Новости

Басынан дау арылмаған Көкжайлауға ерекше қорғалатын табиғи аумақ мәртебесі қайтарылады. Бұл туралы Мәжілісте ерекше қорғалатын табиғи аумақтарға қатысты заң жобасын қарау барысында белгілі болды. Төменгі палата депутаттары құжатқа біраз өзгертулер мен толықтырулар енгізді. Әуел баста Көкжайлауға жерге 230 миллион долларға бағаланған курорт салынуы тиіс еді. Бұдан былай парктің жайы не болмақ?

Түтінге тұншыққан ауыл. Табиғаты әсем Қорғалжын тұрғындары елдімекен маңындағы қоқыс полигонымен күресіп әлек. Жылдар бойы жиналған қалдықтар әбден шіріп, одан қалды күні-түні өртеніп жатады екен. Содан шыққан қолқаны қабатын иіс ауыл ішіне кіріп, тұрғындар демалу мүмкін емес, — дейді. Қоқыстан бөлек полигонға малдың өлекселері тасталандықтан, бұл жер жабайы аң-құстардың мекеніне айналған.

Не ақша бермейді, не үйге жібермейді. Нұр-Сұлтандағы фтизиопульмонология орталығында, яғни тубдиспансерде карантинде жатқан 40-қа жуық қызметкер бүгін біздің тілшілермен тығылып тілдесуге мәжбүр болды. Өйткені басшылық базынасын айтқан жұмысшыларына «мәселелеріңді әне шешем, міне шешем» деп басу айтып келген. Бірақ шыдамның шегі жетіп, бар түйткілді тарқатып берді. Айтуларынша, коронавирус жұқтырған науқастармен тікелей қарым-қатынас жасаса да, мемлекет уәде берген ешқандай үстемақы алмаған. Үстемақы …

Қоғамдық монша, спа-салон, сауда орталықтары, базарлар мен спорт залдар жұмысын бастағанда, мейрамханалар неге жабық болуы керек? Бұл сұрақ қазір жұмыссыз қалған мыңдаған той бизнес өкілін мазалап жүр. Үш айдан бері тойларын кейінге шегеруге мәжбүр болып жүрген халық та, банкет залдарының қашан ашылатынын асыға күтуде. Бүгін той саласының қызметкерлері бас қаладағы әкімдіктің алдында жиналып, базынасын айтты. Сонымен асабалардың әзілін тыңдап, сағаттап …

Көңілсіз түлектер, күтпеген қоштасу! Елімізде пандемияның беті қайтпаса да түлектер мектеп бітіргендерін растайтын аттестатты қолдарына алды. Олар өздері білім алған орданың ауласына жиналып, 1 метр ара қашықтықты сақтай отырып, шағын жиын өткізді. Алайда, мектеп бітірушілердің көңілі күпті. Олар жылдағыдай аста-төк кештер мен түнгі қыдырыстың болмағанына қынжылады.

Елімізде жыл соңына дейін жұмыссыздар саны артады. Оның себебін төтенше жағдаймен түсіндірген Біржан Нұрымбетов жұмыссыздық деңгейін 6,1 процент төңірегінде сақтап қалуға тырысатындарын жеткізді. Еңбек және халықты әлеуметтік қорғау министрінің мәліметінше, карантиннің кесірінен екі ай бойы 4 млн-нан аса адам табыссыз жатты. Шектеулерді кезең-кезеңмен жеңілдетудің арқасында бұл көрсеткіш мамыр айында 1 млн адамға кемуі тиіс. Ал жыл біткенше мемлекеттік бағдарламалардың аясында …

Алматыда кәріз құбырына түсіп уланып, комаға түскен екі жұмысшының бірінің беті бері қарады. №7 қалалық ауруханаға ауыр халде жеткізілген азаматтар бірден жансақтау бөліміне жатқызылып, жасанды тыныс алдыру апаратына қосылған болатын. Жасалған ем-домның нәтижесінде 25 жастағы Нұржан Қалыбай есін жиып, өз бетінеше тыныс ала бастаған. Ал 42 жастағы Асқар Қайназаров әлі комада, жағдайы ауыр екен. Естеріңізге сала кетске кеше «Алматы су» …

Елімізде індет жұқтырғандардың 80 пайызында вирус еш сиптомсыз өтіп жатыр. Ғалымдар мұны бала кезде алатын екпемен байланыстырып отыр. Дер кезде салынған вакцина дертке қарсы күресетін иммунитет қалыптастырады дейді. Әріптесім дәрігерлерді әңгімеге тартып, мән-жайды толығырақ біліп көрді.

Қала аумағына кірсе де, ауылдың күйін кешкен тұрғындар арнамыздан көмек сұрады. Алатау ауданына қарасты елдімекендегілердің шыдамы шегіне жеткен. Өйткені, мұндағы коммуникацияның барлығы жекенің қолына өтіп кетіпті. Соның кесірінен, тұрғындар бау-бақшаларын түнгі 3-те суарып, кейде мал жуынатын құдықтан өздері су ішеді екен. Жол азабы тағы бар. Алматының іргесінде тұрып, мұндай сұмдыққа тап боламыз деп ойламаған жандардың жанайқайына қатысты біз әкімдіктен жауап …

Айдалада ақ отау, суы, газы жоқ отау! Ақтөбеде жылдар бойы кезекте тұрып, әрең дегенде он сотық жеріне қол жеткізген тұрғындардың көңілдері су сепкендей басылды. Өйткені, жер телімі берілген Қурайлы 2 ауылы коммуникациялық желі атаулыдан жұрдай болып шықты дейді. Көгілдір отын былай тұрсын, халық күні кешеге дейін ұялы телфонның жарығымен амалдап келгендерін айтты. Мәселе қашан шешіледі?