Новости

Жамбыл облысында қамқоршылардың озбырлығына шыдамай, екінші қабаттан секіріп кеткен 10 жастағы баланың оқиғасына қатысты тың деректер шықты. Асырап алушылардың жеткіншекке тәулік бойы тамақ бермей, бөлмесінде қамап ұстағаны былай тұрсын, оған жасаған сорақылықтары көп көрінеді. Мұның бәрін Даниил өзі айтып беріпті.

Алматы облысындағы әлеуметтік қызметтер көрсететін орталықтың медбикелері мен санитарлары шу шығарды. Жүйкесі ауыратындар емделетін мекемедегілер жаңа басшы жалақыға жарытпайтын болды дейді. Карантин кезінде көрпе-жастықтарымызды үйден алып келіп, қонып істеуге мәжбүр болдық дегендер оның өздерін адам құрлы санамайтынын айтады. Ол аздай нәзік жандарға қырындап, мазаларын алатын көрінеді. Бұған қатысты мекеме басшысы не дейді?

Шымкентте көз ауруларын емдеу орталығы карантин талаптарын сақтап, үзілістен кейін өз жұмысын қайта бастады. Тамыздың үшінші жұлдызынан бері мұнда науқастарға медициналық қызметтің алуан түрі тегін көрсетіліп жатыр. Сондай-ақ, арнайы шақыртумен Алматыдан барған білікті мамандар кеңес беріп қана қоймай, күрделі операцияны да жасауда.

Біздің еліміз коронавирус індетінің таралуы бойынша қиын кезеңді артта қалдырды. Жағымды жаңалықты Денсаулық сақтау министрлігінің ресми өкілі Бағдат Қожахметов жеткізді. Ал бас қалада коронавирус ең ауыр формада өткен науқастарға арнайы ашылған провизорлық орталықта бірде-бір науқас қалмады. Енді бір жарым айдан бері жақындарын көрмеген дәрігерлер екі апталық карантиннен соң үйлеріне оралады. Республика бойынша да эпид ахуал тұрақталып келеді. Десе де, жауапты …

3 мыңға жуық адам ұсталып, 100-ге жуығы жарақат алды. Белурсьтегі сайлаудан кейін елде жаппай тәртіпсіздіктер болып, күш құрылымдары демонстранттарға қарсы күш қолданды. Мемлекеттің қазіргі Президенті Александр Лукашенко мұны сырттан жасалған арандату әрекеті деп отыр. Алдын ала нәтижелер бойынша Лукашенко бұл жолғы сайлауды да сенімді түрде жеңіп келеді.

10 тамыз – Абай күні. Бұл мереке республика бойынша бірінші рет аталып өтуде. Бүгін Мемлекет басшысы өзінің мақаласында Абай Құнанбайұлы рухани реформатор деп атап өтті. Ақынның мерейтойы қарсаңында өзге мемлекеттің елшіліктері де аталған шарадан тысқары қалған жоқ. Мерейтойға әсіресе Семей жұрты дән риза.

Бүгін Семейде шу шықты. Бірнеше айдан бері тиісті төлемдерін ала алмай жүрген автобус паркінің жүргізушілері жұмысқа шықпай қалды. Ашынған халықтың алдына келген қала әкімі де басынған парк директорынан жұмысшыларды қорғай алмады. 1 жылға жуық уәде беріп келген SemeyBus мекемесінің басшысы мәселені шешуге тағы 10 күн сұрады.

Әйелінің қабырғасын сындырып, баласының басын унитазға батырды. Елімізде тағы бір озбыр әкенің әрекеті әшкере болды. Бұл жолы сұмдық жайт Алматы облысында тіркелген. «Полицияға барсаң, жақындарыңды өлтіремін» деп қоқан-лоққы көрсеткен күйеуінен қорыққан келіншек қорлыққа бір жылдан бері төзіп келген екен. Алайда анасының өміріне алаңдаған балалары әкелеріне өздері шағымданыпты.

Коронавирусқа қарсы вакцина елімізде ең алдымен кімдерге егілетіні белгілі болды. Екпе бірінші созылмалы дерті бар отандастарымызға салынады. Бұл процедура Қазақстанның немесе басқа елдің коронавирусқа қарсы жасап жатқан екпелері сынақтың барлық фазаларынан сәтті өтсе және Дүниежүзілік денсаулық сақтау ұйымының рұқсатын алғаннан кейін жүзеге асырылады. Денсаулық сақтау вице-министрі Людмила Бюрабекованың сөзінше, қазір вакцина жасап жатқан өндірушілердің бірнешеуі ғана клиникалық сынақтың үшінші сатысына …

Атышулы «СК-Фармация» компаниясының басшысы бірінші рет баспасөз мәслихатында жауап берді. Өзінің алатын жалақысын әлі нақты білмейді екен. Ал карантин қызған шақта Ксения Собчакпен түскен суреті туралы сөз басталғанда, дене салмағы жөнінде де айта жөнелді. Денсаулық саласына қатысты өткен мәслихатта маска бағасының арзандауы мүмкін бе, сақтандыру қорының қолданылмаған қаражаты қайда кететіні туралы да сұралды.