта басында Алматы облысында 5 сотық жерді 1,5 миллион теңгеден саудалап, екі жылдан бері құжатын ала алмай жүрген тұрғындар туралы айтқан болатынбыз. Біздің сюжетімізден соң учаскенің жаңа қожайындары табылды. Олар Райымбек ауылындағы жерімізді жұртқа сатқан келіншекті мүлдем танымаймыз дейді. Ал, көпшілік кінәлаған әйелдің адвокаты делдал боламын деп оның да әлдекімге алданып қалғанын айтуда.

Елімізді наурыздан бері әуре-сарсаңға салған коронавирустың екінші толқыны шамамен желтоқсанда басталуы мүмкін. Денсаулық сақтау министрлігіне қарасты Қоғамдық денсаулық сақтау ұлттық орталығы осмындай болжам жасап отыр. Орталық директорының бірінші орынбасары Бауыржан Жүсіповтың айтуынша, қыркүйек пен қазанда тыныш болады. Ал қараша айында алғашқы белгілер көрінуі мүмкін. Дегенмен, ғалымның ойынша ғалым жұрт бетперде киіп, арақашықтық сақтап, санитарлық нормаларды бұлжытпай орындаса, коронавирустың екінші толқыны …

Пандемия ерлі-зайыптылардың шыдамдылығын шындап сынауда. Карантин басталған наурыз айынан маусымға дейін елімізде 4 587 жұп ажырасып кетіпті. Статистика комитетінің мәліметінше, бұл жағымсыз көрсеткіш боынша Алматы көш бастап тұр екен. Некенің ең көп бұзылуы дәл осы қалада тіркелген. Оңтүстік астанада 554 жұптың дәм-тұзы жараспай, екіге айырылыпты. Одан кейінгі орындарда Қарағанды облысы мен Алматы облысы тұр. Мегапоис саналатын Нұр — Сұлтанда 345 …

Алматы тұрғыны құрылыс дүкеніне барып, 83 мың теңге айыппұл арқалап қайтты. Азамат бірнеше рет пайдалануға болатын маска таққаны үшін осындай жауапқа тартылған. Бұған шамданған ер адам бейнеүндеу жариялады. Ал денсаулық сақтау министрлігінің өкілдері болса, бетперде тақпаған жандарға бірнеше рет ескерту жасалғаннан кейін ғана жаза қолданылатынын айтып отыр.

Онлайн оқудың машақаты. Бірі бұл жүйені қолдап жатса, кей ата-аналар балаларды үйде қалдырып оқытатын мүмкіндік жоқ деп шағым айтуда. Жұмыстан бір елі босай алмайтын азаматтардың негізгі шағымы осы. Осы бір жауапты да қиын кезеңге мектептер де барын салып дайындалуда.

Алматыда қыз зорлады деген күдікке ілінген прокуратураның экс-қызметкері бостандықта жүр. Досымен бірге аруды алты сағат бойы қорлаған азғынның арыздан да қорқатын түрі жоқ. Өйткені іс қозғалған күннен бақандай 9 ай өтсе де, бұрынғы мемлекеттік қызметші тамыр-танысының арқасында әлі де жазаланбай келеді. Өкініштісі, елде осындай арам пиғылды еркектердің тарапынан әр оныншы бойжеткеннің ары тапталады екен.

Мектепте жүріп, вирус жұқтырып алған мұғалімге өтемақы төленбейді. Ал оқушы індетке шалдықса, сыныптастары мен ұстаздары да оқшауланады. Осылай деген Білім және ғылым министрі жаңа оқу жылына дайындық барысын тағы бір пысықтады. Асхат Аймағамбетовтың сөзінше, өткен онлайн оқудағы олқылықтар биыл қайталанбайды. Компьютерге де тапшылық туындамайды. Ал кезекші топтар вирусқа тест тапсыруы қажет пе? Ата-аналар мен оқушыларды қандай өзгерістер күтіп тұр?

«Салғырттық кесірінен баламыздан айырылдық». Қостанай облысының Арқалық қаласында бес жасар бала құдық суына батып кетті. Қайғылы оқиға өткен жылы болса да, күні бүгінге дейін кәріз жүйесіне жауапты Арқалық жылу-энергетикалық компаниясынан ешкім жазаланбапты. Жалғыз ұлынан айырылған отбасы тіпті, қалалық сотқа да жүгінген. Алайда жергілікті Фемида «жығылғанға жұдырық» демекші, коммуналдық компанияның басшыларын ақтап шығарған. Мұнымен келіспеген бес жасар бүлдіршіннің жақындары облыстық сотқа …

Солтүстік Қазақстан облысында үш тұрғын итті ұрып өлтіріп, сойып, отқа қақтап жеген. Жаға ұстатарлық жағдай Большая Малышка елді мекенінде болды. Осы оқиғаға қатысты жеті қазынаның қожайыны полицияға арызданған. Айтуынша, үш ауылдасы оның итін жеп қойған. Ол үшеудің біреуіне 6 мың теңге қарыз болған. Соның өтеуі ретінде итін берген. Алайда ауылдастары ол итті үй күзету үшін емес, жеу үшін алған екен. …