Новости

«Колхозда тұрсақ та, қыдыруды білеміз!». Кешелі-бері әлеуметтік желіні Алматы облысының Сарыөзек кентіндегі саунада түсірілген видео дүр сілкіндірді. Оны түсірген азамат өздеріне Панфилов ауданының прокуроры қонаққа келгенін айтады. Бұдан бөлек, араларында аудандық соттың төрағасы барын айтады. Бұған қатысты құзырлы органдар қызметтік тексеріс бастап, мән-жайды анықтауға кіріскендерін хабарлады. Ал ашынған жұрт карантинді бұзып, заңға бағынбаған шенділер қызметтерінен шеттетілсін деп талап етуде.

Парламентте де оппозиция болмақ. Мемлекет басшысының тапсырмасымен депутаттар конституциялық заңға өзгеріс енгізуді ұсынып отыр. Оған сәйкес, заң шығарушы органға оппозицияға орын беруден бөлек, оларға бірқатар кепілдіктер қарастырылған. Соңғы өзгерістерге байланысты елде саяси белсенділік артыпты. Бірақ 7 бірдей партияға тіркеуге рұқсат берілмепті.

Елордада кәріз құдығының қақпағын ұрлайтындар қатары артты. Әр көктемде белең алатын бұл көлеңкелі бизнес әзірге тыйылмай тұр. Бір ғана көшенің бойында оннан астам люк ашық жатыр. Ал, сол жермен өтетін жаяу жүргіншілер көшеде жарық жоқ болғандықтан, тереңдігі 4-5 метр болатын құдыққа түсіп кетеміз бе деп алаңдайды. Одан бөлек, қала сыртындағы құдықтар әккі ұрылардың бірінші ұрлау нысанына айналады екен.

Алматының іргесіндегі «Думан» шағын ауданының тұрғындары көшеге балаларын шығарудан қорқып отыр. Өйткені, қоршауға тым жақын төселген жолдан күндіз-түні ары-бері зулаған көліктер бала түгілі ересектердің өміріне де қауіп төндіреді екен. Ойнап жүрген бірнеше баланы машина қағып кетіп, мертіктірген. Бұл думандықтарды алаңдатып отырған бірт ғана мәселе емес. Осыдан бірнеше жыл бұрын ауыз су мен кәріз құбыры тартылған кезде астаң-кесатеңі шыққан жол әлі …

«Қазақстанда қаржы жүйесі тұрақты, банк салымшыларына ешқандай қауіп жоқ». «Егемен Қазақстан» газетіне берген сқхбатында Мемлекет басшысы Қасым-Жомарт Тоқаев осылай деді. Президенттің сөзінше, Ұлттық банк пен Қаржы нарығын реттеу және қадағалау агенттігі қаржы жүйесінің тұрақтылығын қолдау бойынша қосымша шараларды қарастыруда. «Банк жүйесі қаржы нарығының аса маңызды бөлігі. Банктердің тұрақты жұмыс істеуіне мемлекет те, бизнес өкілдері де, қарапайым салымшылар да мүдделі» деген …

Алматы облысындағы Жетіген аэродромына авариялық жағдайда қонған С-295 әскери ұшағына қатысты жауаптылар түсінік берді. Белгілі болғандай, Елордадан Ақтөбеге бағыт алған әуе кемесінің жоспарлы ұшу кезінде алдыңғы қондыру шассиі істен шыққан. Ұшақ бортында болған лайнердің командирі, ұшу тәжірибесі 1700 сағаттан асатын Жеңіс Зайнолдинов, командирдің көмекшісі, капитан Абылай Ыбыраев пен ұшақтың борт-инженері Кәрім Пахритдинов ақауды жою үшін қажетті барлық шараларды қабылдаған. Төтенше …

Қазақстан Сардоба су қоймасындағы бөгеттің бұзылуынан болған алапат тасқынға қатысты Өзбекстанға наразылық нотасын жолдамайды. Бұл туралы еліміз Сыртқы істер министрлігінің ресми өкілі Айбек Смадияров мәлімдеді. Оның сөзінше, қазір екі ел тасқынның салдарын бірлесіп жоюға уағдаласқан. Сондықтан, нота жолдау мәселесі күн тәртібінде жоқ екен.

Иә, оңтүстіктегі ағайынға арқаны кеңге салуға болмайды. Мақтаарал ауданындағы жеті елді мекенді әлі де су басу қаупі бар екен. Аймақ әкімі Үкімет отырысында осылай деді. Өмірзақ Шөкеев алапат тасқыннан зардап шеккен халыққа бүлінген дүние-мүлкі үшін өтемақы төленетінін мәлімдеді. Әріптесім Нұржан Сәдірбай біздің тарап пен Өзбекстанның мақтааралдықтарға қандай көмек беретінін тыңдап көрді.

Шаштараздардың жұмысқа шыққаны сол-ақ еді, қызмет құны аспандап шыға келді. Астанада шашты қысқарту бақандай 5000 теңге. Қоғамдық көліктер тоқтап тұрғандықтан, салонға барып-келу де қалтаны біршама қағары анық. Ал өткен жылмен салыстырғанда шаштараздардың қызмет құны 5,2 пайызға көтерілген.

Алматы тұрғындары тал-теректен төгілген құрт-құмырсқадан шошынып жатыр. Жыбырлаған жәндіктер өткен-кеткен адамның үстіне түсіп, мазасын алады екен. Зиянкестерді көрген жұрт камераға түсіріп, видеоны әлеуметтік желілерге жүктеген. Ал жауапты мекемелер болса, ағаштарды улау жұмыстарын жүргізіп жатырмыз деп ақталуда.