Новости

Бізде дәрі де, бәрі де жетеді. Үкіметтегілер осылай деп сендіреді. Шетелден гуманитарлық көмек келіп жатыр, тұрғындардың өздері де импорттап алып жатыр. Қап-қаппен. Бірақ шынында сөз бен іс сәйкес келе ме? Қағаз жүзінде қатырып қойған мәселелер енді жүзеге қашан асады? Қазір вокзалға барсаңыз да, әуежайға кірсеңіз де, Қазпоштаны көрсеңіз де, бір көрініс. Құшағы дәріге толған қараша. Бірі салып жатыр, бірі күтіп …

Ішкі істер министрлігі ауаға «қызыл түсті ұнтақ» сеуіп жүрген ұшақтарға қатысты түсініктеме берді. Әлеуметтік желілілерде тараған ақпаратта бұл таспаның Қазақстанда түсірілгені, ал самолеттен вирустық және биохимиялық оқ-дәрі шашылып жатқаны айтылған еді. Осыдан кейін министрлік бейнежазбаның толық нұсқасын тексеріп, оқиғаның АҚШ-та болғанын анықтаған. Сөйтсе әуе лайнері өртті сөндіруге жұмылдырылыпты. Ал, видео «Goal Aircraft» әуе компаниясының Facebook-тегі аккаунтынан көшіріліп алынынған. Айта кетерлігі, …

Алматыдағы «Халық арена» спорт кешені науқастарды қабылдауды бастады. Алайда бұл мұз айдыны болғандықтан, жуынатын орындар мен әжетханалар науқастарға қолайсыздық тудыратынын белгілі. Ал парламент депутаты Ирина Смирнова спорт кешенінен гөрі жатақхана, қонақүйлер мен жекеменшік клиникаларды жұмылдырған әлдеқайда тиімді болар еді дейді.

Елімізде індетті ауыздықтаймыз деп жүріп, 3385 ақ халатты ауырып қалған. Оның ішінде «COVID-19-ды» жұқтырғандарының саны — 706. Оған қоса, пандемия басталғалы 28 дәрігер бақилық болыпты. Марқұмдардың түгелге жуығы өзгені ажалдан арашалаймын деп жүріп, өздері дертке шалдыққан.

Жұқпалы дертті жеңгендеріне жарты жылға жуықтаған науқастар вирустың зардабын әлі күнге дейін тартып келеді. Дем алуы қиындап, ұйқысы бұзылып, бойынан әлсіздік белгілері байқалады екен. Әлемде мұндай жайттар күннен-күнге көбейіп жатыр. Ал пандемия тарағалы бақандай 6 ай өтсе де, вирустың нақты неден шыққаны әлі де басы ашық сұрақ күйінде қалып отыр. Салдарынан вирусқа қарсы вакцинаны шығару процессі де созылып кетті.

Қазақстанға жақын арада үш мың жасанды тыныс алу аппараты жеткізілуі тиіс. Қиын-қыстау заманда мұншалық жомарттыққа үкіметтегілер емес, қарапайым отандастарымыз барып отыр. Індеттен дем ала алмай жатқандарға медициналық құрылғы алуға соңғы тиын-теңгесін жер-жерден әркім қолдан келгенінше бөліп жатыр екен. Араларында кішкентай болса да, жүрегі кең балақайлар да бар.

Қарағандыдағы дауыл тұрғындардың құтын қашырды. Суқоймасына демалуға барған 19 жастағы қыз алапат жел тұрғанда, суға кетіп қайтыс болды. Жел екпінінің қатты болғандығы сондай, елдімекенде жарық сөніп, ондаған ғимараттың шатырын жұлып кетті. Ағаштар құлап, мүлкі бүлінгендер дауылды ескертудің болмағанын айтып шағымданып, шығынын кімнен өтерлерін білмей дал. Төтенше жағдайлар қызметі бұған не дейді? Жауапты мекемелер дауылға дайын болмағаны ма?

Пандемия басталғалы бері қауіпті кесел ешкімді аяп жатқан жоқ. Жас пен кәріге қарамай, өмірлерін қиюда. Марқұм болған жандардың арасында дәрігерлер, композиторлар, әртістер, мемлекет қайраткерлері, актерлар бар. Олардың бірі коронавирустан көз жұмса, өзгесі пневмониядан қайтыс болды. Күн құрғатпай, еліміздің әр аймағынан бір суыт хабар келіп жатыр. Бүгінге дейін 70-ке жуық танымал тұлғалар келмеске кетті. Елі үшін өлшеусіз үлес қосқандар жайлы келесі …

Талдықорғанда қабір қазушылар тапшы болып тұр. Тіпті, жерлеу қызметінің өкілдері көр дайындап үлгермей жатқандарын айтады. Сондықтан, кейбіреулері түнделетіп те жұмыс істеуде. Өйткені, айналдырған екі аптаның ішінде қаладағы қос зиратқа 120-дан аса адам жерленген екен.

Коронавирус елімізге төрт ай бұрын келген еді. Содан бері бірде баяу, бірде жылдам тарап, елді әурелеп келеді. Жұмысы тоқтаған кәсіпкерлер ашулы. Ең ауыры, жақынынан айырылған азаматтар қайғыдан қан жұтуда. Қаралы хабардан көз ашпай келеміз. Бұл жағдайға қалай жеттік?