Новости

Төтенше жағдай аяқталғанымен карантин жалғасады. Алайда Алматы облысының түрғындары таңертең қалаға жаппай енбек болған. Бірақ карантин әлі алынбағандықтан көпшілігінің кері қайтуына тура келген. Тақырыпты бекеттерді аралап қайтқан тілшіміз тарқатады.

Төтенше жағдай режимі аяқталды. Бірақ бұл да босаңсуға болады дегенді білдірмейді. Жер-жердегі карантин тәртібі әлі сақталады. Бірқатар нысандар есігін ашты. Режим өзгерген соң біршама талап та алынады деген сөз. Ірі қалалар айналасындағы блокпост не болады? Дәрігерлерге берілген үстемеақы осымен тоқтай ма? Сұрақ көп.

Енді ұшаққа отыру үшін вирусты анықтайтын тест тапсырудың қажеті жоқ. Жауаптылар көп ойланып осындай шешімге келді. Көліктегі санитарлық дәрігердің сөзінше 1 мамырдан бастап ұшақтардың қызметін еліміз бойынша 5 мың 200 адам пайдаланыпты. Тест тапсырған жолаушылардан коронавирустың белгілері анықталмаған. Ал, бүгін мемлекет басшысы Қасым-Жомарт Тоқаев тағы алдағы уақытта 7 қаланың әуе кеңістігі ашылатынын мәлімдеді. Бұл қай қалалар? Ұшаққа отыру үшін қандай …

«Біздің ақшамыз қайда?». Павлодарда вируспен күрестің алғы шебінде жүргендер бас көтерді. Жедел жәрдем қызметкерлері үш айдан бері заңды үстемақысын ала алмай келеді екен. Қалтқысыз қызметтің қайтырымы ретінде оларға 425 мыңның орнына небәрі 60 мың теңге түсіпті. Сонда қалған ақша қайда?

Бүгіннен бастап бірқатар жұмыс орындары ашылып, азаматтар еңбек етуге кірісті. Десе де, отбасылы тұрғындар үшін бұл тағы бір мәселенің бетін ашып берді. Кешелі бері осы топтың өкілдері балаларын қайда қалдырарын білмей абдырап қалған екен. Елеңдемей еңбек ету үшін қам жасалса жарасады. Ал, балабақшалар балдырғандарды қабылдауға дайын ба? Жалпы мектепке дейінгі мекемелердің хал-ахуалы қандай?

Түркістан облысында тағы бір шаһар су астында қала жаздады. Толассыз жауған жауын Төле би ауданының орталығы Леңгір қаласын шайып кетуге сәл-ақ қалды. Табиғаттың тосын құбылысы түс қайта басталған. Тау басынан құлай аққан ағын суға нөсер жауын қосылып, Леңгір өзені арнасынан тасыды. Салдарынан Көкжиек, Өркен және Сәкен Сейфуллин көшелеріндегі 31 үйдің ауласы мен қора-жайларды су басты. Осындағы газ құбыры зақымдалып, 83 …

Мемлекет дағдарысқа қарсы бөлген 6 триллион теңге қайда жұмсалды? Әлеуметтік желіде осының есебін талап етушілер көбейді.Осыған орай, Қаржы министрлігі қомақты қаржының қандай мақсаттарға бағытталатынын жариялады. 6 трлиллионның 3,4 триллионы қазынадан, 2,5 триллионы бюджеттен тыс көздерден алынады. Шамамен 14 млрд доллар болатын бұл қаражат халықты жұмыспен қамтуға, табысынан айрылғандарға арналған ай сайынғы көмекке, әлеуметтік төлемдерге, тұрғын-үй құрылысына, салық табысының шығындарын өтеуге …

Жәрдемақы жыры! 42 500 теңгені күтіп әуреге түскен жұрт тағы да даурықты. Бұл жолы тегін ақшаны екінші мәрте алудың шарттары сәл өзгерді. Мұны естіген кейбір қазақстандықтар әлеуметтік желілерде наразылықтарын білдіруде. Олар осы мақсатқа деп бөлінген миллиардтаған сома қайда деп сұрап жатыр.

Саунада сайран құрған судья мен прокурордың ісіне қатысты жаңа дерек. Жоғарғы соттың шешімімен оқиғаның жай-жапсары анықталғанша Кербұлақ аудандық сотының төрағасы Дінмұхаммед Сейітовтың өкілеттігілігі тоқтатылды. Кешелі-бері жұрттың қызу талқысына түскен видеоны түсірген адам да байланысқа шығып, не болып, не қойғанын түсіндіруге тырысты. Оның сөзінше бейнежазба карантинге дейін түсірілген екен. Оқиғаның жай-жапсарын, әріптесім тарқатып айтып берсін.

Көпқабатты үйге лифт салуды ұмытып кеткен құрылыс компаниясы күлкіге қалды. Құрылысшылар жеделсатыдан бөлек, өрт кезінде түсетін сатыны да естен шығарған. Олқылықты енді байқаған олар лифтті нысанның сыртына орналастырып жатыр. Ал тұрғындар мұның қыста қауіпті екенін айтып, даурығуда. Пайдалануға берілмеген үйге қоныстануға қорқатындар да бар. Өрескел қателікке кім жауапты?