Новости

Дәріханаларда қарапайым парацетамолдың өзі қат. Індеттен шошынған жұрт жаппай дене қызуын түсіретін дәрі мен оны өлшейтін құралдарды талап алып қойған. Алып-қашпа әңгімелерден үрейленгендер соданы суша сіміріп, антибиотиктерді асап жатыр. Енді бірі маскасына спирт сеуіп, арақпен демалсаң, ауру алмайды деп ойлайды екен. Ал, дәрігерлер дабыл қағуда. Өйткені беталбатты ем-домның зияны болмаса, пайдасы шамалы. Ал, қоймадағы бар дәрі-дәрмекті расымен ел тауысты ма, …

Көк байрақты аяқасты етті. Шетелдік танымал сайттардың бірінде мемлекеттік туымыз бейнеленген дәретхана кілемшелері, үй жануарларына арналған киімдер мен ваннаға ілетін перделер сатылып жатыр. Ал халық ерекше дизайнға қызығып, соны жанталасып алып жатыр. Мемлекетік рәміздерді қор еткендер неге көбейіп кетті? Жалауымызды сайқымазаққа айналдырғандар жазалана ма?

Өскеменнің қауіпті қалдықтардың үстінде әлі 100 жыл отыратын түрі бар. Қалада радиоактивті қоқыс көмілген аумақ әлі қоршалмаған. Ол аздай, тұрғын үйлер мен кей білім беру ғимараттары осы улы радиацияның дәл үстінде орналасқан. «Аталған мәселе осыған дейін бірнеше мәрте көтерілсе де, нәтиже жоқ», — дейді жергілікті мамандар. Себебі жыл сайын бюджеттен бөлінетін қаражат мардымсыз.

Алматыда жылу құбыры жарылып, бірнеше көлік, кафе және маңайдағы бағдаршамға зақым келтірді. Оқиға таңғы сағат 5-тер шамасында Бостандық ауданында болған. Көшеден су бұрқақ сынды атқылаған сұйықтықты маңайдағы тұрғындар түсіріп, әлеуметтік желілерге жариялады.

Елімізде көлік салығын төлеу мерзімі өзгертілмек. Енді салық төлеушілерге ыңғайлы болу мақсатында төлем уақытын 31 желтоқсаннан келесі жылдың 1 сәуіріне ауыстыру ұсынылып отыр. Бүгінгі Парламент Мәжілісінің жалпы отырысында Ұлттық экономика министрі Руслан Дәленов осылайша жеке тұлғаларға салық салу жеңілдетілетінін жеткізді. Одан бөлек, көпқабатты үйдің пәтер иелері де жер салығынан босатылады. Ол үшін жеке тұлғалардың мүлік және жер салықтарын біріктіру ұсынылып …

Тағы екі қала, Көкшетау мен Степногор карантинге жабылып, шектеулер күшейтіледі. Бұл туралы Ақмола облысының бас санитар дәрігерінің жаңа қаулысы шықты. Бүгін түнгі 12-ден бастап Көкшетау қаласы карантинге жабылса, 26 маусымнан осындай шаралар Степногор қаласында қолға алынады. Қаулыға сәйкес, барлық автокөліктер мен азаматтарға бұл қалалардың аумағына кіріп-шығуына тыйым салынады. Тек транзиттік жүк көліктері мен азық-түлік тасымалдайтын автокөліктерге рұқсат берілген. Ал Ақтөбеде …

Дәл бүгін, Арыс оқиғасына 1 жыл. Иә, бейбіт заманда, снарядтардың аспанға атылып, оқ-дәрілердің қарша борауы құдды бір соғысты елестетті. Жылаған жүздеген ана мен баланың жан жарасы бәрімізге бірдей батты. Ал қазір сол қираған мыңдаған үй, әлеуметтік нысандар қалпына келтірілді ме? Кінәлілер жазаланып, оқ-дәрі қоймасы қауіпсіз аймаққа көшірілді ме? Бәрінен бұрын адамдардың бойындағы үрей сейілді ме? Қорқыныш басылды ма?

Алматы облысындағы шаруалар биыл өнімсіз қалуы мүмкін. Өйткені егіс алқаптары мамыр айынан бері су көрмеген. Бір ғана Еңбекшіқазақ ауданында 150-ге жуық шаруа қожалығының егіні қурап барады. Ал су шаруашылығына жауапты мамандар алқаптарыңның 50 пайызын сақтап қалсаңдар соған рахмет айтыңдар деп шығарып салыпты. Жер емген диқандар Бартоғай қоймасында су тапшы дегенімен Үлкен Алматы каналы арқылы тіршілік нәрі өзге аудандарға жіберілгеніне ашынуда. …

Соңғы күндері жедел жәрдем шақыру машақатқа айналды. «103» нөмірі тұтқаны көтермейді, көтерсе де, кезекті сағаттап күтуге мәжбүр боласыз. Осындай шағымдар еліміздің әр өңірінде көптеп кездесуде. 103-тің мамандары кей жағдайда бригада жіберудің орнына тек ақыл-кеңес берумен шектеліп жатыр. Шынымен елдің бәрі аурып, қоңыраудың көптігіне байланысты жедел жәрдем үлгермей жатыр ма, әлде, басқа себептер бар ма? Өйткені қоңырауы жауапсыз қалған кейбіреулер мұның …

Шаруалар «Сыбағаға» сеніп сыбағасынан айрылды. Мемлекеттік бағдарламамен асыл тұқымды ірі қараға тапсырыс беріп, тақырға отырған фермерлердің басқа емес, «Қазагроға» өкпесі қара қазандай. Өйткені ұлттық компания өкілдері несие берген кезде белгілі бір ұйымның мүддесін тықпалапты. Яғни малды тек солардан аласыңдар дегенге ұқсайды. Хош, оған да көніп, үй-жайын кепілге қойып, алған кредитін көрші елге аударып, әрең әкелген қымбат сиырлары ауылға ақсақ-тоқсақ, ауру-сырқау …