Новости

Су орнына — у. Қызылорда облысы Жаңақорған ауданына қарасты Байкенже ауылының тұрғындары басқа-басқа емес, уранның уыты жайылған тіршілік нәірн тұтынуға мәжбүр. Мың жарым халқы бар ауыл отыз жылдан бері таза ауыз суға зәру. Мемлекеттік бағдарлама аясында қосылуға тиіс су торабы бірнеше жылдан бері бекерге тұр? Радиоактивті, ең зиян элементтер ауылдағы ағайынның асына неге араласып кетті? Аймақтағы тілшіміз айтсын.

Елде індет өршіп тұрғанда Талдықорғандағы көпсалалы аурухананың дәрігерлері жаппай жұмыстан кетпекші. Тіпті, арыздарын да жазып қойған. Ақ халаттылардың бұлай шешім қабылдауына «бас дәрігер қызметтен босатылады» деген сыбыс себеп болған екен. Ұжымдағылардың айтуынша, Сәуле Құсмолданованың орнына осы күнге дейін жаңа басшыны да таңдап қойған көрінеді.

Бүгіннен бастап Алакөл де карантинге жабылды. Үржар ауданының бас санитар дәрігерінің қаулысына сәйкес, Шығыс Қазақстан облысындағы туристік аймаққа кіретін жолдарда блокбекеттер қайта қойылатын болды. Алайда Алакөлде демалыс орындарын ашып, бизнесін дөңгелетіп жүргендерге бұл жаңалық жаға қоймаған сыңайлы. Бір топ кәсіпкер облыс әкімі Даниал Ахметовке үндеу жариялады. Олар аймақ басшысынан 30 тамызға дейін жұмыс істеуге рұқсат беруді сұрап отыр.

Қазақстан Үкіметі Ауғанстан Ислам Республикасы мен Өзбекстанға гуманитарлық көмек көрсетеді. Бұған қатысты қаулыға Үкімет басшысы Асқар Мамин қол қойған. Жәрдем ретінде Ауған еліне: көрпе қаптар, қыстық шатырлар, төсек, матрастар, жастық тыстары, көрпеше, күртеше, шалбар мен бас киімдер жіберіледі. Ал Өзбекстанға азық-түлік өнімдерін: жоғары сортты ұн, қарақұмық жармасы, өсімдік майы мен сүт өнімдері жіберіледі. Еске салайық, осыған дейін біздің үкімет жалпы …

Соңғы 20 күнде 63 491 адам пневмония дертімен ауруханаға жатқызылды. Олардың 45 мыңы ем-дом қабылдауда. Ал, коронавирус жұқтырғандар саны қазір 76 мыңның үстіне шығыпты. 63 проценті немесе 48 мыңнан астамы емделіп шыққан. Тәулік сайын 1600-1700 отандасымыз дертке душар болып жатқаны белгілі. Өкінішке қарай, көз жұмғандар саны да тоқтар емес. Ресми дерекке қарағанда, вирустан 610 азамат бақилық болды. Еліміздің Бас санитар …

Депутаттар карантинде қысқа қамданып, варенье қайнатып жатыр. Мәжілістегі кейбір ханымдар осылай деді. Аңсап жеткен екі айлық каникулында халық қалаулылары шетелге демалысқа шыға алмай, үйлерінде отырған көрінеді. Ел-жұртты залға жинап, өңірлерге сапарламай-ақ, әлеуметтік желіде кездесу өткізуге бола ма?

Мемлекет қарамағындағы әлеуметтік мекемелердегі коронавирус жайындағы ресми ақпарат қаншалықты рас? Мысалы, апта басында Оралдағы қарттар үйінде бір мезетте 18 жанның қайтыс болғаны туралы белгілі болды. Директоры еңбек демалысына кетіп, ұзақ уақыттан бері сұмдық жайтты жасырған орталықта қазір тергеп-тексеру жұмыстары жүріп жатыр. Осы орайда біздің арнаның түсірілім тобы да өз бетінше зерттеу жүргізді. Сонымен, Нұр-Сұлтандағы балалар мен қарттар үйінде және қаңғыбастарды …

Осыған дейін де қырық құбылған вирусты емдеу тәсілі жуырда тағы өзгереді. 12-ші протоколға сәйкес, жаңадан 5 дәріні енгізу көзделіп отыр. Ол бойынша індетке шалдыққандар дәрігердің бақылауымен үй жағдайында емделе алады екен. Ал үйдегі ем-домнан шипа көрмегендер қайда барады? Қандай жағдайда бірден жедел жәрдем шақыру керек?

Үйі, бала-шағасы бола тұра, кейуана кіреберісте түнеп жүр. Қолында екі бірдей мемлекетте тұрғандығын растайтын құжаты бола тұра, ол өз үйіне орала алмайды. Бюрократияның былығынан барынан айрылған азаматша екі елдің президентіне бірдей үндеу жолдап, көмек сұрады. Нұрия Усманованы самайын ақ шалғанда сергелдеңге түсірген кім? Қызы мен баласы қол ұшын соза ала ма? Ресей азаматының Ақтөбеге қанадй қатысы бар?

Індет өршіген тұста елімізде жұмысы тоқтап, жан бағуы қиындаған тұрғындардың саны артпаса, кеміген жоқ. Баспанасына қамалып, күнделікті тұтынар азық-түлікке зәру болғандары қаншама. Осындай тұрымысы төмен отбасыларға жомарт жандар бірігіп қол ұшын беру акциясының тағы бір эстафетасын бастады. Қазіргі уақытта миллиондар тұратын мегаполисте 200 қорап әзірленіп мұқтаж жандарға таратылмақ.