Новости

Шымкентте соққыға жығылған бозбала ауруханада көз жұмды. Басынан ауыр жарақат алған Абзал Ұтқыров он тәуліктен бері балалар ауруханасының жансақтау бөлімшесінде ес-түссіз жатқан болатын. Дәрігерлер шұғыл түрде ота жасағанымен, оны өлімнен арашалап алып қала алмады. Енді қара жамылған отбасы кінәлілердің қатаң жазаға тартылуын қалап отыр. Алайда, қалалық прокуратура мен полиция департаменті бұл іске қатысты ешқандай мәлімет берер емес. Сондықтан, марқұмның туыстары …

Елордалық үлескерлер де әлі ұлардай шулап жүр. 5 жылдан бері «Жағалау-4» тұрғын үй кешеніне қаражат құйған бес жүзге жуық отбасы, жалпы сомасы шамамен 4 миллиард теңгеден асатын қаражатын қайтара алмай әлек. Үй уақытында салынбаған соң азаматтар құрылыс компаниясынан күдіктене бастаған. Амалы құрыған соң біздің арна тілшілерін шақырып арыздарын айтты.

Елімізде Армениядан жеткізілген көліктерді тіркеу басталды. Бірінші қыркүйекке дейін барлық автокөліктер тіркеуден өтулері тиіс. Бастапқыда шу шығарып, оны заңдастыруды талдап еткен автомобиль иелері, тіркеуге келгенде аса құлшыныс танытып отырған жоқ. Бұған не себеп?

«Дәретханалар мен қыздардың жуынатын бөлмелеріне камера орнатып, үлкен экраннан бәрін көріп отырған!» Павлодар облысының прокуратурасы балаларды қолдау орталығындағы сұмдық жағдайдың бетін ашты. Мекеме басшысы Асхат Қоқымбаевтың айтуынша, бақылау камералары орталықтың бұрыш-бұрышына облыстық білім басқармасының тапсырмасымен орнатылған екен. Алайда, шаш ал десе бас алатын орындаушылар дәретхана мен қыздар жуынатын бөлмені де ұмыт қалдырмапты. Бұл орталықта кәмелет жасқа толмаған қыз балалардың да …

Еліміздің басым бөлігінде блок-бекеттер алынып жатыр. Кей өңірлер түнгі 12-ден жиналса, кейібірі таң ата елді мекнедер арасын бөліп тұрған постарды аша бастаған. Екі айлық кезекшілік нәтижесінде бірқатар қызметкер марапатталды. Ең бастысы адамдар мәз. Қала арасында еркін қатынайтын болдық деп. Бірақ босаңсуға әлі негіз жоқ дейді тәртіп сақшылары.

Еліміздің ең үлкен мегополисінде де блок-бекеттер алынды. Қалада қайтадан кептеліс. Алайда, кіреберісінде ешқандай тосқауыл жоқ. 2-3 шақырым жерді төрт-бес сағаттап жүріп өтетін жүргізушілер енді еркін жүруіне мүмкіндік туып отыр. Сонымен қатар, бұл төте жол тауып, тығылып кіріп-шығып жүргендер үшін де тиімді болғандай.

Қала арасындағы блок-бекеттер алынған соң, ізін ала, пойыздар іске қосылды. Бүгін еліміздің түкпір-түкпіріне жолаушылар мінген 54 құрам шойын жолмен діттеген жеріне аттанды. «Нұр-Сұлтан-Көкшетау» бағыты бойынша қатынайтын пойыз ұзақ уақыт үзілістен соң, жолға шыққан алғашқы құрам ретінде ел тарихына енді. Ал, вокзалға бұдан былай тек қолында билеті бар азаматтар ғана кіруге құқылы. Шығарып салушы, күтіп алушылар кешенге жіберілмейді.

АҚШ-тағы толқулардың толқыны Еуропаға да жетті. Қара нәсілді жігіттің қазасына кәрі құрлық та наразы. Берлин мен Лондон жұрты жаппай шерулетіп жатыр. «Бізді өлтіру доғарылсын!», «Енді кімнің мойнын аяқпен басасыңдар?» деген сияқты плакаттарды ұстап мыңдаған адам АҚШ елшіліктерінің алдына жиналды. Дәл осы сәтті ұтымды пайдаланғандар да жоқ емес! Отқа оранған мемлекеттік нысандар мен тоналған дүкендердің санында шек жоқ! Қазірдің өзінде жаппай …

Тарихи әділдікті қалпына келтіру жұмыстарын толық аяқтауымыз керек. Күні кеше Қасым-Жомарт Тоқаев саяси қуғын-сүргін және ашаршылық құрбандарын еске алу күніне орай үндеуінде осылай деді. Мемлекет басшысы мемлекеттік комиссия құрылатыны туралы да ескерді. Өткен күнге көз тіксек бұл тақырыпқа 1993 жылдан бері жөнді көңіл де бөлінбеген екен. Ештен кеш жақсы. Аталған жұмыстар қалай жүргізіледі? Комиссия құрамына кімдер кіруі тиіс?

Бүгін Балаларды қорғаудың халықаралық күні. Әдетте, осы уақытта қаланың бас алаңдарында жұрт боп, мерекені дүрілдетіп тойлаушы ек. Биылғы жағдайға байланысты мейрам басқа форматта өтіп жатыр. Десе де, қай ата-ана баласының көңілін жыққысы келеді. Әркім бұл күнді естен кетпестей өткізуге ынтық.