Новости

Президент айтқан екі апта өтіп, үшінші жұмыс аптасы басталды. Үкімет отставкаға кете ме, жоқ па, астанада сол жағалауда қандай жаңалық бар. Қасым-Жомарт Тоқаев тек қана цифрлық дамуға жауапты бір министрді ғана ауыстырды. Қалғандары тағы уақыт сұрады ма, әлде жұмыстарын көрсетті ме? Ал әкімдер не істеп жатыр.

Сәтбаев қалалық соты бес жасар қызды ұрлап, зорлық көрсетті деп күдікке іліккен тұрғынды екі ай қамауға алды. Тергеу аяқталғаннан кейін оның ісі сотқа жіберіледі. Бұл туралы Қарағанды облыстық сотының баспасөз қызметі хабарлады. Кезекті сұмдық жайттан кейін қоғамда педофилдерге жазаны өзгерту мәселесі қызу талқылануда. Кей белсенділер өлім жазасын енгізетін кез келді десе, заң өкілдері бұл шешімнен кейін қылмыстың азаярына күдікпен қарап …

Алматылық адвокат Жангелді Сүлейменов қаладағы дезинфекция жұмыстарына жауаптыларды сотқа бермек. Өйткені вирусқа қарсы шашылған дәрі-дәрмектен ондаған мың қазақстандық зардап шегуде. Заң маманының сөзінше, дезинфекция халыққа жасалған қастандық. Бұған қала тұрғындары мен шенеуніктер не дейді? Шынымен дезинфекция қауіпті ме?

Көршіге қарап бой түзеген дұрыс па? Тәжікстан парламенті өз халқының тегін ұлттық негізде жазу туралы заң жобасын мақұлдады. Бұл мәселенің біздің елде талқыланып келе жатқанына 30 жылға жуықтапты. Бірі фамилиясына жалғанған «ов», «ова»-дан бас тартса, екіншілері құжаттың машақатын ойлап бұл істі кейінге шегеріп келеді. Рухани жаңғыру дейміз. Аты жөніміздің өзі дұрыс жазылмай келе жатқанда, өзгесіне не қайыр?

Қарағанды облысының Сәтбаев қаласындағы оқиғаға байланысты қылмыстық іс қозғалды. Бүгін ішкі істер министрі онлайн брифинг өткізіп, осы мәселе бойынша мәлімдеме жасады. Ерлан Тұрғымбаевтың айтуынша, 5 жасар қызды ұрлаған күдікті ұсталған. Айта кетейік, қала тұрғындары кішкентай қызды зорлады деген күдіктіні өз қолымызбен жазалаймыз деп, жанжал шығарған болатын. Қоғамдық тәртіпті реттеп, азаматтардың қауіпсіздігін қамтамасыз ету үшін полиция күштері тартылған.

Ақтөбеде қаскөй 10 жасар қызды зорлады. Сұмдық жайт қаланың шетіндегі аудандардың бірінде кешқұрым болған. Дүкеннен шыққан бүлдіршінді көрген күдікті артынан еріп отырыпты. Көршілерінің айтуынша сай жаққа апарып балаға білгенін істеп, қорлаған. Оқушы қыз педофилдің қолынан сытылып кетіп, қашқан дейді. Күдікті қамауға алынғанымен, көрші-қолаң, ауыл-аймақ қорқып отыр. Өйткені, ол бұған дейін де істі болып, жақында ғана абақтыдан босап шыққан екен.

Медициналық қауіпті қалдықтар тұрғын үйлердің ауласына тасталады! Осындай сорақылыққа куә болған тұрғындардың бірі ол жайтты фотоға түсіріп алып, әлеуметтік желіге жариялап жіберді. Куәгердің айтуынша, еліміздегі коронавирусқа сынама қабылдайтын ірі лабораторияның қызметкерлері зиянды қоқыстарды тұрмыстық қалдықтармен бірге төккен. Мүмкін емес деп зерттеу жүргіздік. Сонда анықтағанымыз ол қалдықтарды өңдейтін, залалсыздандыратын мекеме карантинге жабылып жатыр екен. Бұл нені білдіреді? Инесі бар, дәрісі бар, …

Президент әкімшілігіне ай сайын тұрғындардан 2,5 мыңға жуық өтінім келіп түседі екен. Өйткені халықтың өз мәселесін жылдар бойы шеше алмай қалатын кездері болады. Осыған орай былтыр Қасым-Жомарт Тоқаевтың бұйрығымен президент әкімшілігінің қасында тұрғындардың шағымын тыңдайтын арнайы бөлім құрылған еді. Бір жылда оған 30 мыңға жуық хат түсіпті. Бұқараның мәселесі шешілді ме?

Ұлттық қордағы қаржыға ие болмасақ, 4 жылда ту-талақайы шығады! Экономист сарапшылардың пайымы осы. Эпидемия, пандемия жоқ кезде де ысырап болған қаржы осындай кезде мүлде бақылаусыз кете ме деген қауіп бар. Оны болдырмау үшін не істеу керектігін де мамандардан сұрадық. Кейінге ұрпақ үшін жасақталған қорды қадағалау кімінің қолынан келеді?

Тегін берілетін құжатты қыруар қаржыға сатып, жоқ жерден пайда көріп жүргендер бар. Ондай пысықайлардың бір сыпырасы Мамандандырылған халыққа қызмет көрсету орталығын айналшықтап жүр. Кезекте тұрғандарды алдап-арбап, көлік рәсімдеуге қатысты қызметтің түр-түрін заңсыз ұсынады. Бағасы да арзан емес. Ондайлардың бірқатарын құзырлы органдар бүгін қолға түсірді. Арнайы операцияға біздің тілшілер де қатысып келген еді.